ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສະຖາປະນາ ສປປ ລາວ ຄົບຮອບ 45 ປີ
( 02 ທັນວາ 1975 – 2020 ) ຢ່າງສຸດໃຈ

ພະຍາດໃບງໍ ບັນຫາໃຫຍ່ຂອງຊາວກະສິກອນ

ຫາກຊາວສວນຄົນໃດທີ່ກຳລັງປະເຊີນກັບບັນຫາໃບກູດ ງໍ ແລະການທີ່ພືດຜັກມີລຳຕົ້ນບໍ່ແຂງແຮງຕົວຢ່າງຄືຕົ້ນໝາກເຜັດ ທີ່ມັກຈະມີປັນຫາເລື່ອງໃບກູດເຫຼືອງ ເຮັດໃຫ້ຕົ້ນໝາກເຜັດ ເຕ້ຍ ຕົ້ນນ້ອຍ ບໍ່ຈະເລີນອອກດອກງອກງາມ.

ການທີ່ຕົ້ນໝາກເຜັດມີໃບກູດ ງໍ ແມ່ນເກີດມາຈາກສັດຕູພືດປະເພດເພ້ຍ ເພ້ຍຈະເຮັດໃຫ້ຍອດ ດອກແລະໃບກູດ ງໍ ຂອບໃບກໍ່ຈະມ້ວນ ປາຍໃບແຫ້ງເຫຼືອງ ໝາກເຜັດທີ່ກຳລັງຈະອອກດອກກໍຈະເຮັດໃຫ້ດອກຫຼົ່ນ ຫຼືເຮັດໃຫ້ໜ່ວຍໝາກເຜັດບິດບ້ຽວບໍ່ງາມ ບໍລິເວນຍອດກູດເປັນຝອຍ ແລະເປັນສີຕັບໝູແດງ ເຮັດໃຫ້ຕົ້ນໝາກເຜັດ ມີຕົ້ນເຕ້ຍ ບໍ່ໃຫຍ່ຜົນຜະລິດບໍ່ດີສົມທີ່ຄວນເປັນ.

ສິ່ງທີ່ຕ້ອງກຽມ ປູນຂາວ 1 ກິໂລ, ໄຮເຕີ ຕຸກນ້ອຍ 1 ຕຸກ, ແຟັບຖົງນ້ອຍ 1 ຖົງ, ນ້ຳຢາລ້າງຖ້ວຍ ຕຸກນ້ອຍ 1 ຕຸກ, ຂີງແກ່ບົດມຸ່ນ 1 ກິໂລ, ນ້ຳສະອາດ 5 ລິດ.

ຂັ້ນຕອນໃນການເຮັດ ທຳອິດໃຫ້ເອົາແຟັບ, ນ້ຳຢາລ້າງຖ້ວຍ, ໄຮເຕີ, ຂີງແກ່ບົດມຸ່ນ, ປູນຂາວ ນຳເອົາສ່ວນປະສົມທັງໝົດມາຄົນໃຫ້ເຂົ້າກັນ ຈາກນັ້ນກໍໝັກໄວ້ 1 ມື້ ແລ້ວຄ່ອຍເອົາສ່ວນປະສົມທັງໝົດມາຕອງເອົາແຕ່ນ້ຳ ໃຊ້ນ້ຳທີ່ຕອງມາໄດ້ ມາປະສົມກັບນ້ຳສະອາດອີກເທື່ອໜຶ່ງເພື່ອເຈືອຈາງ ພຽງເທົ່ານີ້ກໍໄດ້ນ້ຳໝັກສູດພິເສດໄປໃຊ້ໄດ້ແລ້ວ.

ວິທີການນຳເອົາໄປໃຊ້ ໃຫ້ນຳເອົານ້ຳໝັກ 1 ລິດ ປະສົມຕໍ່ນ້ຳສະອາດ 20 ລິດ ຈາກນັ້ນກໍນຳໄປສີດໃສ່ຕາມຕົ້ນໝາກເຜັດ ໂດຍເນັ້ນທີ່ບໍລິເວນກ້ອງໃບ ແລະຍອດເປັນຫຼັກ ລວມເຖິງຫົດນ້ຳໝັກໃສ່ດິນທີ່ປູກຕົ້ນໝາກເຜັດພ້ອມ ຊ່ວງເວລາທີ່ຄວນຈະສີດນ້ຳໝັກ ດີແທ້ຕ້ອງເປັນຕອນແລງ ຕອນທີ່ແດດຮົ່ມໃກ້ຈະໝົດ ຈະໄດ້ຜົນດີທີ່ສຸດ.