ເນື່ອງໃນໂອກາດວັນບຸນໄຫວ້ພະຈັນບຸນປະເພນີຂອງຈີນໄດ້ໝູນວຽນມາບັນຈົບຄົບຮອບໃນປີນີ້ ຄືມື້ເດືອນເພັງ 15 ຄ່ຳເດືອນ 8 ຕາມຈັນທະຄະຕິຈີນ, ສື່ມວນຊົນຈີນໄດ້ເລືອກເອົາຜົນງານຮູບແຕ້ມຂອງນັກຮຽນລາວທີ່ເປັນຮູບແຕ້ມຈິນຕະນາການກ່ຽວກັບນັກບິນອະວະກາດລາວນັດພົບກັບນາງຊາງເອີ ນາງຟ້າທີ່ອາໄສຢູ່ໃນດວງຈັນຂອງນິທານບູຮານຈີນນັ້ນເປັນໂພສເຕີອວຍພອນບຸນໄຫວ້ພະຈັນ. ໂດຍໄດ້ສະແດງໃຫ້ເຫັນຄວາມຈິນຕະນາການອັນດີງາມຂອງເຍົາວະຊົນລາວທີ່ສານຝັນອະວະກາດ. ເຊິ່ງຜົນງານຮູບແຕ້ມດັ່ງກ່າວແມ່ນເປັນໜຶ່ງໃນ 19 ຜົນງານຮູບແຕ້ມຂອງນັກຮຽນລາວທີ່ໄດ້ຮັບຄັດເລືອກຈາກຜົນງານຮູບແຕ້ມກ່ຽວກັບການບິນອະວະກາດຂອງເຍົາວະຊົນບັນດາປະເທດອາຊີອາຟຣິກາຈຳນວນ 600 ກວ່າຜົນງານ, ສຸດທ້າຍ 19 ຜົນງານທີ່ກ່າວມານັ້ນຈະໄດ້ວາງສະແດງຢູ່ໃນຫໍວິທະຍາສາດເຕັກນິກແຫ່ງຊາດຈີນໃນອີກບໍ່ດົນນີ້.
