ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ປີໃໝ່ລາວ 4 ມື້ລຽນຕິດ ສປປ ລາວ ບໍ່ມີຜູ້ຕິດເຊື້ອພະຍາດໂກວິດ 19. ແລະຄົນເຈັບອອກໂຮງໝໍອີກ 1ຄົນ.

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ທັງເປັນຜູ້ປະຈຳການຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດໂຄວິດ 19 ຖະແຫລງຕໍ່ສື່ມວນຊົນ ເຖິງສະພາບການລະບາດຂອງພະຍາດ ໂກວິດ 19 ໃນຕອນບ່າຍວັນທີ 16 ເມສານີ້ ທີ່ສູນປະຕິບັດງານ ຄະນະສະເພາະກິດ ຄວບຄຸມພະຍາດ ໂກວິດ 19 ວ່າ: ວັນທີ 15 ເມສາ 2020, ໄດ້ ເກັບຕົວຢ່າງມາກວດທັງໝົດ 23 ຄົນ, ໃນນັ້ນມີຜູ້ສຳຜັດໃກ້ຊິດ ກັບຜູ້ຕິດເຊື້ອ 2 ຄົນ, ກໍລະນີມີອາການສົງໄສ 21 ຄົນ ໃນນີ້ມີແຮງງານລາວທີ່ກັບມາແຕ່ໄທ 1 ຄົນ. ໃນຈຳນວນ 23 ຄົນທີ່ມາກວດນັ້ນ ມີ ນະຄອນຫຼວງວຽງຈັນ 19 ຄົນ ແລະ ຕ່າງແຂວງ 4 ຄົນ ຄື:-  ຫຼວງພະບາງ 1 ຄົນ,-  ອັດຕະປຶ 1 ຄົນ, ສະຫວັນນະເຂດ 2 ຄົນ.ຜົນກວດທັງໝົດ 23 ກໍລະນີ ແມ່ນບໍ່ພົບເຊື້ອ.

ການຕິດຕາມປີ່ນປົວຄົນເຈັບຢູ່ໂຮງໝໍ

ປະຈຸບັນຍັງນອນປິ່ນປົວຢູ່ໂຮງໝໍ 17 ຄົນ ,ໃນນີ້ 2 ຄົນໄດ້ອອກໂຮງໝໍແລ້ວ ຄືຜູ້ຕິດເຊື້ອກໍລະນີທີ 12 ແລະ ກໍລະນີທີ 14 ແມ່ນອອກໂຮງໝໍມື້ເຊົ້ານີ້. ຈຳນວນ 3 ຄົນຢູ່ໂຮງໝໍແຂວງຫຼວງພະບາງ ເຫັນວ່າມີອາການຄົງຕົວ ຂັ້ນເບົາບາງ ຍັງຕິດຕາມການກວດຫາເຊື້ອເພື່ອຢັ້ງຢືນ.ສ່ວນ 14 ຄົນຢູ່ໂຮງໝໍມິດຕະພາບ ເຫັນວ່າ ມີອາການເບົາບາງ ແລະ ຍັງຕິດຕາມການກວດຫາເຊື້ອເພື່ອຢັ້ງຢືນ.