ຜູ້ແທນແຂວງຈໍາປາສັກ ຢ້ຽມຢາມທ່າກຳປັ່ນນ້ຳເລິກ ເມືອງຮວາວາງ ນະຄອນດາໜັງ

ເມື່ອບໍ່ດົນມານີ້, ຄະນະຜູ້ແທນແຂວງຈໍາປາສັກ ນໍາໂດຍ ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ສປປ ລາວ ໄດ້ເຄື່ອນໄຫວຢ້ຽມຢາມ ທ່າເຮືອນ້ຳເລິກ ເມືອງຮວາວາງ ນະຄອນດາໜັງ ສສ ຫວຽດນາມ ໂດຍການຕ້ອນຮັບຂອງທ່ານ ເລ ແທງ ຮຶງ ຫົວໜ້າຄະນະຄຸ້ມຄອງໂຄງການການລົງທຶນ ພື້ນຖານໂຄງລ່າງບຸລິມະສິດນະຄອນດາໜັງ ພ້ອມຄະນະ.

ໂອກາດນີ້, ທ່ານ ເລ ແທງ ຮຶງ ຫົວໜ້າຄະນະຄຸ້ມຄອງໂຄງການການລົງທືທຶນ ພື້ນຖານໂຄງລ່າງບຸລິມະສິດນະຄອນດາໜັງ ໄດ້ລາຍງານໃຫ້ຮູ້ເຖິງການປະຕິບັດທິດທາງແຜນການໂຄງ ການກໍ່ສ້າງທ່າເຮືອນ້ຳເລິກ ລຽນຈ້ຽວ ປະກອບດ້ວຍໂຄງການ 2 ສ່ວນ ໂດຍໂຄງການລົງທຶນກໍ່ສ້າງທ່າເຮືອ ລຽນຈ້ຽວ (ສ່ວນໂຄງສ້າງພື້ນຖານທີ່ໃຊ້ຮ່ວມກັນ) ມີການລົງທຶນລວມ 3.462 ລ້ານດົງ ຈາກງົບປະມານກາງ ແລະ ເມືອງດາໜັງ ເຊິ່ງໄດ້ຮັບການອະນຸດມັດຈາກນາຍົກລັດຖະຕີໃນປີ 2021, ຄະນະກໍາມະການປະຊາຊົນເມືອງດາໜັງ ໄດ້ຈັດຕັ້ງໂຄງການໃໝ່ທີ່ທັນສະໄໝ ໃນເດືອນກັນຍາ 2023 ຄາດວ່າຈະສໍາເລັດໃນປີ 2025, ໂຄງການກໍ່ສ້າງທ່າເຮືອນໍ້າເລິກ ລຽນ ຈ້ຽວ ປະກອບດ້ວຍທ່າທຽບເຮືອຕູ້ຄອນເທັນເນີ 8 ແຫ່ງ (ສໍາລັບເຮືອຂະໜາດ 50.000- 200.000 DWT) ອາຄານຂົນສົ່ງທົ່ວໄປ 6 ແຫ່ງ (ສໍາລັບເຮືອຂະໜາດ 50.000-100.000 DWT) ແລະ ທ່າທຽບເຮືອສໍາລັບເຮືອເດີນທະເລ ແລະ ທ່າເຮືອຈາກການຄໍານວນເບື້ອງຕົ້ນ ທຶນການລົງທຶນຢູ່ທີ່ປະມານ 48,340 ຕື້ດົງ.

ຂ່າວ-ພາບ: ພູທິບສະຫວັນ ຫ້ອງວ່າການແຂວງ