ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງປະຊຸມລັດຖະມົນຕີຕ່າງປະເທດອາຊຽນແບບວົງແຄບ ຈັດຂຶ້ນໃນວັນທີ 29 ມັງກອນ 2024 ນີ້ ທີ່ນະຄອນຫຼວງພະບາງ ພາຍໃຕ້ການເປັນປະທານຂອງ ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” ໂດຍມີລັດຖະມົນຕີຕ່າງປະເທດອາຊຽນ, ລັດຖະມົນຕີຕ່າງປະເທດຕີມໍແລັດສະເຕ ໃນນາມປະ ເທດສັງເກດການ ແລະ ເລຂາທິການໃຫຍ່ອາຊຽນ ເຂົ້າຮ່ວມ.
ພາຍຫລັງສໍາເລັດກອງປະຊຸມຄັ້ງນີ້, ທ່ານ ສະເຫຼີມໄຊ ກົມມະສິດ ໄດ້ຖະແຫລງຂ່າວຕໍ່ສື່ມວນຊົນທັງພາຍໃນ ແລະ ຕ່າງປະເທດວ່າ: ກອງປະຊຸມຄັ້ງນີ້ແມ່ນເປັນກອງປະຊຸມລັດຖະມົນຕີຕ່າງປະ ເທດຄັ້ງທໍາອິດໃນຖານະທີ່ລາວເປັນປະທານອາຊຽນ 2024. ກອງປະຊຸມໄດ້ສະຫລຸບຕີລາຄາຄືນຜົນການຈັດຕັ້ງປະຕິບັດຜົນຂອງກອງປະຊຸມສຸດຍອດອາຊຽນ ຄັ້ງທີ 43 ແລະ ກອງປະຊຸມສຸດຍອດອື່ນໆ ທີ່ກ່ຽວຂ້ອງ ຊຶ່ງຈັດຂຶ້ນໃນເດືອນກັນຍາ 2023 ທີ່ປະເທດອິນ ໂດເນເຊຍ. ພ້ອມນີ້, ສປປ ລາວ ໄດ້ແຈ້ງໃຫ້ບັນ ດາລັດຖະມົນຕີຕ່າງປະເທດອາຊຽນຮຫບຊາບກ່ຽວກັບເປົ້າ ໝາຍ ກໍຄື ຂົງເຂດບຸລິມະສິດຂອງລາວໃນການເປັນປະທານອາ ຊຽນຄັ້ງນີ້ ຊຶ່ງລວມມີ 9 ບູລິມະສິດ ທີ່ສຸມໃສ່ 2 ອົງປະກອບຫຼັກ ຄື: “ເພີ່ມທະວີການເຊື່ອມຈອດ” ແລະ “ເພີ່ມທະວີຄວາມເຂັ້ມ ແຂງ”. ນອກຈາກນີ້ ກອງປະຊຸມໄດ້ປຶກສາຫາລືກ່ຽວກັບການ ກະກຽມບັນດາວິໄສທັດຂອງອາຊຽນ 2045 ຊຶ່ງແມ່ນໜຶ່ງໃນບຸ ລິມະສິດໃນການເປັນປະທານອາຊຽນຂອງລາວ ເພື່ອຮັບປະກັນໃຫ້ຮ່າງວິໄສທັດດັ່ງກ່າວຖືກຮັບຮອງໃນໂອກາດການເປັນປະທານອາຊຽນຂອງປະເທດມາເລເຊຍ ໃນປີ 2025 ທີ່ຈະມາເຖີງນີ້.
ນອກຈາກນີ້, ບັນດາລັດຖະມົນຕີຕ່າງ ປະເທດອາຊຽນ ໄດ້ພ້ອມກັນແລກປ່ຽນຄໍາຄິດຄໍາເຫັນ ແລະ ສະ ແດງທັດສະນະຂອງຕົນກ່ຽວກັບສະພາບການໃນພາກພື້ນ ແລະ ສາກົນທີ່ມີຄວາມສົນໃຈຮ່ວມກັນ ເປັນຕົ້ນ: ບັນຫາໃນມຽນມາ, ບັນຫາທະເລຈີນ ໃຕ້, ບັນຫາແຫລມເກົາຫລີ, ບັນຫາອູແກຼນ ແລະ ບັນຫາໃນຕາເວັນອອກກາງ, ພ້ອມນີ້ ໄດ້ປຶກສາຫາລືກ່ຽວກັບມາດຕະການ ແລະ ຮູບແບບການພົວພັນຮ່ວມມືລະຫວ່າງອາຊຽນກັບບັນດາປະເທດຄູ່ຮ່ວມເຈລະຈາ ແລະ ຢືນຢັນຄືນຄວາມ ເປັນແກນກາງຂອງອາຊຽນຊຶ່ງເປັນບ່ອນອິງສໍາຄັນຂອງປະເທດສະມາຊິກອາ ຊຽນໃນການຮ່ວມມືກັບບັນດາປະເທດທີ່ເປັນຄູ່ຮ່ວມເຈລະຈາ ແລະ ປະເທດຄູ່ຮ່ວມມືພັດທະນາຂອງອາຊຽນ.
ທ່ານ ສະເຫລີມໄຊ ກົມມະສິດ ໃຫ້ຮູ້ຕື່ມວ່າ: ບັນດາລັດຖະ ມົນຕີຕ່າງປະເທດອາຊຽນ ຍັງໃຫ້ຄວາມສົນໃຈ ແລະ ປຶກສາຫາລືກັນເພື່ອຫາວິທີຊ່ວຍເຫລືອແກ້ໄຂບັນຫາທີ່ເກີດຂຶ້ນໃນມຽນມາ ໂດຍໄດ້ຢໍ້າຄືນເຖີງຄວາມມຸ່ງໝັ້ນຂອງອາຊຽນໃນການຈັດຕັ້ງປະ ຕິບັດ 5 ຂໍ້ທີ່ຜູ້ນໍາອາຊຽນໄດ້ຕົກລົງກັນ. ຊຶ່ງ ສປປ ລາວ ໃນຖາ ນະທີ່ປະທານອາຊຽນປີ 2024 ຈະປະກອບສ່ວນສໍາຄັນໃນການ ແກ້ໄຂບັນຫາທີ່ເກີດຂຶ້ນໃນມຽນມາ.
ພ້ອມນີ້ທ່ານຍັງຕີລາຄາວ່າ: ກອງປະຊຸມຄັ້ງນີ້ ແມ່ນໄດ້ຮັບຜົນສໍາເລັດຕາມທີ່ຄາດໝາຍໄວ້ ພ້ອມທັງສະແດງຄວາມຂອບໃຈມາ ຍັງທຸກພາກສ່ວນທີ່ໄດ້ປະກອບສ່ວນ ແລະ ໃຫ້ການຮ່ວມມືຈັດກອງປະຊຸມຄັ້ງນີ້ເປັນຢ່າງດີ, ຊຶ່ງນັບຈາກນີ້ເປັນຕົ້ນໄປ, ໃນຖານະເປັນປະທານອາຊຽນ, ສປປ ລາວ ຈະສືບຕໍ່ກະກຽມຈັດອີກຫລາຍກອງປະຊຸມສໍາຄັນ.