ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນປີ 2021 ນີ້, ຜ່ານ ການກວດກາຄົ້ນຄວ້າຢ່າງລະ ອຽດຖີ່ຖ້ວນ, ພາວະວິໄສຂອງເຈົ້າ ໜ້າທີ່ອົງການຕຸລາການ ແລະ ຍຸຕິທຳ ລັດຖະບານ ມີນະໂຍບາຍ ສະເໜີອະໄພຍະໂທດ ໃຫ້ນັກໂທດ ຜູ້ທີ່ມີຜົນງານດີເພື່ອສະເໜີຕໍ່ປະ ທານປະເທດ ຕົກ ລົງອະໄພຍະ ໂທດ ໃຫ້ນັກໂທດທັງໝົດຈຳນວນ 2.017 ຄົນ, ຍິງ 284 ຄົນ, ຄົນ ຕ່າງປະເທດ 27 ຄົນ, ຍິງ 5 ຄົນ. ໃນນີ້, ໃຫ້ອະໄພຍະໂທດດ້ວຍ ການຫຼຸດຜ່ອນໂທດ ຈຳນວນ 2.005 ຄົນ, ຍິງ 281 ຄົນ, ຕ່າງປະເທດ 27 ຄົນ, ຍິງ 5 ຄົນ;ອະໄພຍະໂທດປ່ອຍຕົວຈຳນວນ 12 ຄົນ, ຍິງ 3 ຄົນ, (ບໍ່ມີຄົນ ຕ່າງປະເທດ).
ໃນວັນທີ 22 ພະຈິກນີ້, ທີ່ອົງ ການໄອຍະການ ປະຊາ ຊົນສູງສຸດ ນະຄອນຫຼວງວຽງຈັນ, ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດ ຖະມົນຕີ ກະ ຊວງປ້ອງກັນປະ ເທດ, ທັງເປັນປະທານຄະນະກຳ ມະການອະໄພຍະໂທດລະດັບ ຊາດ ໄດ້ຖະແຫຼງຂ່າວໃຫ້ຮູ້ວ່າ: ໃນນາມປະທານກຳມະການອະ ໄພຍະໂທດລະ ດັບຊາດ, ໄດ້ຖະ ແຫຼງ ແລະ ແຈ້ງການກ່ຽວກັບ ການ ກວດກາ-ຄົ້ນຄວ້າຂອງຄະນະກຳມະການອະໄພຍະໂທດຂັ້ນຕ່າງໆ ຕໍ່ວຽກງານອະໄພຍະໂທດ ປະຈຳປີ 2021 ມາຍັງບັນດາ ທ່ານ ແລະ ພໍ່ແມ່ພີ່ນ້ອງປະຊາຊົນ ບັນດາເຜົ່າຮູ້ວ່າ: ຄະນະກໍາມະ ການອະໄພຍະໂທດແຕ່ສູນກາງ ຮອດທ້ອງຖິ່ນ ແລະ ຜູ້ມີສ່ວນ ຮ່ວມ ທຸກໆທ່ານຂົງເຂດຕຸລາການ ແລະ ຍຸຕິທໍາ ໄດ້ຕັ້ງໜ້າເອົາໃຈໃສ່ປະ ຕິບັນໜ້າທີ່ຂອງຕົນ ດ້ວຍຄວາມ ຮັບຜິດຊອບສູງ, ເປັນຢ່າງດີ, ໂດຍປະຕິບັດແນວທາງນະໂຍ ບາຍຂອງພັກ ກໍຄືລັດຖະທຳມະ ນູນແຫ່ງ ສາທາລະນະລັດ ປະ ຊາທິປະ ໄຕ ປະຊາຊົນລາວ ລັດ ຖະບັນຍັດຂອງປະທານປະເທດ ແຫ່ງ ສປປ ລາວ ສະບັບເລກທີ 001/ປປທ, ລົງວັນທີ 20 ມີນາ 2018 ວ່າດ້ວຍການ ໃຫ້ອະໄພ ຍະໂທດ, ແຕ່ລະປີ ລັດຖະບານ ກໍໄດ້ມີນະໂຍບາຍສະເໜີອະໄພ ຍະໂທດໃຫ້ແກ່ນັກໂທດຜູ້ທີ່ມີຜົນ ງານດີ, ມີຄວາມກ້າວໜ້າໃນເວ ລາປະຕິບັດໂທດ ຖືກຕ້ອງຕາມ ແນວທາງນະໂຍບາຍມະນຸດສະ ທຳ. ປະທານປະເທດ ໄດ້ອອກລັດຖະດໍາລັດວ່າດ້ວຍການອະໄພຍະໂທດໃຫ້ແກ່ນັກໂທດ ສະບັບເລກທີ 219/ປປທ, ລົງວັນທີ 19 ພະຈິກ 2021 ເນື່ອງໃນໂອກາດວັນ ສະ ຖາປະນາສາທາລະນະລັດ ປະຊາ ທິປະໄຕ ປະຊາຊົນລາວ ຄົບຮອບ 46 ປີ (ວັນ ຊາດທີ 2 ທັນວາ). ທ່ານຮອງນາຍົກລັດຖະມົນຕີ ໃຫ້ຮູ້ຕື່ມວ່າ: ວຽກງານອະໄພຍະ ໂທດ ເປັນວຽກງານໜຶ່ງທີ່ສໍາຄັນ ທີ່ສະແດງໃຫ້ເຫັນແນວທາງ ນະໂຍບາຍ ແລະ ນະໂຍບາຍອັນ ຖືກຕ້ອງເປັນທຳຂອງພັກປະຊາ ຊົນປະຕິວັດລາວ ຕໍ່ພົນລະເມືອງ ທີ່ມີການກະທຳຜິດທາງກົດໝາຍ ເພື່ອສຶກສາອົບຮົມຜູ້ທີ່ຫຼົງຜິດ ໃຫ້ກາຍເປັນພົນລະເມືອງດີຂອງ ຊາດ ເພື່ອໃຫ້ບຸກຄົນດັ່ງກ່າວ ມີໂອ ກາດມາຮ່ວມກັນສ້າງສາພັດທະ ນາປະເທດຊາດ ໃຫ້ມີຄວາມຈະ ເລີນກ້າວໜ້າຕໍ່ໄປ.
ຂ່າວ-ພາບ: ສົມຫວັງ