ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ປຶກສາຫາລືກົນໄກປະສານງານ ແລະ ການຮ່ວມມືລະຫວ່າງຂະແຫນງສາທາລະນະສຸກ ແລະ ຂະແຫນງ ຖວທ ເພື່ອປ້ອງກັນພະຍາດ
ຜູ້ຕາງຫນ້າຈາກຂະແຫນງສາທາລະນະສຸກ ແລະ ຂະແຫນງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ຫລາຍກວ່າ 60 ຄົນ ຈາກທົ່ວປະເທດ ເຂົ້າຮ່ວມກອງປະຊຸມປຶກສາຫາລືກົນໄກປະສານງານ ແລະ ຮ່ວມມືລະຫວ່າງຂະແໜງການສາທາລະ ນະສຸກ ແລະ ຂະແໜງຖວທ ທີ່ສູນສະຖິຕິ ແລະ ຂ່າວສານສາທາລະ ນະສຸກ, ກະຊວງສາທາ ລະນະສຸກຈັດຂຶ້ນ.
ຈຸດປະສົງຂອງກອງປະຊຸມຄັ້ງນີ້ ເພື່ອປຶກສາຫາລື ແລະ ແລກ ປ່ຽນບົດຮຽນຮ່ວມກັນກ່ຽວກັບກົນໄກການປະສານງານໃນໄລຍະຜ່ານ ກໍຄື ໄລຍະທີ່ມີການລະບາດຂອງພະຍາດໂດວິດ-19 ເພື່ອຍົກໃຫ້ເຫັນຈຸດດີ, ຈຸດອ່ອນຂໍ້ຄົງຄ້າງ ແລະ ບົດຮຽນທີ່ຖອດ ຖອນໄດ້ໃນການຈັດຕັ້ງປະຕິບັດ ແລະ ກອບຂອງການຮ່ວມມືກັນ ໂດຍສະເພາະ ສຸມໃສ່ປ້ອງກັນການລະບາດຂອງພະຍາດທີ່ອາດຈະເກີດຂື້ນໃນຕໍ່ຫນ້າ. ທັງນີ້ ເພື່ອແນໃສ່ເຮັດໃຫ້ການເຜີຍແຜ່ຂໍ້ມູນຂໍ້ມູນຂ່າວຕ່າງໆ ເພື່ອປ້ອງກັນ ແລະ ຄວບຄຸມການລະບາດຂອງພະຍາດໃຫ້ສັງຄົມ ກໍຄື ປະຊາຊົນໃນທົ່ວປະເທດຮັບຮູ້ຂໍ້ມູນຂ່າວ ສານຢ່າງວ່ອງໄວ, ກວ້າງຂວາງ ແລະ ທົ່ວເຖີງກວ່າເກົ່າ.
ກອງປະຊຸມຄັ້ງນີ້ ຈັດຂຶ້ນທີ່ເມືອງວັງວຽງ, ແຂວງວຽງຈັນ ໃນລະ ຫວ່າງວັນທີ 6-8 ທັນວາ 2023 ພາຍໃຕ້ການເປັນປະທານຂອງ ທ່ານ ວິສິດ ຄໍາລືຊາ. ຫົວໜ້າສູນສະຖິຕິ ແລະ ຂ່າວສານສາທາລະນະ ສຸກ, ກະຊວງສາທາລະສະສຸກ.