ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ປິດຊຸດຝືກອົບຮົມບຳລຸງພາສາອັງກິດ ຊຸດທີ 42

ຕອນ​ເຊົ້າວັນທີ 20.12.2019. ສະ​ຖາ​ບັນ​ການ​ຕ່າງປະ​ເທດ ກະຊວງ​ການ​ຕ່າງປະ​ເທດ​ໄດ້​ປິດ​ຊຸດ​ຝືກອົບຮົມ​ບຳລຸງ​ພາສາ​ອັງກິດ ຊຸດ​ທີ 42 ​ໃຫ້​ພະນັກງານ​ກະຊວງ​ການ​ຕ່າງປະ​ເທດ ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ​ບັນດາ​ກະຊວງ​ອ້ອມ​ຂ້າງ​ສູນ​ກາງ​ແລະ​ທ້ອງ​ຖິ່ນ ຈຳນວນ 86 ຄົນ ພາຍຫລັງດຳ​ເນີນ​ມາ​ເປັນ​ເວລາ 6 ​ເດືອນ ​ໂດຍ​ການ​ເຂົ້າຮ່ວມ​ຂອງ​ທ່ານ ຕິ່ງ ສຸກ​ສັນ ຄະນະ​ປະຈຳ​ພັກ​ກະຊວງ​ການ​ຕ່າງປະ​ເທດ ຫົວໜ້າກົມ​ຈັດຕັ້ງ ​ແລະ​ພະນັກງານ​ກະຊວງ​ການ​ຕ່າງປະ​ເທດ​.

ທ່ານ ອິນ​ທະ​ສອນ ທິຣະກຸນ ຮອງ​ຫົວໜ້າສະ​ຖາ​ບັນ​ການ​ຕ່າງປະ​ເທດ​ໄດ້​ຂື້ນຜ່ານ​ບົດ​ສະຫຼຸບລາຍ​ງານ​ຜົນສຳ​ເລັດ​ຂອງ​ຊຸດ​ຝືກອົບຮົມ​ແມ່ນ​ໄດ້​ບັນລຸ​ຜົນສຳ​ເລັດ​ຕາມ​ຄາດໝາຍທີ່​ວາງ​ໄວ້​ຊຶ່ງ​ຜູ້​ເຂົ້າຮ່ວມ​ບຳລຸງ​ພາສາ​ອັງກິດ​ໃນ​ຊຸດ​ນີ້ສາມາດ​ຍົກ​ລະດັບ​ພາສາ​ອັງກິດ​ໄດ້​ດີ​ສົມຄວນ​ເປັນຕົ້ນ ການ​ສົນທະນາ ການ​ນຳ​ສະ​ເໜີບົດ ການ​ຂິດ​ຂຽນ ​ແລະ​ການ​ຟັງ ​ເພື່ອ​ນຳ​ໄປໝູນ​ໃຊ້​ເຂົ້າ​ໃນ​ການ​ປະຕິບັດ​ວຽກງານ​ວິຊາ​ສະ​ເພາະ​ຢູ່​ກົມ​ກອງ​ຂອງ​ຕົນ​ເພື່ອ​ຮັບປະກັນ​ທາງ​ດ້ານ​ຄຸນ​ນະພາ​ບທາງ​ດ້ານ​ວຽກງານ​ໃຫ້​ສູງ​ຂື້ນ

ທ່ານ ອິນ​ທະ​ສອນ ​ໃຫ້​ຮູ້​ຕື່ມ​ວ່າ ຊຸດ​ບຳລຸງ​ພາສາ​ອັງກິດ​ຊຸດ​ທີ 42 ​ໄດ້​ດຳ​ເນີນ​ໄປ​ຕາມ​ແຜນ​ທີ່​ສະ​ຖາ​ບັນ​ການ​ຕ່າງປະ​ເທດ​ວາງ​ອອກ ນອກຈາກ​ນັ້ນຍັງ​ໄດ້​ສ້າງ​ກິດຈະກຳ​ເຄື່ອນ​ໄຫວ​ນອກ​ຫຼັກສູດ ​ເປັນຕົ້ນ​ໄດ້​ນຳພາ​ຜູ້​ເຂົ້າຮ່ວມ​ຝືກອົບຮົມ​ໄປ​ທັດສະນະ​ສື​ກສາ​ຢ້ຽມຢາມ​ຂໍ້​ມູນ ຂ່າວສານ​ຄົນ​ພິການ, ບໍລິສັດ​ລາວ​ໂທລະ​ຄົມ​ມະຫາຊົນ, ບໍລິສັດ​ລາວ​ຍີ່ປຸ່ນ ບໍລິການ​ສະໜາມບິນ​ຈຳກັດ ຢ້ຽມຢາມ​ເຄື່ອນ​ໄຟຟ້າ​ນ້ຳງື່ມ 1 ​ແລະ​ຈັດ​ກິດຈະກຳ​ແຂ່ງຂັນ​ກິລາ ​ເພື່ອ​ຕ້ອນຮັບ​ວັນ​ສຳຄັນ​ຕ່າງໆຂອງ​ຊາດ​ແລະ​ເພື່ອ​ຮັດ​ແໜ້ນຄວາມ​ສາມັກຄີ​ລະ​ຫ່ວາງ​ສະ​ຖາ​ບັນ​ການ​ຕ່າງປະ​ເທດ​ແລະ​ຜູ້​ເຂົ້າຮ່ວມ​ຝືກອົບ​ຮົບ​ຕື່ມ​ອີກ.