ວັນທີ 20 ສິງຫາ 2024 ທ່ານ ສົມບຸນ ເຮືອງວົງສາ ຮອງເຈົ້າແຂວງຈຳປາສັກຜູ້ຊີ້ນຳວຽກງານເສດຖະກິດ ພ້ອມຄະນະໄດ້ເຄື່ອນໄຫວຊຸກຍູ້ ແລະ ຕິດຕາມການຈັດຕັ້ງປະຕິບັດໂຄງການເຂດພັດທະນາເສດຖະກິດໃໝ່ສີທັນດອນ,ເມືອງໂຂງ ທີ່ ໂຮງ ແຮມ ມ່ວນມ່ວນ ບູຕິກ, ພາຍໃນເຂດດັ່ງກ່າວ ໂດຍມີ ທ່ານ ນາງ ຄຳພູ ລິດທິສັກ ເຈົ້າເມືອງໂຂງ, ທ່ານ ລີສຽງ ປະທານບໍລິສັດຮ່ວມພັດທະນາ ສີທັນດອນ ຈຳກັດ ແລະ ພາກສ່ວນທີ່ກ່ຽວປຂ້ອງຂົ້າຮ່ວມ
ທ່ານ ບຸນຍົງ ສູນທອນ ຫົວໜ້າຄະນະຄຸ້ມຄອງເຂດເສດຖະ ກິດພິເສດ ແຂວງຈໍາປາສັດ ໄດ້ລາຍງານຜົນກອງປະຊຸມການຈັດຕັ້ງປະຕິບັດໂຄງການພັດທະນາເຂດເສດຖະກິດໃໝ່ສີທັນ ດອນຕາມບົດບັນທຶກກອງປະຊຸມຄັ້ງວັນທີ 23 ມັງກອນ 2024 ຜ່ານມາໃຫ້ຮູ້ວ່າ ຊຶ່ງມີບັນດາຫົວຂໍ້ທີ່ໄດ້ນຳສະເໜີ ແລະ ມີຄວາມ ເປັນເອກກະພາບກັນ ໂດຍສະເພາະກ່ຽວກັບການຄົ້ນຄວ້າການສະເໜີ ຂອງບໍລິສັດ ຮ່ວມພັດທະນາ ສີທັນດອນ ຈຳກັດ ກ່ຽວ ກັບການແກ້ໄຂການທ່ວງດຶງ ແລະ ຄວາມຄືບໜ້າຂອງໂຄງ ການດັ່ງກ່າວ, ປຶກສາຫາລຶກັນກ່ຽວກັບຮ່າງຂໍ້ຕົກລົງຂອງ ທ່ານເຈົ້າ ແຂວງ ຈຳປາສັກວ່າດ້ວຍການທົດແທນຫົວໜ່ວຍທີ່ໄດ້ຮັບຜົນກະທົບຈາກໂຄງການພັດທະນາເຂດເສດຖະກິດໃໝ່ ສີທັນ ດອນ ຊຶ່ງພາຍຫຼັງທີ່ໄດ້ມີການຄົ້ນຄວ້າຮ່ວມກັນກັບຄະນະຂັ້ນແຂວງ ແລະ ຂັ້ນສູນກາງ ແລ້ວກໍໄດ້ນຳສະເໜີຕໍ່ສະພາປະຊາຊົນແຂວງເພື່ອຮັບຮອງໃນການກຳນົດລາຄາຫົວໜ່ວຍ,ຊຶ່ງມາຮອດປັດຈຸປັນມີໜັງສືແຈ້ງຕອບຈາກສະພາປະຊາຊົນແຂວງເພື່ອມາປັບປຸງແກ້ໄຂບັນດາຂໍ້ຄົງຄ້າງທີ່ຢູ່ໃນການຈັດຕັ້ງປະຕິບັດວ່າດ້ວຍການກຳນົດຫົວໜ່ວຍລາຄາການຊົດເຊີຍ, ໃນນັ້ນສະພາແຂວງເຫັນວ່າຫົວໜ່ວຍທີ່ຍັງບໍ່ທັນສອດຄ່ອງຄື: