ໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX, ໄດ້ມີການປັບປຸງບຸກຄະລະກອນພາຍໃນສະພາແຫ່ງຊາດ ດັ່ງລຸ່ມນີ້:
1) ທ່ານ ສຈ.ປອ ຈະເລີນ ເຍຍປາວເຮີ ຮອງປະທານສະພາແຫ່ງຊາດ, ບໍ່ຄວບເປັນປະທານກຳມາທິການກົດໝາຍ.
2) ທ່ານ ຄໍາແພງ ວິລະພັນ ປະທານກຳມາທິການຍຸຕິທໍາ ເປັນປະທານກຳມາທິການກົດ ໝາຍ ສະພາແຫ່ງຊາດ.
3) ທ່ານ ນາງ ທຸມມະລີ ວົງພະຈັນ ປະທານກຳມາທິການວັດທະນະທຳ-ສັງຄົມ ເປັນປະທານກຳມາທິການຍຸຕິທໍາ ສະພາແຫ່ງຊາດ.
ນອກຈາກນັ້ນ ກອງປະຊຸມຍັງໄດ້ຄົ້ນຄວ້າພິຈາລະນາ ແລະ ຮັບຮອງເອົາການເລືອກຕັ້ງເອົາ ທ່ານ ບຸນຕາ ເທບພະວົງ ຮອງປະທານກຳມາທິການແຜນການ, ການເງິນ ແລະ ການກວດສອບ ເປັນກຳມະການຄະນະປະຈຳສະພາແຫ່ງຊາດ ແລະ ການແຕ່ງຕັ້ງເປັນປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ.