ໃນວັນທີ 7 ພຶດສະພາ 2024 ທີ່ສະໜາມກິລາບູຢອງ ໄດ້ມີການແຂ່ງຂັນ ກິລາປັນຈັກສີລັດ ປະເພດຕໍ່ສູ້ປ້ອງກັນຕົວຮອບຄັດເລືອກ ໃນງານມະຫະກຳກິລາມະຫາໄລລາວ ຄັ້ງທີ 2 ໂດຍມີທັງໝົດ 7 ຮຸ່ນ, ຍິງ 3 ຮຸ່ນ ທ່າມກາງມວນຊົນເຂົ້າຊົມຢ່າງໜາແໜ້ນ.
ສຳລັບຜົນການແຂ່ງຂັນຮອບຄັດເລືອກປະເພດຍິງປະກົດວ່າ: ຮຸ່ນ 45- 48 ກິໂລຍິງ ນາງ ເພັດສະຫວັນ ອຸພາພອນ ຈາກວິທະຍາຄານປ້ອງກັນຊາດ ເສຍໃຫ້ ນາງ ແຄ໋ນດີ້ ສີປະເສີດ ຈາກມະຫາວິທະຍາໄລແຫ່ງຊາດ 0-3 ຄະແນນ; ຮຸ່ນ 48-50 ກິໂລ ນາງ ລຸ້ງວິໄນ ພັນທະດີ ຈາກວິທະຍາຄານປ້ອງກັນຊາດ ເສຍໃຫ້ ນາງ ສຸລັດ ມະນີວົງ ຈາກສະຖາບັນກິລາ-ກາຍະກຳ 1-2 ຄະແນນ; ຮຸ່ນ 50-55 ກິໂລ ນາງ ດາວມະນີວອນ ຈັນລືຊາ ຈາກວິທະຍາຄານ ປ້ອງກັນຊາດ ເສຍໃຫ້ ນາງ ພອນ ສອນໄຊສານ ຈາກສະຖາບັນກິລາ-ກາຍະ ກຳ 0-3 ຄະແນນ.
ຂະນະທີ່ປະເພດຊາຍ ຮຸ່ນ 45-50 ກິໂລ ທ້າວ ໄຊ ຈິດຕະພັນ ຈາກວິທະຍາຄານປ້ອງກັນຊາດ ຊະນະ ທ້າວ ຄຳໝັ້ນ ມູນທະວີຄູນ ຈາກມະຫາວິທະຍາ ໄລແຫ່ງຊາດ 3-0 ຄະແນນ; ຮຸ່ນ 50-55 ກິໂລ ທ້າວ ບຸນຕຳ ຮັກສຸວັນ ຈາກສະຖາບັນກິລາ-ກາຍະກຳ ຊະນະ ທ້າວ ທະນູທອງ ມະນີປະກອບ ຈາກມະຫາວິທະຍາໄລແຫ່ງຊາດ 2-1 ຄະແນນ; ຮຸ່ນ 55-60 ກິໂລ ທ້າວ ສຸນີຄຳ ກູດພົນ ທອງ ຈາກມະຫາວິທະຍາໄລແຫ່ງຊາດ ເສຍໃຫ້ ທ້າວ ສາຍຝົນ ກອງມະນີ ຈາກສະຖາບັນກິລາ-ກາຍະກຳ 0-3 ຄະແນນ ແລະ ຮຸ່ນ 60-65 ກິໂລ ທ້າວ ຈັນທະເນດ ລັດຖະຈັກ ຈາກມະຫາວິທະຍາໄລແຫ່ງຊາດ ເສຍໃຫ້ ທ້າວ ຈັນສະໝອນ ພົມໂສພາ ຈາກວິທະຍາຄານປ້ອງກັນຊາດ 0-3 ຄະແນນ.
ໂດຍ: ຢ່າຕົ່ງ
