ໃນວັນທີ 9 ກຸມພາ 2021 ທີຜ່ານມານີ້. ຜູ້ແທນສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ IX ເຂດເລືອກຕັ້ງທີ່ 7 ແຂວງໄຊຍະບູລີ ແລະ ສະມາຊິກສະພາປະຊາຊົນແຂວງໄຊຍະບູລີ ຊຸດທີ II ປະຈໍາເຂດເລືອກຕັ້ງເມືອງຄອບແຂວງໄຊຍະບູລີ ໄດ້ລົງເຄື່ອນໄຫວສະໂຄສະນາຫາສຽງ ຢູ່ເມືອງຄອບ ໂດຍການໃຫ້ກຽດຕ້ອນຮັບຂອງທ່ານ ແພງຊ້ອຍ ແພງເມືອງ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆຄອບພ້ອມດ້ວຍທີມງານ , ມີບັນດາພະນັກງານ-ນັກຮົບ , ຄູ-ອາຈານ ແລະ ພໍ່ແມ່ປະຊາຊົນຜູ້ມີສິດເລືອກຕັ້ງພາຍໃນເມືອງເຂົ້າຮ່ວມ.

ການລົງເຄື່ອນໄຫວຂອງຜູ້ແທນສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ IX ເຂດເລືອກຕັ້ງທີ 7 ແລະ ສະມາຊິກສະພາປະຊາຊົນແຂວງໄຊຍະບູລີ ຊຸດທີ II ໃນຄັ້ງນີ້ໂດຍແບ່ງອອກເປັນ 3 ຈຸດຄື: ຈຸດທີ 1 ເດີ່ນກິລາເມືອງ, ຈຸດທີ 2  ບ້ານດອນຕັນ, ຈຸດທີ 3 ບ້ານ ປາງໄຮ ແລະ ໃນຕອນບ່າຍຂອງວັນດຽວກັນນີ້. ຜູ້ແທນສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ IX ເຂດເລືອກຕັ້ງທີ່ 7 ແຂວງໄຊຍະບູລີ ແລະ ສະມາຊິກສະພາປະຊາຊົນແຂວງໄຊຍະບູລີ ຊຸດທີ II ປະຈໍາເຂດເລືອກຕັ້ງເມືອງຄອບແຂວງໄຊຍະບູລີ ໄດ້ລົງເຄື່ອນໄຫວພົບປະບັນດາພະນັກງານອອ້ມຂ້າງເມືອງຢູ່ສະໂມສອນຂອງເມືອງ   ທັ່ງນີ້ກໍ່ເພື່ອພົບປະແນະນໍາຕົວຕໍ່ພະນັກງານ-ນັກຮົບ, ພໍ່ແມ່ປະຊາຊົນບັນດາເຜົ່າພາຍໃນເມືອງໄດ້ຮັບຮູ້ປະຫວັດການເຄື່ອນໄຫວຂອງຕົນໃນແຕ່ລະໄລຍະຜ່ານມາຈົນເຖິງປັດຈຸບັນ , ເພື່ອເຮັດໃຫ້ພະນັກງານ, ທະຫານຕໍາຫຼວດ ພ້ອມດ້ວຍພໍ່ແມ່ປະຊາຊົນ ເຂົ້າໃຈເຖິງພາລາບົດບາດກ່ຽວກັບໜ້າທີ່ວຽກງານຂອງສະພາແຫ່ງຊາດ ແລະ ສະພາປະຊາຊົນແຂວງ ເພື່ອນໍາໄປພິຈາລະນາໃນການໃຊ້ສິດຂອງຕົນເຂົ້າໃນການເລືອກຕັ້ງຜູ້ແທນຂອງຕົນເຂົ້າໄປນັ່ງໃນສະພາເພາະການເລືອກຕັ້ງໃນຄັ້ງນີ້ແມ່ນເຫດການເມືອງທີ່ສຳຄັນຂອງຊາດ, ເປັນການເລືອກຕັ້ງເອົາຕົວແທນແຫ່ງສິດ ແລະ ຜົນປະໂຫຍດອັນຊອບທໍາຂອງປະຊາຊົນບັນດາເຜົ່າຢ່າງແທ້ຈິງ. ສະເພາະຢູ່ເຂດເລືອກຕັ້ງທີ່ 7 ແຂວງໄຊຍະບູລີມີຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ມີທັງໝົດ 12 ທ່ານ ເລືອກເອົາ 9 ທ່ານ ແລະ ສະມາຊິກສະພາປະຊົນແຂວງໄຊຍະບູລີ ຊຸດທີ II ປະຈຳເຂດເລືອກຕັ້ງເມືອງຄອບ ມີທັງໝົດ 5 ທ່ານ ເລືອກເອົາ 3 ທ່ານ.

ທັງນີ້ກໍ່ເພື່ອເຮັດໃຫ້ການປ່ອນບັດເລືອກຕັ້ງຮັບປະກັນ 400 ສວ່ນຮ້ອຍຂອງແຂວງວາງອອກໃຫ້ປະກົດຜົນເປັນຈິງ.

   

 

Loading...