ໃນທ້າຍເດືອນ ກໍລະກົດ 2024 ຜ່ານມານີ້, ໃນຂອບເຂດທົ່ວແຂວງຫົວພັນ ມີຝົນຕົກໜັກຕິດຕໍ່ກັນຫລາຍມື້ ເຮັດໃຫ້ຫ້ວຍນໍ້າຫລາຍສາຍມີລະດັບນໍ້າເພີ່ມຂຶ້ນຢ່າງໄວວາ ເກີດມີນໍ້າປ່າໄຫລຊຸ ເຮັດໃຫ້ມີຜົນກະທົບຕໍ່ເສັ້ນທາງຫລາຍເສັ້ນ, ດິນຍຸບ, ນໍ້າໄຫລຊຸເຂົ້າເຮືອນຊານ, ໄຮ່ນາຂອງປະຊາຊົນ ແລະ ສົ່ງຜົນກະທົບຕໍ່ລະບົບໄຟຟ້າ ເສຍຫາຍຫລາຍພໍສົມຄວນ ໃນນີ້, ເມືອງຊ່ອນ, ເມືອງຮ້ຽມ ແລະ ເມືອງຫົວເມືອງ ກໍເປັນເມືອງ ທີ່ໄດ້ຮັບຜົນກະທົບໜັກພໍສົມຄວນ ເຮັດໃຫ້ເຮືອນຈັກເຂື່ອນໄຟຟ້ານໍ້າແອດໄດ້ຖືກນໍ້າເຊາະເຈື່ອນເສຍຫາຍ, ມີເສົາໄຟຟ້າຫັກ ແລະ ລົ້ມ ທັງໝົດມີ ເສົາ 12 ແມັດ ຈຳນວນ 62 ຕົ້ນ, ເສົາ 8 ແມັດ ຈຳນວນ 1 ຕົ້ນ ແລະ ຄອນສາຍ ຈຳນວນ 99 ຄອນ ພ້ອມນີ້, ເຂດແລວຕາຂ່າຍຈາກ ເມືອງຮ້ຽມ ຫາ ເທສະບານເມືອງຊ່ອນ ຂໍ້ມູນເບື້ອງຕົ້ນ ເສົາ 12 ແມັດ ຈໍານວນ 42 ຕົ້ນ, ຄອນສາຍ 51 ຄອນ.
ສ່ວນເຂດເມືອງຮ້ຽມ ຈຸດບ້ານນໍ້າປຸ່ງ ຫາ ສາກົກຂໍ້ມູນເບື້ອງຕົ້ນ ມີເສົາ 12 ແມັດ ຈໍານວນ 19 ຕົ້ນ, ຄອນສາຍ 43 ຄອນ ແລະ ເຂດເມືອງຫົວເມືອງ ຈຸດພູເລົ້າ, ບ້ານຫ້ວຍໃໝ່ ແລະ ບ້ານສົບນາ ຂໍ້ມູນເບື້ອງຕົ້ນ ເສົາ 8 ແມັດ ຈໍານວນ 3 ຕົ້ນ, ເສົາ 12 ແມັດ ຈໍານວນ 1 ຕົ້ນ ແລະ ຄອນສາຍ ຈໍານວນ 5 ຄອນ.
ຕໍ່ກັບເຫດການດັ່ງກ່າວ ໃນເບື້ອງຕົ້ນ ໄດ້ມີກຳລັງທະຫານ, ຕໍາຫລວດ ແລະ ຫ້ອງການພາກລັດ ໄດ້ອາສາສະໝັກຂຸດຈຸດເສົາໄຟຟ້າຊ່ວຍ ປັດຈຸບັນຫ້ອງການຄຸ້ມຄອງລະບົບ ແລະ ບໍລິການ ໄດ້ອອກສົບທົບກັບຫ້ອງການໄຟຟ້າເມືອງຊ່ອນ ສ້ອມແປງແກ້ໄຂຈຸດທີ່ເປ່ເພດັ່ງກ່າວແລ້ວ.
ຂໍ້ມູນ: ລັດວິສາຫະກິດໄຟຟ້າລາວ ສາຂາແຂວງຫົວພັນ
