ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຜູ້ຕິດເຊື້ອພະຍາດໂຄວິດ19 ຢູ່ ສປປ ລາວ ຍັງເຫລືອ 3ຄົນເທົ່ານັ້ນ

ທົ່ວໂລກມີຜູ້ຕິດເຊື້ອພະຍາດໂຄວິດ19ເຖິງ6ລ້ານກວ່າຄົນ ເພີ່ມຂຶ້ນຈາກມື້ວານນີ້124.230ຄົນ ເສຍຊີວິດ 366.379ຄົນ.

ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ຄວບຄຸມໂຄວິກ19 ຖະແຫລງຕໍ່ສື່ມວນຊົນ ຕອນບ່າຍວັນທີ 30 ພຶດສະພານີ້ ເຖິງການຄວບຄຸມໂຄວິດ19ຢູ່ ສປປ ລາວວ່າ: 48ມື້ແລ້ວ ສປປ ລາວ ບໍ່ມີລາຍງານພົບຜູ້ຕິດເຊື້ອພະຍາດໂຄວິດ19, ຜ່ານການກວດວິເຄາະຫາເຊື້ອແຕ່ເດືອນມັງກອນ ມາເຖິງປະຈຸບັນ ມັງທັງໝົດ 6.432 ຕົວຢ່າງ, ພົບຜູ້ຕິດເຊື້ອສະສົມທັງໝົດ 19ຄົນ, ປົວດີແລ້ວ 16ຄົນ, ພວມປິ່ນປົວຢູ່ໂຮງໝໍພຽງ 3ຄົນ ແລະວັນຈັນຈະມາເຖິງນີ້ ຈະກວດຄືນເພື່ອວິເຄາະຫາເຊື້ອ ຫາກເປັນຜົນລົບເຖິງ 2ຄັ້ງ ກໍຈະພິຈາລະນາໃຫ້ອອກໂຮງໝໍໄປກັກໂຕເອັງຢູ່ເຮືອນ14ວັນ.

ວັນທີ 29 ພຶດສະພາ ມີຜູ້ເດີນທາງເຂົ້າມາລາວທັງໝົດ 2.478ຄົນ, ໃນນັ້ນຜ່ານສະໜາມບິນສາກົນວັດໄຕ 151ຄົນ. ໄດ້ນໍາຕົວຢ່າງມາກວດວິເຄາະຫາເຊື້ອ 291 ຕົວຢ່າງ ໃນນັ້ນມີຄົນເຈັບທີ່ອອກໂຮງໝໍໄປແລ້ວ ກັບມາກວດຄືນ 3 ຄົນ, ກໍລະນີສົງໄສ 15ຄົນ ທັງໝົດແມ່ນບໍ່ພົບເຊື້ອ.