ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຜົນກວດວິເຄາະຫາເຊື້ອ ຄົນເຈັບ 3 ຄົນທີ່ປິ່ນປົວຢູ່ໂຮງໝໍ ມື້ວານນີ້ເປັນຜົນລົບທັງໝົດ

ດຣ. ສີສະຫວາດ ສຸດທານິລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດຄວບຄຸມໂຄວິດ19, ຖະແຫລງຂ່າວຮ່ວມຕໍ່ສື່ມວນຊົນ ຕອນບ່າຍວັນທີ 2 ມິຖຸນານີ້ ເຖິງການຄວບຄຸມໂຄວິດຢູ່ລາວວ່າ: ມື້ຜ່ານມາຈໍານວນຜູ້ເດີນທາງເຂົ້າມລາວ ມີທັງໝົດ 1,496 ຄົນ

ໃນນັ້ນຈຸດຜ່ານດ່ານລາວໄທ 799 ຄົນ, ຈຸດຜ່ານດ່ານລາວຈີນ 25 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ. ຈຸດຜ່ານດ່ານລາວຫວຽດນາມ 625 ຄົນ, ທັງໝົດ ແມ່ນຄົນຂັບລົດຂົນສົ່ງສິນຄ້າ, ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 47 ຄົນ, ແຕ່ລະຄົນໄດ້ແທກອຸນຫະພູມຮ່າງກາຍ ແລະ ກວດຫາອາການຜິດປົກກະຕິ, ບໍ່ພົບຜູ້ມີອາການເປັນໄຂ້, ທັງໝົດໄດ້ເກັບຕົວຢ່າງມາກວດແລ້ວນຳສົ່ງໄປຈຳກັດບໍລິເວນຢູ່ສະຖານທີ່ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ: ໃນວັນທີ 1 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 69 ຄົນ, ໃນນັ້ນ ມີແຮງງານລາວທີ່ກັບມາແຕ່ໄທ 42 ຄົນ, ແຮງງານຈີນ 9 ຄົນ, ກໍລະນີສົງໃສ 15 ຄົນ ແລະ ຜູ້ຕິດເຊື້ອນອນປິ່ນປົວຢູ່ໂຮງໝໍມິດຕະພາບ 3 ຄົນ ຄືກໍລະນີທີ 7, 10 ແລະ 17 ຜົນກວດທັງໝົດ ມື້ວານນີ້ ບໍ່ພົບເຊື້ອ ໝາຍຄວາມວ່າ 51ມື້ແລ້ວ ບໍ່ມີຜູ້ຕິດເຊື້ອໃໝ່. ແຕ່ຈະໄດ້ຕິດຕາມເກັບຕົວຢ່າງມາກວດອີກ ຈົນກ່ວາບໍ່ພົບເຊື້ອຈີ່ງພິຈາລະນາໃຫ້ອອກໂຮງໝໍ.