ທ່ານ ເຈິ່ນຕວັນແອັງ ລັດຖະມົນຕີກະຊວງ ອຸດສາຫະກຳ ແລະການຄ້າ ຫວຽດນາມ ໄດ້ກ່າວໃນກອງປະຊຸມໃຫຍ່ຄັ້ງທີ XIII ຂອງພັກ ວ່າ: ພາຍຫຼັງ 35 ປີແຫ່ງການປ່ຽນແປງໃໝ່, ຫວຽດນາມ ບັນລຸໄດ້ບັນດາຜົນງານໃຫຍ່ຫຼວງໃນວິວັດແຫ່ງການຫັນປະເທດຊາດເປັນອຸດສາຫະກຳ ແລະ ທັນສະໄໝ, ຫວຽດນາມ ກາຍເປັນປະເທດທີ່ມີລາຍຮັບດີຂຶ້ນ ແລະ ນັບມື້ນັບເຊື່ອມໂຍງເຂົ້າກັບພາກພື້ນ ແລະ ໂລກ ຢ່າງເລິກເຊິ່ງກ້ວາງຂວາງ ຍ້ອນຜົນງານແຫ່ງການປ່ຽນແປງໃໝ່ ໄດ້ສ້າງພື້ນຖານການພັດທະນາເປັນຢ່າງຍິ່ງໃຫ້ແກ່ເສດຖະກິດ ຫວຽດນາມ. ໃນນັ້ນ, ຂົງເຂດອຸດສາຫະກຳ ໄດ້ເປັນກຳລັງ ພິເສດໃນການຊຸກຍູ້ໃຫ້ ການພັດທະນາເສດຖະກິດ – ສັງຄົມ ແລະ ປະຕິບັດເປົ້າໝາຍ ຫັນປະເທດຊາດເປັນອຸດສາຫະກຳ ແລະ ທັນສະໄໝ.
ມາຮອປັດຈຸບັນ, ຫວຽດນາມໄດ້ບືນຕົວຂຶ້ນກາຍເປັນໜຶ່ງໃນບັນດາປະເທດທີ່ມີ ພື້ນຖານ ຂຶ້້ນກັບກຸ່ມ ບັນດາປະເທດທີ່ມີກຳລັງຄວາມສາມາດໃນການແຂ່ງຂັນຢູ່ລະດັບປານກາງ, ລະດັບສູງ ແລະ ຫຍັບໃກ້ເຂົ້າກັບ ກຸ່ມ 4 ປະເທດ ທີ່ມີກຳລັງຄວາມສາມາດແຂ່ງຂັນດີທີ່ສຸດໃນກຸ່ມອາຊຽນ.
ສະພາບການໂລກໃນປັດຈຸບັນ ເປັນສິ່ງທ້າທາຍທີ່ຍິ່ງໃຫຍ່ ໃຫ້ຫວຽດນາມ ແຕ່ກໍ່ສ້າງກາລະໂອກາດດີເພື່ອສາມາດຍາດແຍ່ງ ເພື່ອຮັດແຄບຊ່ອງວ່າງໃນການພັດທະນາ ແລະ ບືນຕົວຂຶ້ນຢ່າງແຮງ.
ທ່ານ ເຈິ່ນຕວັນແອັງ ລັດຖະມົນຕີກະຊວງ ອຸດສາຫະກຳ ແລະການຄ້າ ຫວຽດນາມ ຍັງໄດ້ຢັ້ງຢືນວ່າ ຂະແໜງອຸດສາຫະກຳການຄ້າ ຈະສືບຕໍ່ພະຍາຍາມ, ສຸ້ຊົນ, ເສີມຂະຫຍາຍຈິດໃຈເປັນເຈົ້າການ ແລະ ປະດິດຄິດສ້າງ ຂຶ້ກ່ວາເກົ່າ ເພື່ອປະຕິບັດເປົ້າໝາຍມະຕິຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກ ໃຫ້ສຳເລັດຜົນ.
 
Loading...