ຫົວໜ່ວຍຊົດເຊີຍພື້ນທີ່ການຜະລິດກະສິກຳ ແລະ ຫົວໜ່ວຍການນຳໃຊ້ທີ່ດິນ, ສ່ວນຫົວ ໜ່ວຍທາງດ້ານສິ່ງປຸກສ້າງ ພະແນກ ຍທຂ ແຂວງ ໄດ້ມີຮູບແບບໃນການຄິດໄລ່ມາໃຫ້ນຳສະເໜີຕໍ່ສະພາແຂວງ ພາຍຫຼັງມີຄວາມ ເປັນເອກກະພາບແລ້ວຈະໄດນຳໄປທາບທາມນຳປະຊາຊົນໃນແຕ່ ລະຄອບຄົວທີ່ຖືກຜົນກະທົບ, ໃນນັ້ນໄດ້ປຶກສາຫາລືກ່ຽວກັບດິນທັບຊ້ອນທີ່ເປັນດິນສວນທີ່ບໍ່ສາມາຊົດເຊີຍທີ່ຢູ່ໃນໂຄງການສະໜາມກອັບທີ່ມີເນື້ອທີ່195 ເຮັກຕາ, ມາຮອດປັດຈຸບັນ ແມ່ນຍັງຄົງຄ້າງໃນການແກ້ໄຂ, ປຶກສາຫາລືກ່ຽວກັບໂຄງການລ້ຽງປາຄົບວົງຈອນ, ເລື່ອງເອກກະສານແຜນທີ່ດິນລັດຢູ່ນໍ້າຕົກຕາດຄອນພະເພັງ ແລະ ສົມພະມິດ,ໃນນັ້ນໄດ້ຄົ້ນຄວ້າການຜ່ານກົດ ລະບຽບວ່າດ້ວຍການນຳໃຊ້ກອງທຶນພັດທະນາຊົມຊົນຢູ່ໃນ ເຂດເສດຖະກິດໃໝ່ ສີທັນດອນ ເມືອງໂຂງ ແຂວງຈຳປາສັກ.ນັບແຕ່ເຊັນສັນຍາພັດທະນາໂຄງການ ປີ 2018 ແມ່ນມີພັນທະກອງທຶນພັດທະນາຊົມຊົນ ປີລະ 1 ແສນໂດລາສະຫະລັດ ເພື່ອປະກອບສ່ວນໃຫ້ແກ່ບັນດາບ້ານ ແລະ ປະຊາຊົນຜູ້ທີ່ຖືກຜົນກະທົບຢູ່ໃນໂຄງການ,ມາຮອດປັດຈຸປັນ ໄດ້ຮ່ວມກັບອຳນາດການປົກຄອງ ແລະ ຈັດຕັ້ງປະຕິບັດ ໂດຍໄດ້ມີການແຕ່ງຕັ້ງຄະນະກຳມະການຮັບ ຜິດຊອບຄຸ້ມຄອງກອງທຶນພັດທະນາຊຸມຊົນ, ຜ່ານກົດລະບຽບວ່າດ້ວຍການນຳໃຊ້ເງິນກອງທຶນຂອງໂຄງການ,ໄດ້ປຶກສາບັນຫາ ການຊົດເຊີຍເນື້ອທີ່ດິນຂອງປະຊາຊົນ ແລະ ອື່ນໆຕື່ມອີກ.
