ອີງຕາມການໃຫ້ສໍາພາດເມື່ອວັນທີ 11 ກໍລະກົດ 2024 ຂອງ ທ່ານ ພອນປະເສີດ ທອງສີທາວົງ ຫົວໜ້າພະແນກກະສິກຳ ແລະ ປ່າໄມ້ ແຂວງ ອັດຕະປື ໃຫ້ຮູ້ວ່າ: ປີນີ້ແຂວງອັດຕະປື ກໍ່ຄື ພະແນກກະສິກຳ ແລະ ປ່າໄມ້ແຂວງ ຈະສູ້ຊົນປ່ອຍປາ ແລະ ສັດນໍ້າອື່ນໆ ລົງສູ່ແຫຼ່ງນໍ້າທຳມະຊາດໃຫ້ໄດ້ 9 ລ້ານກວ່າໂຕ, ເຊິ່ງປະຈຸບັນທົ່ວແຂວງ ສາມາດຜະລິດລູກປາ ແລະ ສັດນໍ້າອື່ນ ໄດ້ທັງໝົດ 1 ລ້ານກວ່າໂຕ, ໃນນີ້ ລູກປາຜະລິດໄດ້ 9 ແສນ 7 ໝື່ນ 4 ພັນໂຕ, ລູກກົບຜະລິດໄດ້ 9 ໝື່ນ 2 ພັນໂຕ, ໃນນັ້ນ ພາກສ່ວນລັດ ຜະລິດໄດ້ 1 ແສນກວ່າໂຕ, ຫົວໜ່ວຍຄອບຄົວ ແລະ ຜູ້ປະກອບການຜະລິດໄດ້ 1 ລ້ານ 5 ແສນກວ່າໂຕ, ເຊິ່ງປາທີ່ຈະນຳມາປ່ອຍໃນປີນີ້ ປະກອບມີ: ພັນປາພື້ນເມືອງ ແລະ ແນວພັນປາທີ່ມີການຂະຫຍາຍຕົວໄດ້ດີ ສາມາດອາໄສຢູ່ໃນເຂດແຫຼ່ງນໍ້າໄດ້ເຊັ່ນ: ປາປາກ, ປາໂຣລູ, ປາກິນຫຍ້າ, ປາໄນ, ປາດຸກ, ປາເຂັງ, ປາພອນ ແລະ ສັດອື່ນໆ, ໂດຍຈະປ່ອຍລົງໃສ່ສະຖານທີ່ຫວງຫ້າມ ຫຼື ເຂດອະນຸລັກພັນສັດນ້ຳ, ເຂດວັງສະຫງວນ, ໜອງຊຸມຊົນ ແລະ ອື່ນໆ. ສໍາລັບສະເພາະວັນທີ 13 ກໍລະກົດ ທົ່ວແຂວງຈະປ່ອນ ໃນຈຳນວນ 5 ແສນ 4 ໝື່ນ 3 ພັນໂຕ, ສ່ວນທີ່ເຫຼືອຈະສືບຕໍ່ປ່ອຍຕາມແຜນຂອງແຕ່ລະເມືອງ ແລະ ຈະຈັດພິທີໃຫຍ່ຂອງແຂວງຂຶ້ນໃນວັນທີ 12 ກໍລະກົດ ຢູ່ເມືອງພູວົງ.
ຂ່າວ: ວັດທະນາ
