ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ປີ 2019 ນັກທ່ອງທ່ຽວຈີນ ເຂົ້າມາທ່ຽວລາວ 1 ລ້ານຄົນ

ໃນປີ 2019 ນັກທ່ອງທ່ຽວຈີນ ເຂົ້າມາທ່ອງທ່ຽວໃນ ສປປ ລາວ ຈຳນວນ 1 ລ້ານກວ່າຄົນ ທຽບໃສ່ປີຜ່ານມາເພີ່ມຂຶ້ນ 26% ຈັດຢູ່ໃນອັນດັບທີ 2 ຂອງຈຳນວນນັກທ່ອງທ່ຽວຕ່າງປະ ເທດ ທີ່ເຂົ້າມາທ່ອງທ່ຽວລາວ ເຊິ່ງອັນດັບທີ່ 1 ແມ່ນ ປະເທດໄທ.
ທ່ານ ສູນ ມະນີວົງ ຫົວໜ້າກົມໂຄສະນາການທ່ອງທ່ຽວ ກະຊວງຖະແຫລງຂ່າວ, ວັດທະນະ ທຳ ແລະ ທ່ອງທ່ຽວ ໄດ້ໃຫ້ສຳພາດ ໃນງານຕ້ອນຮັບນັກທ່ອງທ່ຽວຈີນ ເຂົ້າມາລາວຜູ້ທີ 1 ລ້ານຄົນ ຂອງປີ 2019 ໃນວັນທີ 31 ທັນວາ 2019 ນີ້ວ່າ: ສຳລັບກິດຈະກຳສົ່ງເສີມປີທ່ອງທ່ຽວ ລາວ-ຈີນ ລັດຖະບານລາວ ໄດ້ສູ້ຊົນດຶງດູດເອົານັກທ່ອງທ່ຽວຈີນ ເຂົ້າມາທ່ຽວລາວ ໄດ້ 1 ລ້ານຄົນ, ເຊິ່ງບັນລຸຕາມແຜນທີ່ວາງໄວ້, ທັງສອງລັດຖະບານ ລາວ ແລະ ຈີນ ໄດ້ຮ່ວມກັນ ຈັດຕັ້ງປະຕິບັດກິດຈະກຳ ສົ່ງເສີມການທ່ອງທ່ຽວລາວ-ຈີນ ແຕ່ເດືອນມັງກອນ ຜ່ານມາ ດ້ວຍຫລາຍຮູບແບບເຊັ່ນ: ວາງສະ ແດງຮູບພາບ, ສະແດງສິລະປະ, ສຳມະນາຕ່າງໆ ກ່ຽວກັບການສົ່ງເສີມການທ່ອງທ່ຽວ ເຖິງແມ່ນວ່າກິດຈະກຳສົ່ງເສີມປີທ່ອງທ່ຽວ ລາວ-ຈີນ ຈະປິດລົງກໍຕາມ, ແຕ່ທັງສອງຝ່າຍລາວ-ຈີນ ຍັງຈະສືບຕໍ່ຮ່ວມມືກັນ ໃນການສົ່ງເສີມປີທ່ອງທ່ຽວຂອງສອງປະເທດ, ເພີ່ມທະວີອຳນວຍຄວາມສະດວກໃນດ້ານຕ່າງໆ ເປັນຕົ້ນ ສົ່ງເສີມການໄປມາຫາສູ່ເຊິ່ງກັນ ແລະ ກັນ ໃຫ້ມີຄວາມສະດວກ, ສະບາຍ, ວ່ອງໄວ, ປອດໄພ ແລະ ອື່ນໆ.
ທ່ານ ເຊ້ຍ ຈາວ ນັກທ່ອງທ່ຽວຊາວຈີນ ໄດ້ໃຫ້ສຳພາດວ່າ: ຕົນເອງໄດ້ເດີນທາງມາທ່ອງທ່ຽວໃນສປປ ລາວ ເປັນຄັ້ງທີ 2 ເຫັນວ່າ ສປປ ລາວ ເປັນປະເທດທີ່ມີຄວາມອຸດົມສົມບູນທັງດ້ານຊັບພະ ຍາກອນທຳມະຊາດ, ພູຜາ, ປ່າໄມ້ ກໍມີຄວາມອຸດົມສົມບູນ, ມີແຫລ່ງທ່ອງທ່ຽວທີ່ມີຄວາມສວຍງາມຫລາຍແຫລ່ງ ເປັນຕົ້ນ ແຫລ່ງທ່ອງທ່ຽວທາງທຳມະຊາດ, ປະຫວັດສາດ, ວັດທະນະທຳ ລວມເຖິງຮີດຄອງປະເພນີ ຂອງປະຊາຊົນລາວບັນເຜົ່າກໍມີຄວາມຫລາກຫລາຍ ທາງດ້ານວັດທະນະທຳ ທີ່ແຕກຕ່າງກັນ. ໃນການເດີນທາງມາທ່ອງທ່ຽວ ສປປ ລາວ ຄັ້ງນີ້, ມີຄວາມຮູ້ສຶກດີໃຈ ແລະ ປະທັບໃຈຫລາຍທີ່ເຫັນປະຊາຊົນລາວ ໃຫ້ການຕ້ອນຮັບດ້ວຍຄວາມຍີ້ມແຍ້ມແຈມໃສ ແລະ ຈະເດີນທາງໄປທ່ອງທ່ຽວຢູ່ວັງວຽງ, ຫລວງພະບາງ, ເຊິ່ງເປັນສະຖານທີ່ ທີ່ມີຄວາມສວຍງາມທາງດ້ານທຳມະຊາດ ແລະ ປະຫວັດສາດ ພາຍຫລັງກັບຄືນປະເທດ ຈະນຳເອົາວັດທະນະທຳ, ຮີດຄອງປະເພນີ ແລະ ສະ ຖານທີ່ທ່ອງທ່ຽວຕ່າງໆ ຂອງ ສປປ ລາວ ໄປເຜີຍແຜ່ໃຫ້ປະຊາຊົນຈີນ ຮັບຮູ້ເຂົ້າໃຈກ່ຽວກັບປະເທດລາວຫລາຍຂຶ້ນ.