ໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະ ເທດ ຄັ້ງທີ XI ຂອງພັກປະຊາຊົນ ປະຕິວັດລາວ ຈັດຂຶ້ນຢູ່ນະຄອນຫລວງວຽງຈັນ ຈັດຂຶ້ນລະຫວ່າງວັນທີ 13-15 ມັງກອນ 2021 ສະຫາຍ ທອງສີ ເສົາສຸລິພົມ ຮອງເລຂາພັກແຂວງຜົ້ງສາລີ ໃຫ້ສຳ ພາດວ່າ: ຮູ້ສຶກດີໃຈ ແລະ ພາກພູມ ໃຈເປັນພິເສດທີ່ໄດ້ເຂົ້າຮ່ວມກອງປະຊຸມທີ່ມີຄວາມຫມາຍສໍາຄັນຂອງພັກ-ຂອງຊາດ ໃນຄັ້ງນີ້ ທີ່ໄດ້ຕີລາຄາຄືນຜົນສຳ ເລັດຂອງການນຳພາພັດທະນາເສດຖະກິດ-ສັງຄົມແຫ່ງ ຊາດຂອງພັກເຮົາຕະຫລອດໄລຍະ 5 ປີຜ່ານມາ ເຮັດໃຫ້ປະເທດຊາດໄດ້ຮັບການພັດທະນາຢ່າງຮອບດ້ານ, ພື້ນ ຖານໂຄງລ່າງໄດ້ຮັບການພັດທະນານັບມື້ທົ່ວເຖີງ, ຊີວິດການເປັນຢູ່ຂອງປວງຊົນລາວບັນດາເຜົ່ານັບມື້ດີຂຶ້ນຢ່າງຕໍ່ເນື່ອງ, ຊື່ສຽງ ແລະ ຖານະບົດບາດຂອງຊາດລາວນັບມື້ພົ້ນເດັ່ນຂຶ້ນໃນພ່ກພື້ນ ແລະ ສາກົນ.
ສະຫາຍ ທອງສີ ເສົາສຸລິພົມ ກ່າວຕື່ມວ່າ: ສໍາລັບຜູ້ແທນແຂວງຜົ້ງສາລີ ທີ່ເຂົ້າຮ່ວມກອງປະຊຸມໃຫຍ່ຄັ້ງນີ້ ພ້ອມ ແລ້ວຈະນໍາເອົາມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໄປເຜີຍແຜ່ໃຫ້ສະມາຊິກພັກ-ພະນັກ ງານ ແລະ ປະຊາຊົນບັນດາເຜົ່າພາຍໃນແຂວງຂອງຕົນຮັບ ຮູ້ ພ້ອມທັງນໍາພາຈັດຕັ້ງປະຕິບັດໃຫ້ໄດ້ຮັບຜົນສໍາເລັດຕາມທີ່ຄາດຫມາຍໄວ້ ເພື່ອປະກອບສ່ວນເຮັດໃຫ້ການພັດ ທະນາປະເທດ ຊາດ ເວົ້າລວມ, ເວົ້າສະເພາະແມ່ນການພັດ ທະນາແຂວງຜົ້ງສາລີ ນັບມື້ດີຂຶ້ນຢູ່ຕໍ່ ເນື່ອງ.
Cr: ບຸນຕຽງ ຈັນທະວົງ
Loading...