ຝືກອົບຮົມທັກສະການເປັນຜູ້ນໍາ ແລະ ການເວົ້າເທິງເວທີ ໃຫ້ແມ່ຍິງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ
ຊຸດຝຶກອົບຮົມ ຈັດຂື້ນ ໃນວັນທີ 29 ສິງຫາ 2024 ທີ່ຫ້ອງປະຊຸມກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພາຍໃຕ້ການເປັນປະທານ ຂອງທ່ານ ນາງ ບົວໄຂ ເພັງພະຈັນ ປະ ທານສະຫະພັນແມ່ຍິງ ກະຊວງ ຖວທ, ເຂົ້າຮ່ວມມີບັນດາຜູ້ຕາງ ໜ້າຈາກກົມຕ່າງໆພາຍໃນກະຊວງ ເຂົ້າຮ່ວມ.
ທ່ານ ປອ ນາງ ບົວໄຂ ເພັງພະຈັນ ປະທານສະຫະພັນແມ່ຍິງ ກະຊວງ ຖວທ ກ່າວວ່າ : ຊຸດຝຶກອົບຮົມຄັ້ງນີ້ຜູ້ເຂົ້າຮ່ວມໄດ້ຮຽນຮູ້, ຄວາມສ້າງຄວາມເຂົ້າໃຈ ດ້ານທັກສະໃນການເວົ້າຢູ່ເທີງເວທີ ແລະ ທັກສະການສະແດງອອກໃນການປະກອບຄໍາຄິດຄໍາເຫັນຕ່າງໆ ເປັນຕົ້ນແມ່ນທັກສະການເປັນພີທີກອນຂອງກອງປະຊຸມ, ທັກສະການປະກອບຄໍາຄິດເຫັນໃນກອງປະຊຸມ ຫຼື ເວທີຕ່າງໆ ເພື່ອເສີມສ້າງບຸກຄະລິກໃຫ້ເອື້ອຍນ້ອງແມ່ຍິງພວກເຮົາກ້າວໄປເປັນຜູ້ນໍາທີ່ໂດດເດັ່ນ ທຽບເທົ່າກັບ ເພດຊາຍ.
ນອກຈາກນີ້ ຍັງໄດ້ຮັບຟັງບົດຮຽນອັນເປັນປະໂຫຍດ ແລະ ສໍາ ຄັນຈາກວິທະຍາກອນ ເຊັ່ນ: ການເຜີຍແຜ່ຈັດຕັ້ງປະຕິບັດຖະແຫຼງການປັກກິ່ງ +30 ຂອງ ສປປ ລາວ, ການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າແມ່ຍີງ, ແມ່ ແລະ ເດັກ ກະຊວງ ຖວທ, ທັກສະສີລະປະການເວົ້າ ແລະ ປະຖະກະຖາ ຈົ່ງພ້ອມກັນຍົກສູງຄວາມຮັບຜິດຊອບຂອງຕົນໃນການຕິດຕາມ, ຮັບຟັງ, ຮຽນຮູ້ ແລະ ແລກປ່ຽນບົດຮຽນອັນເປັນປະໂຫຍດ ໂດຍທາງກົງ ແລະ ທາງອ້ອມ ຮ່ວມກັບວິທະຍາກອນ ເພື່ອແລກປ່ຽນຄວາມ ຄິດເຫັນ, ຄວາມຮູ້-ຄວາມສາມາດ ແລະ ພຶດຕິກຳຕົວຈິງ ເຂົ້າສູ່ວຽກງານໃນຂະແໜງການຕົນຮັບຜິດຊອບໃຫ້ສູງຂຶ້ນເທື່ອລະກ້າວ.
