ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຜົນງານໂດດເດັ່ນໃນການເຊື່ອມໂຍງການພັດທະນາຢ່າງປະດິດສ້າງຂອງສະຖານີວິທະຍຸແລະໂທລະພາບສູນກາງຈີນ.

ເດືອນມິນາ 2018, ອີງຕາມແຜນການລົງເລິກການປະຕິຮູບໂຄງປະກອບການຈັດຕັ້ງພັກແລະລັດຈີນ, ສະຖານີວິທະຍຸແລະໂທລະພາບສູນກາງຈີນໄດ້ສ້າງຕັ້ງຂຶ້ນແລະຈັດພິທີເປີດປ້າຍຢ່າງເປັນທາງການ ໃນວັນທີ 19ເມສາປີນີ້. ສະຖານີວິທະຍຸແລະໂທລະພາບສູນກາງຈີນ ໄດ້ເຕົ້າໂຮມຊັບພະຍາກອນຂອງໂທລະພາບສູນກາງຈີນ ຫລື CCTV ວິທະຍຸປະາຊົນສູນກາງຈີນແລະວິທະຍຸສາກົນແຫ່ງປະເທດຈີນ ຫລື CRI ໃຫ້ເຊື່ອມໂຍງເຂົ້າກັນແລະໄດ້ພັດທະນາຢ່າງປະດິດສ້າງບໍ່ພໍເທົ່າໃດເດືອນເທົ່ານັ້ນ ຄວາມສາມາດນໍາສະເໜີຂ່າວ, ຊື່ສຽງອິດທິພົນແລະຄວາມສັດທາຈາກປວງຊົນຂອງສະຖານີຕົນກໍໄດ້ຮັບການ ຍົກສູງຂຶ້ນຢ່າງຮອບດ້ານ, ມີທ່ວງທ່າຂະຫຍາຍຕົວຢ່າງເຂັ້ມແຂງໃນການເຊື່ອມໂນງສື່ຕ່າງໆ, ອັດຕາຄວາມນິຍົມຈາກຜູ້ຊົມໂທລະພາບແລະຄວາມສາມາດນໍາສະເໜີຂ່າວທາງອິນເຕີແນັດໄດ້ສູງຂຶ້ນຢ່າງວ່ອງໄວ ເຊິ່ງສະແດງໃຫ້ເຫັນດັ່ງນີ້:

ເປີດຍຸກໃໝ່ໃນການນໍາສະເໜີຂ່າວໂດຍເຊື່ອມໂຍງສື່ຕ່າງໆ. ພາຍຫລັງສະຖານີວິທະຍຸແລະໂທລະພາບສູນກາງຈີນສ້າງຕັ້ງຂຶ້ນແລ້ວໄດ້ວາງມາດຕະການຸກຍູ້ການພັດທະນາຢ່າງເຂັ້ມແຂງຄື ໂຄສົກຂອງ 3ສະຖານີເກົ່າໄດ້ຮ່ວມກັນຖ່າຍທອດສົດກອງປະຊຸມເວທີປຶກສາຫາລືອາຊີ ໂປອ່າວເປັນຄັ້ງທໍາອິດ, ຂະນະດຽວກັນສະຖານີວິທະຍຸແລະໂທລະພາບສູນກາງຈີນ ໄດ້ເລັ່ງບາດກ້າວພັດທະນາ ການເຊື່ອມໂຍງສື່ຕ່າງໆ ໂດຍເຫັນໄດ້ຈາກການເຂົ້າຮ່ວມກອງປະຊຸມສຸດຍອດການສ້າງຈີນດີຈີຕອນ ຄັ້ງທໍາອິດໃນວັນທີ 22 ເດືອນເມສາຜ່ານມາ ເຊິ່ງໄດ້ສະແດງໃຫ້ວົງການສື່ມວນຊົນແລະທົ່ວສັງຄົມໄດ້ເຫັນຜົນງານຫລ້າສຸດຂອງສະຖານີວິທະຍຸແລະໂທລະພາບສູນກາງຈີນ ໃນການນໍາໃຊ້ເຕັກນິກຫລ້າສຸດທາງອິນເຕີແນັດແລະດີຈີຕອນ ເພື່ອສ້າງຕັ້ງເວທີສື່ມວນຊົນແລະຄົ້ນຄວ້າພັດທະນາສະຖານີຕົນໃຫ້ເປັນສື່ມວນຊົນເຊື່ອມໂຍງທີ່ເປັນຜູ້ນໍາໃນວົງການສື່ມວນຊົນ.

