ໃນວັນທີ 9 ກຸມພາ 2021 ທີ່ສະໂມສອນຫ້ອງວ່າການແຂວງ ແລະ ສະໂມສອນ ກອງບັນຊາທະຫານແຂວງວຽງຈັນ, ບັນດາຜູ້ລົງສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ (ສສຊ) ຊຸດທີ IX ປະຈໍາເຂດເລືອກຕັ້ງທີ 10 ແຂວງວຽງຈັນ, ນໍາໂດຍ ທ່ານ ຈະເລີນ ເຍຍປາວເຮີ ລັດ ຖະມົນຕີ ປະຈໍາສໍານັກງານລັດຖະມົນຕີ, ຜູ້ສະໝັກຮັບເລືອກຕັ້ງນໍ້າເບີ 1 ໄດ້ເຄື່ອນໄຫວພົບປະຫາສຽງ ໂດຍມີ ຄະນະປະຈໍາພັກແຂວງ, ຫົວໜ້າພະແນກການ, ອົງການ, ກົມກອງຂັ້ນແຂວງ, ພະນັກງານ, ທະຫານ ແລະ ຕໍາຫລວດເຂົ້າຮ່ວມ.
ການລົງເຄື່ອນໄຫວພົບປະຫາສຽງໃນຄັ້ງນີ້, ແນໃສ່ເຮັດໃຫ້ຜູ້ມີສິດປ່ອນບັດເລືອກຕັ້ງ ທີ່ເປັນພະ ນັກງານນໍາພາຄຸ້ມຄອງ, ພະນັກງານຫລັກແຫລ່ງ ຢູ່ບັນດາສໍານັກງານ, ອົງການຂັ້ນແຂວງ ໃຫ້ມີຄວາມຮັບຮູ້ ແລະ ເຂົ້າໃຈເລິກເຊິ່ງ ກ່ຽວກັບການເລືອກຕັ້ງໃນຄັ້ງນີ້.
ໂອກາດນີ້, ບັນດາຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ ໄດ້ຜັດປ່ຽນກັນຂຶ້ນສະ ເໜີຊື່ ແລະ ນໍ້າເບີ, ແນະນໍາ ແລະ ສະເໜີຜົນງານການເຄື່ອນໄຫວ ຂອງຕົນຕໍ່ຜູ້ມີສິດປ່ອນບັດເລືອກຕັ້ງ ພ້ອມທັງຍົກໃຫ້ເຫັນບົດບາດຄວາມສໍາຄັນ ຂອງວຽກງານສະພາໃນການພິຈາລະນາ ເອົາບັນຫາສໍາຄັນ ແລະ ບັນຫາຕ່າງໆ ທີຕິດພັນກັບການເລືອກຕັ້ງ.
ສໍາລັບແຂວງວຽງຈັນ, ມີຜູ້ລົງສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ 13 ທ່ານ, ໃນນີ້ມີຜູ້ລົງສະໝັກເລືອກຕັ້ງ ຈາກສູນກາງ 4 ທ່ານ ແລະ ຜູ້ຮັບສະໝັກເລືອກຕັ້ງຈາກທ້ອງຖິ່ນ ຈໍານວນ 9 ທ່ານ ແລະ ສະໝັກ ເປັນສະມາຊິກສະພາປະຊາຊົນແຂວງ 53 ທ່ານ.
 
ຂ່າວ: ສະພາແຫ່ງຊາດ
Loading...