ຈາກນັ້ນ ບັນດາຜູ້ເຂົ້າຮ່ວມ ກໍຄືພາກສ່ວນລັດທີ່ກ່ຽວຂ້ອງໄດ້ປະກອບຄຳຄິດຄຳເຫັນຢ່າງກົງໄປກົງມາ ແລະ ມີຂໍ້ສະເໜີຫຼາຍບັນຫາທີ່ຍັງເຫັນວ່າໃນການຈັດຕັ້ງປະຕິບັດບັນ, ວຽກງານທີ່ເຫັນວ່າຍັງມີຂໍ້ຄົງຄ້າງ ແລະ ໄດ້ປຶກສາຫາລືເພື່ອຫາວິທີແກ້ໄຂໃນການາຈັດຕັ້ງປະຕິບັດໃຫ້ໄດ້ຮັບຜົນສຳເລັດ, ໃນນັ້ນ ທ່ານ ອຸໄທ ແກ້ວໃຈຍົມ ຮອງຜູ້ອຳນວຍການບໍລິ ສັດຮ່ວມພັດທະນາສີທັນດອນ ຈຳກັດໄດ້ລາຍງານຫຍໍ້ຜົນການຈັດຕັ້ງປະຕິບັດໂຄງການຕາມເນື້ອໃນບົດບັນທຶກກອງປະຊຸມຄັ້ງວັນທີ 23 ມັງກອນ 2024 ແລະ ຜ່ານແຜນແມ່ບົດພັດທະນາ 2 ແຫຼ່ງທ່ອງທ່ຽວນໍ້າຕົກຕາດຄອນພະເພັງ ແລະ ສົມພະມິດ.
ໃນໂອກາດດັ່ງກ່າວ ທ່ານ ສົມບຸນ ເຮືອງວົງສາ ຊີ້ນໍາໃຫ້ສືບຕໍ່ບັນດາແຜນງານທີ່ຈັດຕັ້ງປະຕິບັດຜ່ານມາໂດຍໃຫ້ມີການສົມທົບກັນໃນຂະແໜງການທີ່ກ່ຽວຂ້ອງ,ຂໍໃຫ້ມີການກວດກາຄືນບັນດາສັນຍາທີ່ລັດຖະບານໄດ້ເຮັດສັນຍາກັບໂຄງການ, ໃນນັ້ນການພັດ ທະນາໂຄງການຫາກບັນຫາໃດຍັງບໍ່ທັນສອດຄ່ອງໃຫ້ມີການແລກ ປ່ຽນຊຶ່ງກັນ ແລະ ກັນ ລະຫວ່າງພາກລັດ ແລະ ຜູ້ພັດທະນາ,ໃຫ້ຄະນະກຳມະການສົມທົບກັບຜູ້ພັດທະນາແກ້ໄຂບັນຫາປະກົດ ການຫຍໍ້ທໍ້ໃນສັງຄົມທີ່ເກີດຂຶ້ນ, ການຈັດຕັ້ງບັັນດາໜ້າວຽກໃນການພັດທະນາບ້ວງເງິນພັດທະນາຊົມຊົນຕ້ອງປະສານສົມທົບແກ້ໄຂບັນຫາ ແລະ ມອບຄວາມຮັບຜິດ ຊອບໃຫ້ພາກສ່ວນກ່ຽວຂ້ອງຈັດຕັ້ງປະຕິບັດ ຊຶ່ງທັງໝົດນີ້ກໍ່ເພື່ອເຮັດໃຫ້ວຽກງານພັດທະ ນາໃນສອງຈຸດດັ່ງກ່າວໃຫ້ໄດ້ຮັບການຈັດປະຕັ້ງປະຕິບັດ ແລະ ສຳເລັດຕາມລະດັບຄາດໝາຍ.
ໃນໂອກາດດັ່ງກ່າວ ຍັງໄດ້ຈັດພິທີມອບ-ຮັບມູນຄ່າການທົດ ແທນຄ່າເສຍຫາຍໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການພັດ ທະນາເຂດເສດຖະກິດໃໝ່ ສີທັນດອນ ຈຳນວນ 15 ຄອບຄົວ ໃນ3ບ້ານຄື: ບ້ານບຶງງາມ, ທ່າຄໍ້ ແລະ ບ້ານ ເສັດຕາເຫຼັກ ລວມມີມູນຄ່າທັງໝົດ 2,9ຕື້ກວ່າກີບ.
