ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຜູ້ອາຍຸສູງທີ່ດື່ມນ້ຳໝາກບລູເບີລີ ມື້ລະ 2-3 ຈອກ ຈະຊ່ວຍໃຫ້ຄວາມຈຳດີຂື້ນ

ຄະນະ​ນັກວິ​ໄຈ​ຂອງ​ມະຫາວິທະຍາ​ໄລ​ຊິນ​ຊິນ​ນາ​ຕິ​ກະຊວງ​ກະສິກຳ​ຂອງ​ອາ​ເມ​ລິ​ກາ ​ແລະ ກະຊວງ​ກະສິກຳ​ຂອງ​ກາ​ນາ​ດາ ​ໄດ້​ວາງ​ຮາກ​ຖານ​ຈະ​ຮ່ວມ​ກັນ​ທົດ​ລອງ​ຂະໜາດ​ໃຫຍ່​ໃນ​ສະຖານ​ທີ່​ພະຍາບານ​ເພື່ອ​ຕັດສິນ​ໃຈ​ວ່າ​ສົມຄວນ​ຈະ​ຍົກຍ້ອງໝາກບລູ​ເບີ​ລີ ຊຶ່ງ​ກຳລັງ​ມີ​ຊື່ສຽງຫລາຍ​ຂື້ນ​ເປັນ​ຢາ​ບຳລຸງ​ຄວາມ​ຈຳ ຫລື ບໍ່.

ຫົວໜ້າຄະນະ​ນັກວິ​ໄຈ ທ່ານ​ໂຣ​ເບີດ ຄນິ​ໂກ​ເຣຍ ​ໄດ້​ຊີ້​ແຈງ​ວ່າ: ຜົນ​ການ​ສຶກສາ​ໃນ​ຫ້ອງ​ທົດ​ລອງ​ກັບ​ສັດ​ວ່າ ການ​ກິນ​ນ້ຳໝາກບລູ​ເບີ​ລີ ​ໄດ້​ຊ່ວຍ​ສົ່ງ​ເສີມ​ຄວາມ​ຈຳ​ໃນ​ຜູ້​ອາຍຸ​ສູງ​ໃຫ້​ດີ​ຂື້ນ. ອາສາ​ສະໝັກອາຍຸ 70 ປີ ກຸ່ມໜຶ່ງ ​ເຊິ່ງ​ເລີ່​ມມີ​ອາການ​ຄວາມ​ຈຳ​ເສື່ອ​ມ ​ເມື່ອ​ໄດ້​ກິນນ້ຳໝາກບລູ​ເບີ​ລີ ຕາມ​ທີ່​ມີ​ຂາຍ​ໃນ​ທ້ອງ​ຕະຫລາດ​ມື້ລະ 2-3 ຈອກ ​ເປັນ​ເວລາ 2 ​ເດືອນ​ໄດ້​ສະ​ແດງ​ໃຫ້​ເຫັນ​ເມື່ອ​ທົດ​ສອບ​ການ​ຮຽນຮູ້ ​ແລະ ຄວາມ​ຈຳຖື​ວ່າ​ດີ​ຂື້ນຢ່າງ​ຊັດ​ເຈນ.

ລາຍ​ງານ​ຜົນ​ການ​ສຶກສາ​ພົບ​ວ່າ:ການ​ຄົ້ນ​ພົບ​ເລື່ອງ​ຄວາມ​ຈຳ​ຂັ້ນ​ຕົ້ນ​ເຫັນ​ວ່າ​ພໍ​ໃຈ ​ແລະ ຖ້າ​ຫາກ​ໃຫ້​ມີ​ການ​ບໍລິ​ໂພ​ກອາຫານ​ເສີມບລູ​ເບີ​ລີ​ເລື້ອຍໆ ອາດ​ຈະ​ເປັນ​ຫົນທາງ​ທີ່​ດີ​ເພື່ອ​ສະກັດ ຫລື ບັນ​ເທົາ​ອາການ​ປະສາດ​ເສື່ອ​ມ​ໄດ້.