ວັນທີ 12 ກຸມພາ 2021 ນີ້ ຜູ້ຮັບສະໜັກເປັນ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 6 ແຂວງຫຼວງພະບາງ ຈໍານວນ 7 ທ່ານ ປະກອບ ມີ ນໍ້າເບີ 2 ທ່ານ ສີນາວາ ສຸພານຸວົງ ຮອງລັດ ຖະມົນຕີກະຊວງພະລັງງານ ແລະ ບໍ່ແຮ່, ນໍ້າເບີ 3 ທ່ານ ນາງ ມະນີວັນ ເຢຍປາວເຮີ ຮອງປະທານກໍາມາທິການວັດທະ ນະທຳ-ສັງຄົມ ປະທານສະຫະພັນແມ່ຍິງສະພາແຫ່ງຊາດ, ນໍ້າເບີ 4 ທ່ານ ນາງ ວຽນວິໄລ ດີລະພັນ ກຳມະການປະຈຳພັກແຂວງ ຮອງປະທານສະພາປະຊາຊົນແຂວງ, ນໍ້າເບີ 6 ທ່ານ ກໍລະກັນ ພົມມະວົງ ເລຂາທິການສະພາປະຊາຊົນແຂວງ ຫຼວງພະບາງ, ນໍ້າເບີ 8 ທ່ານ ສົມພອນ ສີອຸດົມພັນ ກໍາມະການພັກແຂວງ ຫົວໜ້າພະແນກພາຍໃນແຂວງ, ນຳເບີ 11 ພັນ ເອກ ສີວິໄຊ ເພັງສັນຕິສຸກ ຄະນະປະຈຳພັກກອງບັນຊາການ ຮອງຫົວໜ້າກອງບັນຊາການທະຫານແຂວງ ແລະນໍ້າເບີ 12 ທ່ານ ອ່ອນສີ ຈ່າເພຍວ່າ ຮອງປະ ທານແນວລາວສ້າງຊາດແຂວງ ຫຼວງພະບາງ ໄດ້ລົງພົບປະ ແລະແນະນຳຕົວກັບຜູ້ມີສິດປ່ອນບັດເລືອກຕັ້ງ ຢູ່ໂພນທອງ, ໃຫ້ກຽດຕ້ອນຮັບໂດຍ ທ່ານ ບຸນຈັນ ປານຟອງເພັດ ເຈົ້າເມືອງໂພນທອງ ພ້ອມດ້ວຍການນໍາຂອງເມືອງ, ພະນັກງານບໍານານ, ພະນັກງານລັດຖະກອນ, ນັກຮຽນຊັ້ນ ມ6 ມ7 ແລະປະຊາຊົນບັນດາເຜົ່າເທດສະບານເມືອງເຂົ້າຮ່ວມ. ໂອກາດນີ້ ທ່ານ ບຸນຈັນ ປານຟອງເພັດ ໄດ້ລາຍງານໂດຍຫຍໍ້ກ່ຽວກັບການກະກຽມຄວາມພ້ອມ ໃຫ້ແກ່ບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະສະມາຊິກສະພາປະຊາຊົນຂັ້ນແຂວງຊຸດທີ II ເຊິ່ງທົ່ວເມືອງໂພນທອງ ມີ 40 ບ້ານ, ພົນ ລະເມືອງທັງໝົດ 19.959 ຄົນ, ຍິງ 9.519 ຄົນ ໃນນີ້ ມີຜູ້ມີສິດປ່ອນບັດເລືອກຕັ້ງ ອາຍຸ 18 ປີຂື້ນໄປ ມີທັງໝົດ 9.829 ຄົນ, ຍິງ 5.012 ຄົນ, ໄດ້ກຳນົດຈຸດປ່ອນບັດເລືອກຕັ້ງອອກເປັນ 52 ໜ່ວຍ ໃນນີ້ ມີໜ່ວຍເຄື່ອນທີ ກໍາລັງປກຊ-ປກສ 2 ໜ່ວຍ, ຈາກນັ້ນ, ຜູ້ຮັບສະໝັກເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 6 ແຂວງຫຼວງພະບາງ ໄດ້ຜັດປ່ຽນກັນສະເໜີປະຫວັດຫຍໍ້ ເພື່ອໃຫ້ປະຊາຊົນຜູ້ມີສິດປ່ອນບັດເລືອກຕັ້ງໄດ້ພິຈາລະນາ ແລະເລືອກເອົາ ຜູ້ທີ່ມີມາດຖານເງື່ອນໄຂຄົບຖ້ວນ ເປັນຕົວແທນແຫ່ງສິດ ແລະຜົນປະໂຫຍດຂອງປະຊາຊົນ ເຂົ້າໄປປະຕິບັດໜ້າທີ່ໃນສະພາ. ພາຍຫຼັງສຳເລັດການພົບປະ ແລະເຄື່ອນໄຫວຢູ່ເມືອງໂພນທອງແລ້ວ ຜູ້ຮັບສະໜັກເລືອກຕັ້ງເປັນສະມາຊິກສະພາແຫ່ງຊາດຊຸດທີ 9 ປະຈໍາເຂດເລືອກຕັ້ງທີ 6 ແຂວງຫຼວງພະບາງ ຈໍານວນ 7 ທ່ານ ໄດ້ສຶບຕໍ່ລົງໂຄສະນາຫາສຽງຢູ່ເມືອງວຽງຄຳ ຕືມອີກ.
              
ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງ.
Loading...