ປຶ້ມ “ຈົດໝາຍເຖິງຫຼານ” ຂຽນຂຶ້ນໂດຍ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ໄດ້ເລີ່ມຕົ້ນຂຶ້ນຢູ່ເທິງເຮືອບິນ ຖ້ຽວພິເສດ ໝາຍເລກ QV 888 ຈາກ ວຽງຈັນເຖິງເມືອງພູຊານ (ສ ເກົາຫຼີ) ໃນວັນທີ 10 ທັນວາ 2014 ເວລາທ່ານເປັນຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດ ເພື່ອເດີນທາງໄປເຂົ້າຮ່ວມ ກອງປະຊຸມສຸດຍອດສະໄໝພິເສດ ສະຫຼອງຄົບ ຮອບ 25 ປີ ຂອງການພົວພັນ ອາຊຽນ-ສເກົາຫຼີ, ເວລານັ້ນ ທ່ານມີຫຼານ 5 ຄົນ.
” ຈົດໝາຍເຖິງຫຼານ” ເລີ່ມຂຽນແຕ່ປີ 2014 ໂດຍໃຊ້ເວລາ 5 ປີ ແລະ ໄດ້ສຳເລັດໃນປີ 2019 ເມື່ອທ່ານເປັນນາຍົກລັດຖະມົນຕີ ແຫ່ງ ສປປ ລາວ ແລະ ມີຫຼານຕື່ມເປັນຄົນທີ 6. ສ່ວນໃຫຍ່ຂອງການຂຽນແມ່ນໃຊ້ເວລາທີ່ທ່ານຢູ່ເທິງເຮືອບິນ ເມື່ອເດີນທາງໄປປະຕິບັດໜ້າທີ່ການທູດຢູ່ຕ່າງປະເທດ ໃນຖານະເປັນຮອງນາຍົກລັດຖະມົນຕີການຕ່າງປະເທດ ແລະ ເວລາເປັນນາຍົກລັດຖະມົນຕີ ແຫ່ງ ສປປ ລາວ.
ປຶ້ມ “ຈົດໝາຍເຖິງຫຼານ” ນຳສະເໜີໂດຍ: ທ່ານເອກອັກຄະລັດຖະທູດ ສຸທໍາ ສາກົນນິຍົມ ແລະ ທ່ານເອກອັກຄະລັດຖະທູດ ມະໄລວຽງ ສາກົນນິຍົມ.