ນອກຈາກນີ້, ສະຖານີວິທະຍຸແລະໂທລະພາບສູນກາງຈີນຍັງໄດ້ເຕົ້າໂຮມເອົາຊັບພະຍາກອນຕ່າງໆຂອງ3ສະຖານີເກົ່າໃຫ້ເຂົ້າເປັນອັນດຽວກັນ ເພື່ອສາທາລະນະປະໂຫຍດ. ໃນແຜນງົບປະມານຫລຸດຜ່ອນຄວາມທຸກຍາກສົກເດືອນກໍລະກົດ 2018 ຫາເດືອນມິຖຸນາ 2019 ບົນພື້ນຖານທີ່ໄດ້ຈັດງົບປະມານ 1ຕື້ 400ລ້ານຢວນ ເຂົ້າໃນການໂຄສະນາວຽກງານຫລຸດຜ່ອນຄວາມທຸກຍາກໃນເກືອບ 2ປີຜ່ານມາ, ສະຖານີວິທະຍຸໂທລະພາບສູນກາງຈີນ ຍັງຈະຈັດສັນຊັບພະຍາກອນເພື່ອໂຄສະນາການຫລຸດຜ່ອນຄວາມທຸກຍາກອີກ 1ຕື້ກວ່າຢວນ ເພື່ອຊ່ວຍເຫລືອໃຫ້ເຂດແຄ້ວນຕ່າງໆຢູ່ຈີນ ຫລຸດພົ້ນອອກຈາກຄວາມທຸກຍາກໃຫ້ໄດ້ຫລາຍກວ່າເກົ່າ.

ທ່າແຮງທີ່ພົ້ນເດັ່ນຂອງໂທລະພາບ

ແຕ່ເດືອນມັງກອນ ຫາເດືອນສິງຫາປີນີ້ ອັດຕາຜູ້ຊົມຕະຫລອດມື້ຂອງໂທລະພາບ CCTV ບັນລຸເຖິງ 33,31%, ເວລາກາງຄືນແຕ່ເວລາ 19 ຫາ 23ໂມງ31,05% ເພີ່ມຂຶ້ນ0,6%ເມື່ອທຽບໃສ່ໄລຍະດຽວກັນກັບປີຜ່ານມາ, ຖືວ່າເປັນທ່າແຮງພົ້ນເດັ່ນນໍາໜ້າບັນດາສະຖານີໂທລະພາບໃນທົ່ວປະເທດ.

ຄວາມສາມາດການນໍາສະເໜີຂ່າວທາງອິນເຕີແນັດຄອງຖານະນໍາໜ້າໃນການຈັດອັນດັບຫລ້າສຸດຄວາມສາມາດການນໍາສະເໜີຂ່າວທາງອິນເຕີແນັດຂອງສື່ມວນຊົນສູນກາງ 10ແຫ່ງ ແລະໂທລະພາບ38ແຫ່ງຂອງຈີນໃນໄຕມາດທີສອງ 2018 ທີ່ເປີດເຜີຍໂດຍບໍລິສັດຄົ້ນຄວ້າຕະຫລາດຂອງ CCTV ຈໍາກັດ ຫລືCTR , ສື່ຕ່າງໆທີ່ຂຶ້ນກັບສະຖານີວິທະຍຸແລະໂທລະພາບສູນກາງຈີນຕ່າງກໍຢູ່ໃນແຖວໜ້າ ໃນ10ສື່ມວນຊົນສູນກາງ, ໂທລະພາບ CCTV ເປັນອັນດັບໜຶ່ງ CRIຢູ່ອັນດັບ6 ແລະວິທະຍຸປະຊາ ຊົນສູນກາງຈີນເປັນອັນດັບ8.

ໃນຖານະເປັນສື່ມວນຊົນລະດັບຊາດ, ນັບຕັ້ງແຕ່ສ້າງຕັ້ງຂຶ້ນເປັນຕົ້ນມາສະຖານີວິທະຍຸແລະໂທລະພາບສູນກາງຈີນ ໄດ້ຕັ້ງໜ້າເຂົ້າຮ່ວມການກໍ່ສ້າງ ຍົກລະດັບການເຊື່ອມໂຍງສື່ຕ່າງໆ, ປິ່ນອ້ອມເປົ້າໝາຍແຫ່ງການກໍ່ສ້າງສະຖານີຕົນໃຫ້ເປັນສື່ທັນສະໄໝເລີດລໍ້າໜຶ່ງຂອງຊາດແລະສາກົນ, ຄົ້ນຄວ້າແລະປັບປຸງກົນໄກການພັດທະນາສື່ມວນຊົນເຊື່ອມໂຍງສື່ຕ່າງໆໃຫ້ສົມບູນຂຶ້ນຢ່າງບໍ່ຢຸດຢັ້ງແລະໄດ້ຮັບຜົນງານທີ່ໜ້າເພິ່ງພໍໃຈ.