ໃນລະຫວ່າງວັນທີ 13-15 ທັນວາ 2023ນີ້, ພະນັກງານ ເມືອງວາປີ ແຂວງສາລະວັນໄດ້ຮຽນຮູ້ ການປະເມີນຄວາມຕ້ານທານ ແລະ ຄວາມສາມາດ ໃນສ້າງແຜນການໃຫ້ແກ່ຄະນະກຳມະການຄຸ້ມຄອງໄພບັດ ເມືອງ . ໂດຍການເຂົ້າຮ່ວມຂອງທ່ານ ຫອມ ບຸດຄຸນ ຮອງເຈົ້າເມືອງໆ ວາປີ, ທ່ານ ບຸນຍົງ ພົມມະຈັກ ຫົວໜ້າພະແນກກະກຽມໄພພິບັດ ອົງການກາແດງແຫ່ງຊາດລາວ, ພ້ອມດ້ວຍອົງການກາແດງແຂວງສາລະວັນ ແລະ ສຳມະນາກອນເຂົ້າຮ່ວມທັງໝົດ 26ທ່ານ, ຍິງ 5ທ່ານ.
ຜູ້ເຂົ້າຮ່ວມໃນຄັ້ງນີ້ ໄດ້ຮຽນຮູ້ປະຫວັດຄວາມເປັນມາຂອງຂະບວນການກາແດງ, ຄວາມຮູ້ພື້ນຖານກຽ່ວກັບວຽກງານຄຸ້ມຄອງໄພພິບັດ, ເຂົ້າໃຈຄວາມຫມາຍວົງຈອນການຄຸ້ມຄອງໄພພິບັດ, ການເຊື່ອມສານວຽກງານການຫຼຸດຜ່ອນຄວາມສຽ່ງໄພພິບັດ ແລະ ການປຽ່ນແປງຂອງດິນຟ້າອາກາດ, ການເຕືອນໄພລ່ວງໜ້າ, ແຜນຫຼຸດຜ່ອນຄວາມສຽ່ງໄພພິບັດ, ການປະເມີນຄວາມຄວາມສ່ຽງ, ຄວາມສາມາດຂອງຊຸມຊົນ, ການແຜ່ລະບາດຂອງຍາດ, ເຊິ່ງການຝຶກອົບຮົມຄັ້ງນີ້ ແນ່ໃສ່ສ້າງຄວາມເຂັ້ມແຂງໃຫ້ຄະນະກຳມະການຄຸ້ມຄອງໄພິບັດ ເມືອງວາປີ ແຂວງສາລະວັນ ເພື່ອໃຫ້ເຂົາເຈົ້າສາມາດໃຫ້ການຊ່ວຍເຫຼືອຊຸມຊົນ ທີ່ມີຄວາມສຽ່ງທີ່ອາດຈະເກີດໄພພິບັດໃນຕໍ່ໜ້າ.
ການຝຶກອົບຮົມໃນຄັ້ງນີ້ໂດຍໄດ້ຮັບການສະໜັບສະໜູນຈາກ ອົງການຢູນີເຊັບ(Unicef).
ໂດຍ: ນັກຂ່າວອົງການກາແດງແຫ່ງຊາດ
