ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຜົນສໍາເລັດກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານກາງ ອາຊຽນ+3

ກອງປະຊຸມລັດຖະມົນຕີການເງິນ ແລະ ຮອງຜູ້ວ່າການທະນາຄານກາງ ອາຊຽນ+3 ພາຍໃຕ້ການເປັນປະ ທານຮ່ວມຂອງປະເທດ ຍີ່ປຸ່ນ ແລະ ສສ ຫວຽດນາມ ໂດຍຜ່ານລະບົບ Videoconference ຈັດຂຶ້ນໃນວັນທີ 18 ກັນຍາ 2020. ສໍາລັບຄະນະຜູ້ແທນ ສປປ ລາວ ນໍາໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ແລະ ທ່ານ ນາງ ວັດທະນາ ດາລາລອຍ ຮອງຜູ້ວ່າການ ທະນາຄານ ແຫ່ງ ສປປ ລາວ. ມີບັນດາລັດ ຖະມົນຕີກະຊວງການເງິນ ແລະ ຜູ້ວ່າການທະນາຄານກາງຂອງບັນດາປະ ເທດສະມາຊິກອາຊຽນ+3 ທັງໝົດ 19 ປະເທດ ແລະ 1 ເຂດພິເສດ ເຂົ້າຮ່ວມ.

ກອງປະຊຸມ ໄດ້ປຶກສາຫາລື ແລະ ແລກປ່ຽນທັດ ສະນະກ່ຽວກັບສະພາບການພັດທະນາເສດຖະກິດມະຫາພາກຂອງພາກພື້ນ ອາຊຽນ+3 ພ້ອມທິດທາງໃນຕໍ່ໜ້າ ເພື່ອວາງນະໂຍບາຍເສດຖະກິດ-ການເງິນ ຮັບມືກັບຜົນກະທົບການແຜ່ລະບາດເຊື້ອພະຍາດ COVID-19 ແລະ ຍັງໄດ້ມີການຮັບຮອງເອົາເນື້ອໃນການປັບປຸງສັນຍາການຮ່ວມມືຫລາຍຝ່າຍ ພາຍໃຕ້ຂໍ້ລິເລີ່ມຊຽງໃໝ່ ຊຶ່ງເປັນກົນໄກການຊ່ວຍເຫລືອທາງດ້ານການເງິນໃນເວລາຂາດສະພາບຄ່ອງໃນໄລຍະສັ້ນ. ນອກນີ້ ຍັງມີການປຶກສາຫາລື ກ່ຽວກັບການສ້າງຄວາມເຂັ້ມແຂງ ໃນການຕິດຕາມສະ ພາບເສດຖະກິດມະຫາພາກຂອງພາກພື້ນອາຊຽນ+3 ຂອງອົງການ AMBO ແລະ ວຽກງານຂໍ້ລິເລີ່ມຕະຫລາດພັນທະບັດອາຊີ ເພື່ອສົ່ງເສີມການອອກພັນທະ ບັດ ເປັນສະກຸນເງິນທ້ອງຖິ່ນຂອງອາຊຽນ+3.
ກອງປະຊຸມ AFMGM+3 ໄດ້ຮັບຜົນສໍາເລັດຢ່າງຈົບງາມ ທ່າມກາງການປະກອບຄໍາເຫັນຂອງບັນດາປະເທດສະມາຊິກ ດ້ວຍບັນຍາກາດທີ່ດີ ເພື່ອເສີມຂະຫຍາຍການຮ່ວມມືໃນພາກພື້ນໃຫ້ມີປະສິດທິພາບ ແລະ ປະສິດທິຜົນສູງຂຶ້ນເລື້ອຍໆ.

Cr: ຣັດສະໝີ