ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຜູ້ອຳນວຍການໃຫຍ່ອົງການອະນາໄມໂລກ ຊົມເຊີຍລັດ​ຖະບານຈີນທີ່ໃຊ້ມາດຕະການເດັດຂາດໃນການຄວບຄຸມການແຜ່ລະບາດຂອງພະຍາດ Corona Virus

ໃນວັນທີ 28 ມັງກອນ 2020, ຢູ່ນະຄອນຫຼວງປັກກິ່ງ, ສປ ຈີນ, ທ່ານຫວາງຢີ້ ທີ່ປຶກສາແຫ່ງລັດ ແລະທັງເປັນລັດ​ຖະມົນຕີກະຊວງການຕ່າງປະເທດແຫ່ງສປ ຈີນ ໄດ້ພົບປະກັບທ່ານເທັດຣົສ ອັດຮະໂນມ ເກເບຣເຢຊຸສ, ຜູ້ອຳນວຍການໃຫຍ່ອົງການອະນາໄມໂລກ.

ທ່ານເທັດຣົສ ກ່າວວ່າ, ພາຍຫຼັງໄດ້ເກີດການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ຢູ່ນະຄອນອູຮ້ານ, ມົນທົນເຫີເປີຍແລ້ວ, ທ່ານສີຈິ້ນຜິງ ປະທານປະເທດຈີນ ແລະ ລັດຖະບານຈີນ ໄດ້ເອົາໃຈໃສ່ຢ່າງສູງຕໍ່ການປ້ອງກັນ ແລະ ຄວບຄຸມການແຜ່ລະບາດຂອງພະຍາດ, ແລະ ໄດ້ປະຕິບັດມາດຕະການຕ່າງໆຢ່າງເຂັ້ມງວດເພື່ອສະກັດກັ້ນການແຜ່ລະບາດຂອງພະຍາດ. ຄວາມເຂັ້ມແຂງດ້ານລະບຽບການແລະການໃຊ້ມາດຕະການຢ່າງມີປະສິດທິຜົນຂອງຈີນແມ່ນສາມາດພົບເຫັນໄດ້ໜ້ອຍໃນທົ່ວໂລກ ແລະ ເປັນໜ້າເຄົາລົບນັບຖື.


ອົງການອະນາໄມໂລກ ແລະ ປະຊາຄົມໂລກຊົມເຊີຍຢ່າງສູງຕໍ່ລັດຖະບານຈີນທີ່ປະຕິບັດມາດຕະການຢ່າງເຂັ້ມງວດ, ຂໍຂອບໃຈຕໍ່ ສປ ຈີນທີ່ພະຍາຍາມຢ່າງຫຼວງຫຼາຍເພື່ອສະກັດກັ້ນບໍ່ໃຫ້ພະຍາດແຜ່ລະບາດກວ້າງອອກໄປຕື່ມ.

ອົງການອະນາໄມໂລກ ຫວັງວ່າຈະໄດ້ເພີ່ມທະວີການຮ່ວມມືກັບຈີນ, ແລະ ຍິນດີສະໜອງການຊ່ວຍເຫຼືອທຸກສິ່ງທຸກຢ່າງທີ່ຈຳເປັນຕາມຄວາມຕ້ອງການຂອງຈີນ.
ທ່ານເທັດຣົສ ກ່າວຕື່ມວ່າ: ພວກຂ້າພະເຈົ້າໄດ້ເຫັນບາງປະເທດສະແດງເຈດຈຳນົງວ່າຢາກຈະຖອນຊາວພົນລະເມືອງຂອງປະເທດຂອງຕົນອອກຈາກຈີນ, ແຕ່ອົງການອະນາໄມໂລກເຫັນວ່າ ນີ້ແມ່ນເລື່ອງທີ່ບໍ່ມີຄວາມຈຳເປັນ.

ພາຍໃຕ້ສະພາບການປັດຈຸບັນ ແມ່ນຄວນຮັກສາຄວາມທຸ່ນທ່ຽງ, ແລະ ກໍ່ບໍ່ຄວນກໍ່ໃຫ້ເກີດປະຕິກິລິຍາໃດໆທີ່ເກີນຄວນ. ອົງການອະນາໄມໂລກ ມີຄວາມໝັ້ນໃຈຢ່າງເຕັມປ່ຽມຕໍ່ຄວາມສາມາດຂອງລັດຖະບານຈີນໃນການປ້ອງກັນ ແລະ ຄວບຄຸມການແຜ່ລະບາດຂອງພະຍາດ.
ທ່ານຫວາງຢີ້, ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດສປ ຈີນ ກ່າວວ່າ, ປະເທດຈີນຍິນດີສືບຕໍ່ເພີ່ມທະວີການຮ່ວມມືກັບປະຊາຄົມໂລກ, ໂດຍສະເພາະແມ່ນອົງການອະນາໄມໂລກດ້ວຍຫຼັກການທີ່ເປີດເຜີຍ ແລະ ໂປ່ງໃສ, ແລະ ຍິນດີສືບຕໍ່ພະຍາຍາມຮ່ວມມືຢ່າງສຸດຂີດເພື່ອພາລະກິດສາທາລະນະສຸກຂອງໂລກ.