ວັນທີ 10 ກຸມພາ 2021 ມື້ນີ້ຜູ້ຮັບສະໝັກເລືອກຕັ້ງ ສະມາຊິກສະພາແຫ່ງຊາດຊຸດທີ IX ປະຈໍາເຂດເລືອກຕັ້ງທີ 7 ແຂວງໄຊຍະບູລີ ຈໍານວນ 12 ທ່ານຍິງ 2 ທ່ານ ແລະ ຜູ້ຮັບສະໝັກເລືອກຕັ້ງເປັນສະມາຊິກສະພາປະຊາຊົນແຂວງ ຊຸດທີ II ປະຈຳເຂດເລືອກຕັ້ງເມືອງຊຽງຮ່ອນ ຈໍານວນ 5 ທ່ານ ຍິງ2 ທ່ານ ໄດ້ລົງເຄື່ອນໄຫວພົບປະຜູ້ມີສິດປ່ອນບັກເລືອກຈັ້ງຢູ່ເມືອງຊຽງຮ່ອນ ໂດຍການນຳພາຂອງທ່ານ ສຸວອນ ເລືອງບຸນມີ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ກົມໃຫຍ່ເສນາທິ ການກອງທັບ ກະຊວງປ້ອງກັນປະເທດ.
ໃນໂອກາດນີ້ ຜູ້ຮັບສະໜັກເປັນສະມາຊິກສະພາແຫ່ງ ຊາດ ແລະ ສະມາຊິກສະພາປະຊາຊົນແຂວງໄດ້ຜັດປ່ຽນກັນສະເໜີຊື່ ແລະປະຫວັດການເຄື່ອນໄຫວຂອງຕົນເອງ ພ້ອມທັງສະເໜີຈຸດປະສົງໃນການລົງພົບປະຜູ້ມີສິດປ່ອນບັດເລືອກຕັ້ງ ຕາມ 3 ທັດສະນະໃຫຍ່ ໃນການປັບປຸງ, ບູ ລະນະລະບອບປະຊາທິປະໄຕປະຊາຊົນ ຈາກປະຊາຊົນ ໂດຍປະຊາຊົນ ແລະຜົນປະໂຫຍດປະຊາຊົນ ການສະເໜີຊື່ ແລະ ປະຫັວດການເຄື່ອນໄຫວ ຂອງຜູ້ສະໝັກເລືອກຕັ້ງ ສະມາຊິກສະພາແຫ່ງຊາດແລະ ສະມາຊິກສະພາປະຊາຊົນແຂວງ. ຜູ້ສະໜັກຮັບເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ຍັງໄດ້ຮຽກຮ້ອງໃຫ້ຜູ້ມີສິດເລືອກຕັ້ງ ກໍ່ຄືປະຊາຊົນລາວບັນດາເຜົ່າຈົ່ງໄດ້ຮ່ວມຈິດຮ່ວມໃຈເຂົ້າຮ່ວມຂະບວນການເລືອກຕັ້ງໃນຄັງນີ້ ໃຫ້ກາຍເປັນປາງບຸນໃຫຍ່ຂອງຊາດ, ເລືອກໄດ້ຜູ້ສະໝັກທີ່ມີມາດຖານເງື່ອນໄຂ, ມີຄວາມຮູ້ຄວາມສາມາດ,ມີວິໄສທັດທີ່ກວ້າງໄກ ເພື່ອມາເປັນຕົວແທນໃຫ້ປະຊາຊົນແລະ ນໍາພາປະຊາຊົນຫລຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.
ທົ່ວເມືອງ ຊຽງຮ່ອນ ມີ 42ບ້ານ, ມີ 47 ໜ່ວຍເລືອກຕັ້ງ ມີປະຊາກອນທັງໝົດ 34.627 ຄົນ ຍິງ 17.076 ຄົນ ໃນນັ້ນຜູ້ມີສິດປ່ອນບັດເລືອກຕັ້ງ 20.182 ຄົນ, ຍິງ 10.054 ຄົນ ການລົງເຄື່ອນໄຫວຂອງ ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ໄດ້ເຄື່ອນຢູ່ 4 ຈຸດຄື: ໂຮງຮຽນມັດທະຍົມສົມບູນຊຽງຮ່ອນ, ເຂດບ້ານທົ່ງກາບ, ເຂດບ້ານ ມົກສະຕຸ ແລະ ສະໂມສອນຂອງເມືອງ.
    
Cr: ດອນ ຂຽວພະນາ
Loading...