ວັນທີ່ 9 ກຸມພາ 2021 ນີ້ ຢູ່ສະໂມສອນເມືຶອງຈອມເພັດ ແຂວງຫລວງພະບາງຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດຊຸດທີ່ 9 ປະຈຳເຂດເລືອກຕັ້ງທີ່ 6 ແຂວງຫຼວງພະບາງ ຈຳນວນ 6 ທ່ານ ໄດ້ເຄື່ອນໄຫວໂຄສະນາຫາສຽງ ຢູ່ເມືອງຈອມເພັດ ໃຫ້ກຽດຕ້ອນຮັບໂດຍ ທ່ານ ບົວພັນ ອຸດົມສີີີນ ຮອງເລຂາພັກເມືອງ ຮອງປະທານຄະນະກຳມະການເລືອກຕັ້ງຂັ້້ນເມືອງ ພ້ອມດ້ວຍພະນັກງານລັດຖະກອນ ຕະຫຼອດຮອດປະຊາຊົນອ້ອມຂ້າງເທດສະບານເມືອງເຂົ້າຮ່ວມ.
ພິທີ ທ່ານ ບົວພັນ ອຸດົມສິນ ໄດ້ລາຍງານການກະກຽມ ໃຫ້ແກ່ການປ່ອຍບັດຢູ່ພາຍໃນເມືອງຈອມເພັດວ່າ, ທົ່ວເມືອງມີທັງໝົດ 69 ບ້ານ ຜູ້ມີສີດປ່ອຍບັດເລືອກຕັ້ງທັງໝົດ 18,674 ຄົນ, ຍິງ 8,825 ຄົນ, ໄດ້ແບ່ງໝ່ວຍປ່ອຍບັດອອກເປັນ 59 ໝ່ວຍ, ຜ່ານນມາ ອົງການປົກຄອງເມືອງໄດ້ສຳເລັດການແຕ່ງຕັ້ງຄະນະຮັບຜິດຊອບຂັ້ນເມືອງ ພ້ອມທັງໄດ້ຈັດຝືກອົບຮົມ ແລະແນະນຳວີທີການປ່ອນບັດ ໃຫ້ຄະນະຮັບຜິດຊອບຫີບບັດ ນອກນີ້ ໄດ້ໂຄສະນາໃຫ້ປະຊາຊົນຜູ້ມີສິດປ່ອຍບັດໄດ້ມີຄວາມເຂົ້າໃຈ ຕໍ່ກັບຄວາມສຳຄັນຂອງການປ່ອນບັດ ແລະນຳໃຊ້ສິດຂອງຕົນໃຫ້ໄດ້ຮ້ອຍສ່ວນຮ້ອຍ ໂອກາດນີ້ ຜູ້ຮັບສະໝັກເລືອກຕັ້ງ ໄດ້ຂຶຶ້ນຜ່ານປະຫວັດການເຄື່ອນໄຫວຂອງຕົນ ໃຫ້ຜູ້ມີສິດປ່ອຍບັດໄດ້ຮັບຮູ້ ເພື່ອເປັນພື້ນຖານໃນການເລືອກເອົາຜູ້ແທນຂອງຕົນ ທີ່ພຽບພ້ອມໄປດ້ວຍຄວາມຮູ້ ຄວາມສາມາດເຂົ້າໄປປະຕິບັດໜ້າທີ່ ແທນປະຊາຊົນບັນດາເຜົ່າ ໃນສະພາ ພາຍຫຼັງສຳເລັດການໂຄສະນາຫາສຽງຢູ່ສະໂມສອນຂອງເມືອງແລ້ວ ໄດ້ສືບຕໍ່ລົງໂຄສະນາຫາສຽງ ຢູ່ບ້ານໝອງ ຕຶ່ມອີກ.
    
ຂ່າວ: ເມືອງຈອມເພັດ
Loading...