ໂດຍ: ບຸນຕອມ
ປຶ້ມຕຳລາຮຽນວິສະວະກຳໄຟຟ້າສະບັບສອງພາສາລາວ-ຈີນ ຈະຊ່ວຍໃຫ້ນັກສຶກສາລາວສາມາດກຳໄດ້ຄວາມຮູ້ພື້ນຖານທາງດ້ານທິດສະດີ ແລະ ທັກສະພາກປະຕິບັດຕົວຈິງທາງດ້ານວິສະວະກຳໄຟຟ້າໄດ້ດີຍິ່ງຂຶ້ນ ແລະ ເປັນການວາງພື້ນຖານອັນໜັກແໜ້ນໃຫ້ແກ່ເສັ້ນທາງອາຊີບຂອງເຂົາເຈົ້າ.
ທ່ານ ຫຼີ ສຽວຊ່ວນ ປະທານກຸ່ມບໍລິສັດວິສະວະກຳກໍ່ສ້າງ ແລະ ສ້ອມແປງໄຟຟ້າພະລັງງານນ້ຳປະເທດຈີນຈຳກັດ ໄດ້ກ່າວວ່າ: ປຶ້ມຕຳລາຮຽນວິສະວະກຳໄຟຟ້າທີ່ໄດ້ຮຽບຮຽງຂຶ້ນໂດຍການຮ່ວມມືລະຫວ່າງບໍລິສັດວິສະວະກຳກໍ່ສ້າງ ແລະ ສ້ອມແປງໄຟຟ້າພະລັງງານນ້ຳປະເທດຈີນ ຈຳກັດ ພະແນກໂຄງການປະຕິ ບັດງານ ແລະ ບຳລຸງຮັກສາເຂື່ອນໄຟຟ້ານ້ຳອູ ຮ່ວມກັບສະຖາບັນຂົງຈື ມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນມິງ ແລະ ມະຫາວິທະຍາໄລສຸພານຸວົງ, ການຈັດພິມປຶ້ມຕຳລາຮຽນສອງພາສາວິສະວະກຳໄຟຟ້າເຫຼັ້ມດັ່ງກ່າວນີ້ ບໍ່ພຽງແຕ່ເປັນຜົນສຳເລັດອັນສຳຄັນຂອງການລົງເລິກການພົວພັນແລກປ່ຽນວັດທະນະທຳລະຫວ່າງລາວ-ຈີນ ແຕ່ຍັງເປັນການສະແດງໃຫ້ເຫັນການຮ່ວມມືຢ່າງເປັນຮູບປະທຳທາງດ້ານການສຶກສາລະຫວ່າງສອງປະເທດນຳອີກ. ມັນບໍ່ພຽງແຕ່ເປັນການຕື່ມຊ່ອງວ່າງ ແລະ ສົ່ງເສີມຄວາມຮູ້ດ້ານວິສະວະກຳໄຟ ຟ້າໃນພາກປະຕິບັດຂອງຊັບພະຍາກອນການສຶກສາຂອງລາວຢ່າງມີປະສິດທິພາບເທົ່ານັ້ນ ແຕ່ຍັງເປັນການສ້າງຂົວຕໍ່ການແລກປ່ຽນ ແລະ ການຮ່ວມມືລະຫວ່າງນັກວິຊາການດ້ານວິສະວະກຳໄຟຟ້າຈາກສອງປະເທດ ພ້ອມທັງສົ່ງເສີມການເຜີຍແຜ່ ແລະ ແບ່ງປັນຄວາມຮູ້ດ້ານວິຊາການນຳອີກ. ໃນຖານະທີ່ເປັນຫົວໜ້າຜູ້ຮຽບຮຽງຂອງປຶ້ມແບບຮຽນນີ້ໄດ້ມີຄວາມຮັບຜິດຊອບອັນໃຫຍ່ຫຼວງ ໃນຂະບວນການຮຽບຮຽງພວກເຮົາໄດ້ຢຶດໝັ້ນຫຼັກ ການເນື້ອໃນຖືກຕ້ອງພາສາສອດຄ່ອງເຂົ້າໃຈໄດ້ງ່າຍ, ພະຍາຍາມເຮັດໃຫ້ປຶ້ມຕຳລາຮຽນນີ້ບໍ່ພຽງແຕ່ຕອບສະ ໜອງຄວາມຕ້ອງການຂອງລະບົບຄວາມຮູ້ດ້ານວິຊາສະເພາະເທົ່ານັ້ນ ແຕ່ຍັງດັດປັບໃຫ້ແທດເໝາະກັບຈຸດພິ ເສດໃນການຮຽນຮູ້ຂອງນັກສຶກສາລາວ. ພວກເຮົາຫວັງວ່າໂດຍຜ່ານປຶ້ມຕຳລາຮຽນນີ້ຈະສາມາດຊ່ວຍໃຫ້ນັກສຶກສາລາວສາມາດກຳໄດ້ຄວາມຮູ້ພື້ນຖານທາງດ້ານທິດສະດີ ແລະ ທັກສະພາກປະຕິບັດຕົວຈິງທາງດ້ານວິສະ ວະກຳໄຟຟ້າໄດ້ດີຍິ່ງຂຶ້ນ ແລະ ເປັນການວາງພື້ນຖານອັນໜັກແໜ້ນໃຫ້ແກ່ເສັ້ນທາງອາຊີບຂອງເຂົາເຈົ້າ.
ພ້ອມດຽວກັນນັ້ນ, ຜົນສຳເລັດຂອງການຈັດພິມປຶ້ມຕຳລາຮຽນສະບັບນີ້ ແມ່ນບໍ່ສາມາດແຍກອອກຈາກການຮ່ວມມືອັນໃກ້ຊິດລະຫວ່າງລາວ-ຈີນໄດ້. ໃນທີ່ນີ້, ຂໍສະແດງຄວາມຂອບໃຈເປັນພິເສດມາຍັງສະຖາບັນ ຂົງຈືມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນມິງ ແລະ ມະຫາວິທະຍາໄລສຸພານຸວົງປະຈໍາລາວ ທີ່ໄດ້ໃຫ້ການສະໜັບສະໜູນຢ່າງເຂັ້ມແຂງ ຕະຫຼອດຮອດບັນດາເພື່ອນຮ່ວມງານທີ່ມີສ່ວນຮ່ວມໃນການແປພາສາ, ການກວດແກ້ ແລະ ການຈັດພິມທີ່ໄດ້ເຮັດວຽກຢ່າງໜັກ ຍ້ອນຄວາມພະຍາຍາມຮ່ວມກັນຂອງທຸກໆຄົນຈຶ່ງເຮັດໃຫ້ປຶ້ມຕຳລາຮຽນນີ້ປະສົບຜົນສໍາເລັດ ແລະ ເປີດຕົວສູ່ສັງຄົມ.
ໃນຕໍ່ໜ້າພວກເຮົາຈະສືບຕໍ່ລົງເລິກການຮ່ວມມືກັບຝ່າຍລາວໃນຂົງເຂດການສຶກສາ, ຊຸກຍູ້ການພັດທະ ນາສື່ການສອນສອງພາສາໃຫ້ແກ່ຫຼັກສູດວິຊາສະເພາະຫຼາຍຍິ່ງກວ່າເກົ່າ ປະກອບສ່ວນສ້າງກຳລັງແຮງດ້ານເຕັກນິກວິສະວະກຳໄຟຟ້າຕາມວິໄສທັດສາກົນ. ພວກເຮົາຍັງຫວັງວ່າຈະສືບຕໍ່ເພີ່ມທະວີຄວາມເຂົ້າໃຈ ແລະ ມິດຕະພາບອັນເປັນມູນເຊື້ອລະຫວ່າງປະຊາຊົນສອງຊາດລາວ-ຈີນ ໂດຍຜ່ານໂຄງການຮ່ວມມືດັ່ງກ່າວນີ້ ແລະ ຮ່ວມກັນສ້າງອະນາຄົດໃຫ້ສົດໄສສວຍງາມຍິ່ງໆຂຶ້ນ.