ສໍາລັບເຂດພັດທະນາເສດຖະກິດໃໝ່ສີທັນດອນ ໄດ້ຮັບການສ້າງຕັ້ງໃນຄັ້ງວັນທີ 23 ສິງຫາ 2018 ແລະ ເຊັນສັນຍາພັດ ທະນາໂຄງການໃນຄັ້ງວັນທີ 30 ສິງຫາ 2018, ທຶນທັງໝົດ 1,330 ລ້ານໂດລາສະຫະລັດ, ທຶນຈົດ ທະບຽນ: 399 ລ້ານໂດ ລາສະຫະລັດ, ເນື້ອສຳປະທານທັງໝົດ: 9,846 ເຮັກຕາ, ຮູບ ແບບການລົງທຶນ: ບໍລິສັດ ຮ່ວມທຶນພາຍໃນ ແລະ ຕ່າງປະເທດຄື: ບໍລິສັດ ລາວມະຫານາທີສີທັນດອນຮົງກົງການລົງທຶນ ຈຳກັດຜູ້ດຽວ, ຖືຮຸ້ນ 80% ແລະ ບໍລິສັດ ແອວທີວີກໍ່ສ້າງຂົວ-ທາງ ຈຳ ກັດ, ຖືຮຸ້ນ 20%, ມີອາຍຸສໍາປະທານ 50 ປີ.
ສໍາລັບການກໍ່ສ້າງພື້ນຖານໂຄງລ່າງ ແລະ ພັດທະນາໂຄງການ ແມ່ນໃຊ້ເວລາ 50 ປີ, ໃນນີ້ ໄລຍະກໍ່ສ້າງພື້ນ ຖານໂຄງລ່າງ 33 ປີ ໂດຍແບ່ງເປັນ 6 ໄລຍະໂດຍຈະພັດທະນາໃຫ້ສໍາເລັດສົມບູນໃນປີ 2050. ສ່ວນຄວາມຄືບໜ້າຂອງໂຄງການ ໂດຍສະເພາະການຊົດ ເຊີຍປະຊາຊົນທີ່ໄດ້ຮັບຜົນກະທົບ ເຊິ່ງກວມເອົາຂອບເຂດບ້ານທ່າຄໍ້ , ບ້ານທ່າມ່ວງ, ບ້ານບຶງງາມ, ບ້ານເສັດເຕົາເຫຼັກ, ບ້ານເສັດສະຫວັນ ແລະ ບ້ານນາໜອງເຫ້ຍ, ມີຈານວນຄອບຄົວທີ່ຖືກ ຜົນກະທົບທັງໝົດ 1,008 ຄອບຄົວ, ເນື້ອທີ່ຕອນດິນທີ່ຖືກຜົນກະທົບ ຈຳນວນ 1,575 ຕອນ, ເນື້ອທີ່ຖືກຜົນກະທົບ ທັງ ໝົດ ຈໍານວນ 2,099 ເຮັກຕາ.
ມາຮອດປັດຈຸບັນ ບໍລິສັດ ໄດ້ຊົດເຊີຍລ່ວງໜ້າໃຫ້ປະຊາຊົນທີ່ໄດ້ຮັບຜົນກະທົບ ຈາກໂຄງການ ເພື່ອເຂົ້າໄປພັດທະນາກ່ອນ ມີທັງໝົດ ຈໍານວນ 10 ຈຸດ, ມູນຄ່າ 72,629,255,673 ກີບ ແລະ 5,755,751 ໂດລາສະຫະລັດ, ມີທັງໝົດຫລາຍກວ່າ 100 ຄອບຄົວ.
Cr: Bt, ວສລ
