ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຝຶກອົບຮົມການໂຄສະນາຜົນຮ້າຍຂອງລະເບີດບໍ່ທັນແຕກໃຫ້ພະນັກງານກອງກວດກູ້ລະເບີດເພື່ອມະນຸດສະທຳຂອງກອງທັບປະຊາຊົນລາວ

ຄະນະກຳມະການຄຸ້ມຄອງແຫ່ງຊາດເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຢູ່ລາວ ຫລື ຄຊກລ   ຈັດຝຶກອົບຮົມການໂຄສະນາຜົນຮ້າຍຂອງລະເບີດບໍ່ທັນແຕກໃຫ້ພະນັກງານກອງກວດກູ້ລະເບີດເພື່ອມະນຸດສະທຳຂອງກອງທັບປະຊາຊົນລາວ ຫລືກອງ 58 ກົມຊ່າງແສງກະຊວງປ້ອງກັນປະເທດ ຈັດຂຶ້ນ ໃນຕອນເຊົ້າວັນທີ 23 ມິຖຸນາ 2020 ທີ່ໂຮງແຮມໂຊກບຸນມາ ເມືອງປາກຊັນ ແຂວງບໍລິຄຳໄຊ  ພາຍໃຕ້ການເປັນປະທານຂອງ ທ່ານໂຈມແຍງ ແພງທອງສະຫວັດ ຫົວຫນ້າຫ້ອງການຄະນະກຳມະທິການແຫ່ງຊາດເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວ, ມີຕາງຫນ້າຈາກພະແນກແຮງງານແລະສະຫວັດດີການສັງຄົມແຂວງ, ວິຊາການຈາກກອງກວດກູ້ລະເບີດເພື່ອມະນຸດສະທຳຂອງກອງທັບປະຊາຊົນລາວເຂົ້າຮ່ວມ.

ໂອກາດນີ້ທ່ານໂຈມແຍງ ແພງທອງສະຫວັດ ຫົວຫນ້າຫ້ອງການຄະນະກຳມະທິການແຫ່ງຊາດເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວກ່າວເຖິງຈຸດປະສົງການຈັດຊຸດອົບຮົມຄັ້ງນີ້ວ່າ: ຕິດພັນກັບການເກັບກູ້ລະເບີດທີ່ຕົກຄ້າງຢູ່ລາວ ວຽກງານໂຄສະນາກ່ຽວກັບຜົນຮ້າຍຂອງລະເບີດບໍ່ທັນແຕກແມ່ນວຽກງານຫນຶ່ງທີ່ສຳຄັນແລະໄດ້ມີການຈັດຕັ້ງປະຕິບັດເປັນແຕ່ລະໄລຍະ  ເນື່ອງຈາກສ.ປ.ປ.ລາວ ເປັນປະເທດທີ່ມີລະເບີດຕົກຄ້າງຈາກສະໄຫມສົງຄາມເປັນຈຳນວນຫລາຍ ເຊີ່ງມີລາຍງານຜູ້ໄດ້ຮັບບາດເຈັບແລະເສຍຊີວິດຈາກເຫດລະເບີດແຕກທີ່ຕົກຄ້າງໃນທຸກໆປີ.

ທ່ານ ໂຈມແຍງ ແພງທອງສະຫວັດໃຫ້ຮູ້ຕື່ມວ່າ: ປັດຈຸບັນລັດຖະບານໄດ້ນຳໃຊ້ທຶນມະຫາສານເຂົ້າໃນການສຳຫລວດ ພຶ້ນທີ່ຈຸດສຸມ ທີ່ມີລາຍງານການຖິ້ມລະເບີດ ເພື່ອອຳນວຍຄວາມສະດວກ ໃຫ້ປະຊາຊົນສາມາດດຳລົງຊີວິດ ໂດຍສະເພາະການທຳຜະລິດໃຫ້ມີຄວາມປອດໄພ ທັງຊີວິດ ແລະ ຊັບສິນ ຫລີກຫລ່ຽງການເກີດອຸບັດເຫດຈາກລະເບີດບໍ່ທັນແຕກທີ່ຍັງຕົກຄ້າງຢູ່ລາວ.