ກອງປະຊຸມຄັ້ງທີ 22 ຂອງສະພາປະມຸກລັດປະເທດສະມາຊິກອົງການຮ່ວມມືຊຽງໄຮ້ (SCO) ຈັດຂຶ້ນຢູ່ສູນປະຊຸມສາກົນຊາມາຄານ, ປະເທດອຸດສະເບກິສຖານ.
ບັນດາຜູ້ນໍາທີ່ເຂົ້າຮ່ວມກອງປະຊຸມ ໄດ້ແລກປ່ຽນຄວາມຄິດຄວາມເຫັນກ່ຽວກັບການພັດທະນາຂອງ SCO, ລວມເຖີງບັນຫາຂອງສາກົນ ແລະ ພາກພື້ນທີ່ພົວພັນກ່ຽວກັບສະຖານະການທາງການເມືອງ ແລະ ເສດຖະກິດ.
ທ່ານ ສີ ຈິ້ນຜິງ, ປະທານປະເທດຈີນ ໄດ້ກ່າວປາໄສຕໍ່ກອງປະຊຸມວ່າ: ການສ້າງຄວາມໄວ້ເນື້ອເຊື່ອໃນທາງການເມືອງເປັນສິ່ງສໍາຄັນ, ດ້ວຍວິໄສທັດໃນການສ້າງສັນມິດຕະພາບ ແລະສັນຕິພາບທີ່ຍືນຍົງໃນບັນດາປະເທດສະມາຊິກ SCO, ປະເທດສະມາຊິກທັງໝົດຕ້ອງເຄົາລົບຜົນປະໂຫຍດຫລັກຂອງກັນ ແລະ ກັນໃນການເລືອກແນວທາງການພັດທະນາແລະສະຫນັບສະຫນູນເຊິ່ງກັນແລະກັນໃນການບັນລຸສັນຕິພາບ, ຄວາມຫມັ້ນຄົງ, ການພັດທະນາ ແລະ ການຟື້ນຟູ. ພ້ອມນີ້ ທ່ານກ່າວເນັ້ນໜັກວ່າ: ການຮ່ວມມືຕ່າງຝ່າຍຕ່າງມີຜົນປະໂຫຍດຮ່ວມກັນເປັນສິ່ງສໍາຄັນ, ບັນດາປະເທດສະມາຊິກ SCO ຮອງຮັບຜົນປະໂຫຍດເຊິ່ງກັນແລະກັນ, ຢຶດໝັ້ນໃນຫລັກ ການປຶກສາຫາລື ແລະ ການຮ່ວມມືເພື່ອຜົນປະໂຫຍດຮ່ວມກັນ, ສືບຕໍ່ຮັກສາການຮ່ວມມືຕ່າງຝ່າຍຕ່າງມີຜົນປະໂຫຍດຮ່ວມກັນເພື່ອກ້າວໄປສູ່ຄວາມຈະເລີນຮຸ່ງເຮືອງໃນຕໍ່ໜ້າ.
ໃນກອງປະຊຸມຄັ້ງນີ້, ບັນດາປະມຸກລັດປະເທດສະ ມາຊິກອົງການຮ່ວມມືຊຽງໄຮ້ ໄດ້ກັນລົງນາມແລະອອກ “ຖະແຫຼງການຊາມາຄານ ສະພາປະມຸກລັດປະເທດສະມາ ຊິກອົງການຮ່ວມມືຊຽງໄຮ້”. ພ້ອມທັງໄດ້ອອກຖະແຫຼງການແລະ ເອກະສານຫຼາຍສະບັບກ່ຽວກັບການປົກປັກຮັກສາຄວາມປອດໄພດ້ານສະບຽງອາຫານສາກົນ, ຄວາມປອດໄພດ້ານພະລັງງານສາກົນ, ການຮັບມືກັບການປ່ຽນແປງຂອງດິນຟ້າອາກາດ, ການປົກປັກຮັກສາຄວາມປອດໄພ, ຄວາມໝັ້ນທ່ຽງ ແລະ ຄວາມຫຼາກຫຼາຍຂອງຕ່ອງໂສ້ການສະໜອງ.
ນອກຈາກນີ້ ໄດ້ລົງນາມໃນບົດບັນທຶກຄວາມເຂົ້າໃຈດ້ານພາລະໜ້າທີ່ໃນການເຂົ້າຮ່ວມອົງການຮ່ວມມືຊຽງໄຮ້ຂອງອີຣານ, ເລີ່ມດຳເນີນລະບຽບການຮັບເອົາເບລາຣຸດຊີ ເປັນປະເທດສະມາຊິກ, ອະນຸມັດໃຫ້ເອຢິບ, ອາຣັບບີຊາອຸດິດ, ກາຕາ ແລະ ເຫັນດີໃຫ້ບາເຣນ, ມານດີບ, ສະຫະລັດອາຣັບເອມີເລດ, ກຸເວດ ແລະມຽນມາເປັນຄູ່ສົນທະນາໃໝ່, ພ້ອມນີ້ ໄດ້ອະນຸມັດໂຄງຮ່າງປະຕິບັດສົນທິສັນຍາວ່າດ້ວຍການຮ່ວມມືຍາວນານທີ່ມີໄມຕີຈິດມິດຕະພາບຖານບ້ານໃກ້ເຮືອນຄຽງລະຫວ່າງບັນດາປະເທດສະມາຊິກໃນ 5 ປີຂ້າງໜ້າ ແລະ ມະຕິຕົກລົງອີກຫຼາຍສະບັບ.
Source: Xinhua
Loading...