ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ປີນີ້ ແຂວງ ອັດຕະປື ຈະປູກໄມ້ ແລະ ຟື້ນຟູປ່າໄມ້ ໃຫ້ໄດ້ 21.684 ເຮັກຕາ, ໃນນັ້ນ: ວຽກຟື້ນຟູໃນສາມປະເພດປ່າ ແລະ ນອກສາມປະເພດປ່າ ໃຫ້ໄດ້ 18.024 ເຮັກຕາ, ວຽກສົ່ງເສີມການປູກປ່າ ໃຫ້ໄດ້ 3.660 ເຮັກຕາ ແລະ ວຽກງານຄຸ້ມຄອງປ່າໄມ້ບ້ານ ໃຫ້ໄດ້ 37 ບ້ານ.
ໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024 ເຈົ້າແຂວງ ອັດຕະປື ໄດ້ອອກແຈ້ງການ ເລື່ອງ: ການເພີ່ມທະວີຄວາມເອົາໃຈໃສ່ຕໍ່ການຈັດຕັ້ງ ສ້າງຂະບວນການປູກຕົ້ນໄມ້ ເນື້ອງໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024, ໂດຍໄດ້ມອບໃຫ້ເຈົ້າເມືອງ 5 ເມືອງ, ບັນດາພະແນກການ-ອົງການທຽບຶເທົ່າອ້ອມຂ້າງແຂວງ, ກອງບັນຊາການ ປກຊ-ປກສ ແຂວງ ແລະ ອົງການຈັດຕັ້ງຕ່າງໆ ລວມທັງພາກລັດ ແລະ ເອກະຊົນ ກະກຽມສະຖານທີ່, ເນື້ອທີ່, ເບ້ຍໄມ້ ແລະ ຊະນິດພັນໄມ້ ເພື່ອສ້າງຂະບວນການປູກໄມ້ໃຫ້ຟົດຟື້ນ, ໂດຍການໂຄສະນາເຜີຍແຜ່ທາງວິທະຍຸ ແລະ ສື່ຕ່າງໆ, ການຕິດຕັ້ງປ້າຍຄໍາຂັວນ, ການປູກຈິດສໍານຶກຕາມບ້ານ ຫຼື ຊຸມຊົນ, ໂຮງຮຽນຕ່າງໆ ແລະ ຕາມເສັ້ນທາງພາຍໃນເທດສະບານຂອງແຂວງ ແລະ ເມືອງ, ການກຳນົດສະຖານທີ່, ເນື້ອທີ່ປູກຝັງຕ້ອງໃຫ້ສໍາເລັດກ່ອນວັນທີ 25 ພຶດສະພາ, ການຂຸດຂຸມ ແລະ ການໃສ່ຝຸ່ນລົງຂຸມ ຕ້ອງໃຫ້ສໍາເລັດກ່ອນວັນທີ 30 ພຶດສະພາ ແລະ ໃຫ້ຈັດຕັ້ງພິທີປູກຕົ້ນໄມ້ຢ່າງເປັນທາງການໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024 ຕາມແຕ່ລະສະຖານທີ່ຂອງແຕ່ລະເມືອງ ທີ່ໄດ້ກໍານົດໄວ້.