ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງເລຂາຄະນະກຳມະການ ຈັດງານມະຫະກຳກິລາມະຫາວິ ທະຍາໄລລາວ ຄັ້ງທີ 2 ໄດ້ຈັດກອງປະຊຸມປຶກສາຫາລື ກັບບັນດາອະນຸກຳມະການຝ່າຍຕ່າງໆ ເພື່ອກະກຽມໃສ່ການເປີດງານມະຫະ ກຳກິລາມະຫາວິທະຍາໄລລາວ ຄັ້ງທີ 2 ໃນລະຫວ່າງ ວັນທີ 5-14 ພຶດສະພາ 2024 ທີ່ຈະເຖິງນີ້.
ກອງປະຊຸມຈັດຂຶ້ນໃນຕອນແລງວັນທີ 14 ມີ ນາ 2024 ໂດຍການເປັນປະທານຂອງທ່ານຮອງສາດສະດາ ຈານ ສິນທະວອນ ດາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ ທັງເປັນຮອງປະທານຮັບຜິດຊອບຈັດງານມະຫະກຳກິລາມະຫາ ວິທະຍາໄລລາວ ຄັ້ງທີ 2.
ໃນກອງປະຊຸມ ທ່ານ ຮສ ສິນທະວອນ ດາລາວົງ ໄດ້ແຈ້ງເຖິງຈຸດປະສົງຄາດໝາຍຂອງກອງປະຊຸມ ພ້ອມທັງໄດ້ເຈາະຈີ້ມແຜນປະຕິບັດງານ ແລະ ກວດກາຄວາມພ້ອມຂອງແຕ່ລະອະນຸກຳມະ ການ ເຊິ່ງໄດ້ບົດສະຫຼຸບເບື້ອງຕົ້ນວ່າ ງານມະຫະກຳກິລາມະຫາວິ ທະຍາໄລລາວ ຄັ້ງທີ 2 ຈະຈັດຂຶ້ນໃນລະຫວ່າງ ວັນທີ 5-14 ພຶດສະພາ 2024 ເຊິ່ງມະຫາວິທະຍາແຫ່ງຊາດ ເປັນເຈົ້າພາບ.
ໂດຍຈະມີການແຂ່ງຂັນທັງໝົດ 14 ປະເພດກິລາ ຄື: ບານເຕະ (ຊາຍ-ຍິງ), ບານສົ່ງ (ຮົ່ມ ແລະ ຫາດຊາຍ), ບານບ້ວງ 3×3, ເປຕັງ, ຢູໂດ, ເທຄວັນໂດ, ປັນຈັກສີລັດ, ດອກປີກໄກ່, ກະຕໍ້ ແລະ ອີ-ສະປອດ ເຊິ່ງ 10 ປະເພດ ແມ່ນຈະຈັດຢູ່ໃນບໍລິເວນເຂດ ມຊ ດົງໂດກ ຍົກເວັ້ນກິລາ ຢູໂດ ຈະຈັດຢູ່ສູນບູໂດເຊັນເຕີ. ສ່ວນພິທີເປີດ-ປິດ ໃນຄັ້ງນີ້ ຈະຈັດຢູ່ເດີ່ນໃນຮົ່ມ ໃນຮູບແບບກະທັດຮັດ ສອດຄ່ອງກັບຍຸກສະໄໝໃໝ່ ແລະ ມີເນື້ອໃນ.
ສໍາລັບງານມະຫະກຳກິລາມະຫາວິທະຍາໄລລາວ ຄັ້ງທີ 1 ແມ່ນຈັດຂຶ້ນທີ່ ນະຄອນຫຼວງວຽງຈັນ ໂດຍມະຫາວິທະຍາ ໄລແຫ່ງຊາດ ເປັນເຈົ້າພາບ ໃນລະຫວ່າງວັນທີ 5-15 ມີນາ 2016.
ຂ່າວ – ພາບ: ຄົນຂ້າງສະໜາມ
May be an image of 14 people and text