ຂ່າວຕ່າງປະເທດ
ຜູ້ສູງອາຍຸ ແອັສະປາຍ 7 ຄົນ ເສຍຊີວິດຫຼັງຈາກສັກວັກຊິນພີຟາຍເຊີ(Pfizer)
ໜັງສືພິມ ຣັດເຊຍ ທູເດ ລາຍງານໃນວັນທີ 2 ກຸມພານີ້ວ່າ ຜູ້ສູງອາຍຸຢູ່ສູນເບິ່ງແຍງສຸຂະພາບຜູ້ສູງອາຍຸ ຢູ່ນະຄອນຫຼວງມາດຣີສ, ປະເທດແອັສປາຍ 78 ຄົນກວດພົບວ່າຕິດເຊື້ອໂຄວິດ 19 ຫຼັງຈາກສັກວັກຊິນເຂັມທຳອິດ ຂອງ ພີໄຟເຊີ ໄບໂອເອັນເທັກ (Pfizer- biontech) ໃນວັນທີ 13 ມັງກອນທີ່ຜ່ານມາ ໃນນີ້ ເສຍຊີວິດ 7 ຄົນ. ລາຍງານຂ່າວບໍ່ໄດ້ໃຫ້ລາຍລະອຽດວ່າ ການເສຍຊີວິດ ມີສ່ວນໂດຍກົງກັບການສັກວັກຊິນຫຼືບໍ່.
ທ່ານ ທາວລີນາ ຜູ້ສ່ຽວຊານດ້ານວັກຊິນ ຂອງນະຄອນຊຽງໄຮຂອງຈີນມີຄວາມເຫັນວ່າ: 7 ຄົນທີ່ເສຍຊີວິດ ອາດຈະຍ້ອນພະຍາດປະຈຳຕົວອື່ນ ທີ່ວັກຊິນເກີດຜົນກະທົບຂ້າງຄຽງ ກໍ່ອາດເປັນໄດ້ ຄວນສອບສວນລະອຽດກ່ອນ ຫຼື 78 ຄົນນີ້ຕິດເຊື້ອໂຄວິດ-19 ກ່ອນສັກວັກຊິນຫຼື ກ່ອນວັກຊິນຈະອອກລິດກໍ່ອາດເປັນໄປໄດ້ເຊັ່ນກັນ.
ເຫດການນີ້ບໍ່ແມ່ນເຫດການທຳອິດ. ໃນກາງເດືອນມັງກອນຜ່ານມາ ກໍ່ມີຜູ້ສູງອາຍຸ ນັອກແວ 23 ຄົນເສຍຊີວິດຫຼັງຈາກສັກວັກຊິນສະນິດນີ້, ບາງຄົນມີອາຍຸ 80-90 ປີຂຶ້ນໄປ. ສຳນັກຂ່າວ NRK ຂອງ ນັອກແວ ລາຍງານ.
Loading...