ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ່ານ ນາງ ປິ່ງຄໍາ ລາຊະສີມາ, ເລຂາທິການສະພາແຫ່ງຊາດ ໃຫ້ຮູ້ໃນໂອກາດຖະແຫລງຂ່າວຕໍ່ສື່ມວນຊົນພາຍຫລັງພິທີປິດກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນຕອນບ່າຍວັນທີ 21 ພະຈິກ 2023 ວ່າ: ກອງປະ ຊຸມສະພາ ແຫ່ງຊາດຄັ້ງນີ້ ໄດ້ຈັດຕັ້ງການປະເມີນດ້ວຍການໃຫ້ຄະແນນຄວາມໄວ້ ວາງໃຈໃນການປະ ຕິບັດໜ້າທີ່ຂອງບຸກຄະລາກອນທີ່ສະພາແຫ່ງຊາດເລືອກຕັ້ງ ແລະ ຮັບຮອງເອົາການແຕ່ງຕັ້ງ ຊຶ່ງລວມມີເປົ້າໝາຍທັງໝົດ 67 ທ່ານ, ຍິງ 13 ທ່ານ ຕາມກົດ ໝາຍທີ່ໄດ້ກໍານົດໄວ້.
ຜ່ານການປະເມີນໃຫ້ຄະແນນຄວາມໄວ້ວາງໃຈຈາກສະມາຊິກສະພາແຫ່ງຊາດ ບັນດາເປົ້າໝາຍຖືກປະເມີນລ້ວນແຕ່ໄດ້ຄະແນນໃນລະດັບດີ ຊຶ່ງໄດ້ຮັບຄະແນນ 8 ມີ 27 ທ່ານ,ກວມເອົາ 40,3%, ໄດ້ຮັບຄະແນນ 7 ມີ 39 ທ່ານ, ກວມເອົາ 58,2% ແລະ ໄດ້ຮັບຄະແນນ 6 ມີ 1 ທ່ານ, ກວມເອົາ 1,5% ຂອງຜູ້ຖືກປະເມີນທັງໝົດ.
ສໍາລັບບຸກຄະລາກອນທີ່ສະພາແຫ່ງຊາດເລືອກຕັ້ງ ແລະ ຮັບ ຮອງເອົາການແຕ່ງຕັ້ງ ຈໍານວນ 67 ທ່ານ, ຍິງ 13 ທ່ານ ທີ່ໄດ້ຮັບການປະເມີນໃນຄັ້ງນີ້ ປະກອບມີ:
– ສໍານັກງານປະທານປະເທດ ມີ 2 ທ່ານ, ຍິງ 1 ທ່ານ.
– ສະພາແຫ່ງຊາດ ມີ 32 ທ່ານ, ຍິງ 6 ທ່ານ.
– ລັດຖະບານ ມີ 22 ທ່ານ, ຍິງ 3 ທ່ານ.
– ອົງການກວດສອບແຫ່ງລັດ ມີ 1 ທ່ານ.
– ອົງການກວດກາແຫ່ງລັດ ມີ 1 ທ່ານ.
– ອົງການໄອຍະການປະຊາຊົນສູງສຸດ ມີ 1 ທ່ານ.
– ສານປະຊາຊົນສູງສຸດ ມີ 8 ທ່ານ, ຍິງ 3 ທ່ານ.
Cr: BT. ວສລ
May be an image of 8 people and text