ປະຈຸບັນອໍານາດການປົກຄອງເມືອງໄຊເສດຖາ ໄດ້ສຸມໃສ່ການຈັດຕັ້ງຜັນຂະຫຍາຍແຜນການຜະລິດລະດູແລ້ງຢ່າງເປັນຂະ ບວນກວ້າງຂວາງ ເພື່ອເຮັດໃຫ້ຊາວກະສິກອນພາຍໃນເມືອງ ຕື່ນຕົວທໍາການຜະລິດ ໃຫ້ຫຼາຍກາຍ ເປັນສິນຄ້າ ເພື່ອຮອງຮັບດ້ານສະບຽງອາຫານໃຫ້ພຽງພໍ.
ທ່ານ ຟອງສະໃໝ ມະນີວົງ ຮອງຫົວໜ້າຫອ້ງການກະສີກຳ ແລະ ປ່າໄມ້ເມືອງໄຊເສດຖາ ແຂວງອັດຕະຕື, ໄດ້ລາຍ ງານໃຫ້ຮູ້ວ່າ: ເພື່ອເຮັດໃຫ້ການຜະລິດລະດູແລ້ງປີນີ້ພາຍໃນເມືອງໄຊເສດຖາ ທວງທັນຕາມລະດັບການ ແລະ ຮັບປະກັນຜົນຜະລິດໃຫ້ໄດ້ຫຼາຍ ປະຈຸບັນທາງຫ້ອງການກະສິກໍາ ແລະ ປ່າໄມ້ເມືອງໄດ້ແຕ່ງຕັ້ງພະ ນັກງານວິຊາການ ລົງຕິດຕາມ, ຊຸກຍູ້ການປູກຜຶດລະດູແລ້ງ ໃນແຕ່ລະເຂດການຜະລິດຂອງເມືອງ ເພື່ອໃຫ້ຄໍາແນະນໍາປະຊາ ຊົນ ທາງດ້ານເຕັກນິກຕ່າງຂອງການຜະລິດ,ສໍາລັບແຜນການສູ້ຊົນການຜະລິດ ໂດຍສະເພາະແມ່ນຈະເນັ້ນໃສ່ການຜະລິດເຂົ້ານາແຊງ ຢູ່ໃນ 5 ໂຄງການຊົນ ລະປະທານເບື້ອງຕົ້ນແມ່ນສູ້ຊົນໃຫ້ໄດ້ໃນເນື້ອທີ່ທັງໝົດ 407 ເຮັກ ຕາ,ມາຮອດປະຈຸບັນມີ 3 ໂຄງ ການຊົນລະປະທານທີ່ໄດ້ລົງມື ຕົ້ນກ້າສຳເລັດ ຄື: ໂຄງການຊົນລະປະທານ ວັດທາດ ກວມເອົາບ້ານ ຫາດຊາຍຂາວ, ບ້ານທາດພະໄຊ ແລະ ບ້ານວັດຫຼວງ, ໂຄງການຊົນລະປະທານ ສີເຊົາ ບ້ານວັດຫຼວງ ກວມເອົາ ບ້ານ ວັດຫຼວງ ແລະ ສົມໂຄດ,ໂຄງການຊົນລະປະທ່ານ ບ້ານຊະແຄະ, ສ່ວນ ຊົນລະປະທານ ບ້ານໄຊສີ ແມ່ນກຳລັງ ຂຸ້ນຂ້ຽວ ຕິດຕັ້ງໂປມນ້ຳ ເພື່ອເອົານໍ້າ ຂື້ນເຮັດການຜະລິດ ແລະ ໂຄງການ ຊົນລະ ປະທານ ຫາດສະຕີ ຈະເລີ່ມລົງມືຕົກກ້າ ໃນມໍ່ນີ້,ສ່ວນການປັກດຳໃນແຕ່ລະໂຄງການຊົນລະ ປະ ທານຄາດຈະເລີ່ມໃນລະຫວ່າງ ທ້າຍປີ 2021 ຫາ ຕົ້ນປີ 2022 ນີ້,ສ່ວນແຜນການປູກພືດສະບຽງອາຫານ ທີ່ມີໂພຊະນາການ ປະ ຈຳປີ 2022 ມີແຜນການທັງໝົດ 345 ເຮັກຕາ ໃນນີ້ ໃນເຂດໂຄງການຊົນລະປະທານມີ 45 ເຮັກຕາ ແລະ ນອກໂຄງການຊົນລະປະທານມີ 300 ເຮັກຕາ, ເຊີ່ງພືດສ່ວນໃຫຍ່ ແມ່ນເລັງໃສ່ ພືດຜັກກິນໃບ,ກີນໝາກ ແລະ ກິນຫົວ ມາຮອດປະຈຸບັນ ໄດ້ປະຕິບັດຕົວຈິງໄປແລ້ວ 275 ເຮັກຕາ ແລະ ໄດ້ເລີ່ມເກັບກ່ຽວຜົນຜະລິດໄປແລ້ວສ່ວນໜຶ່ງ ໂດຍສະເພາະພືດຜັກທີ່ມີອາຍຸສັ້ນ.
ທ່ານ ຟອງສະໃໝ ມະນີວົງ ຮອງຫົວໜ້າຫອ້ງການກະສີກຳ ແລະ ປ່າໄມ້ເມືອງໄຊເສດຖາ ຍັງໄດ້ຮຽກຮ້ອງມາຍັງທົ່ວສັງຄົມພາຍ ໃນເມືອງໄຊເສດຖາ ຈົ່ງສືບຕໍ່ເຮັດການຜະລິດ ດ້ານການປູກຝັງ ແລະ ລ້ຽງສັດ ໃນລະດູແລ້ງ ປະ ຈຳປີ 2022 ໃຫ້ເປັນຂະບວນການຟື້ດຟື້ນ,ກາຍເປັນຂອງທົ່ວປວງຊົນຕາມທິດການດຳລົງຊີວິດແບບໃໝ່ ຢ່າງມີວິທີການ ເພາະທຸກພື້ນທີ່ອ້ອມຂ້າງເຮືອນຊານ ພວກເຮົາແມ່ນສາມາດປູກພືດຜັກໄດ້ເກືອບທຸກຊະນິດ ເພື່ອແນໃສ່ ເຮັດໃຫ້ມີສະບຽງອາຫານ ທີ່ມີໂພຊະນາການ ປອດໄພ ໄວ້ບໍລິໂພກ ໃຫ້ພຽງພໍ ແລະ ຕໍ່ເນື່ອງ ໄປພ້ອມໆກັບການສ້າງລາຍບຮັບຈາກການຜະລິດປູກຝັງ ແລະ ລ້ຽງ ສັດ.
ຂ່າວ: ວັດທະນາ ຂ.ອັດຕະປື
Loading...