ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຝຶກອົບຮົມວຽກງານກວດກາຂັ້ນພື້ນຖານໃຫ້ພະນັກງານ ທີ່ເຮັດວຽກກວດກາ

ຕອນເຊົ້າວັນທີ 29 ກັນຍາ 2020, ຄະນະພົວພັນຕ່າງປະເທດສູນກາງພັກ ສົມທົບກັບ ຄະນະກວດກາສູນກາງພັກ ໄດ້ຈັດຝຶກອົບຮົມວຽກງານກວດກາຂັ້ນພື້ນຖານໃຫ້ ພະນັກງານທີ່ເຮັດວຽກງານກວດກາ ຂອງ ຄະນະພົວພັນຕ່າງປະເທດສູນກາງພັກ ຢູ່ທີ່ສຳນັກງານຂອງຄະນະພົວພັນຕ່າງປະເທດສູນກາງພັກ ຫລື ຄຕພ ທີ່ຫຼັກ 6 ນະຄອນຫລວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ສົມດີ ບຸນຄຸ້ມ , ປະທານກວດກາ ຄະນະພັກ ຄຕພ, ມີວິທະຍາກອນຈາກ ຄະນະກວດກາສູນກາງພັກ ແລະ ຜູ້ເຮັດວຽກງານກວດກາ ຂອງ 3 ອົງການຈັດຕັ້ງມະຫາຊົນຂັ້ນຕ່າງໆ ແລະ ຜູ້ເຮັດວຽກກວດກາຂອງໜ່ວຍພັກຕ່າງໆອ້ອມຂ້າງອົງຄະນະພັກ ຄຕພ ເຂົ້າຮ່ວມ.
ການຝຶກອົບຮົມຄັ້ງນີ້ ແມ່ນເພື່ອເຮັດໃຫ້ພະນັກງານກວດກາຂອງ ຄຕພ ກຳໄດ້ຄວາມຮູ້ພື້ນຖານກ່ຽວກັບວຽກງານກວດກາ ແລະ ສາມາດນຳໄປໃຊ້ໃນການຈັດຕັ້ງປະຕິບັດໃຫ້ມີປະສິດທິຜົນດີ.
ເອກກະສານທີ່ນຳມາຝຶກອົບຮົມໃນຄັ້ງນີ້ມີ: ຄວາມຮູ້ພື້ນຖານກ່ຽວກັບວຽກງານກວດກາຂອງພັກ, ວຽກງານຕິດຕາມພັກ, ກວດກາການຈັດຕັ້ງພັກ-ລັດ ແລະ ສະມາຊິກພັກ-ພະນັກງານ-ລັດຖະກອນ ເມື່ອມີການລະເມີດ ລະບຽບ ວິໄນຂອງພັກ ແລະ ກວດກາການລົງວິໄນພາຍໃນພັກ, ການຝຶກອົບຮົມໃນຄັ້ງນີ້ໄດ້ດຳເນີນໄປເປັນເວລາ 1 ວັນ
ຂ່າວ ແລະພາບ ໂດຍ: ຄຕພ