ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພະແນກກະສິກຳ ແລະ ປ່າໄມ້ ແຂວງ ມອບເຄື່ອງອຸປະໂພກບໍລິໂພກໃຫ້ ກອງບັນຊາການ ທະຫານແຂວງ ອຸດົມໄຊ

ຕອນເຊົ້າວັນທີ 30 ມີນາ 2020 ນີ້, ພະແນກກະສິກໍາ ແລະ ປ່າໄມ້ ແຂວງອຸົມໄຊ ນຳໂດຍ ທ່ານ ຄຳພອນ ມູນລະໄມ ຫົວໜ້າພະແນກກະສິກຳ ແລະ ປ່າໄມ້ເແຂວງ ພ້ອມດ້ວຍທີມງານ ໄດ້ນຳເອົາເຄື່ອງອຸປະໂພກ-ບໍລິໂພກຈຳນວນໜຶ່ງລວມມີ: ນໍ້າດື່ມ, ປ໋ອງປາ ແລະ ໝີ່ສຳເລັດຮູບ ລວມມູນຄ່າທັງໝົດ 4.000.000 ກີບ, ມາມອບໃຫ້ກອງບັນຊາການ ທະຫານແຂວງອຸດົມໄຊ ເພື່ອເປັນການຊຸກຍູ້ນໍ້າໃຈ ໃຫ້ອ້າຍນ້ອງທີ່ພວມກຳລັງປະຕິບັດໜ້າທີ່ດັບໄຟໄໝ້ລາມປ່າສະຫງວນແຫ່ງຊາດພູຫຼີຜີ.

ໃຫ້ກຽດກ່າວຮັບໂດຍ ສະຫາຍ ພັນເອກ ຄໍາຍີນ ແສງສຸລີ ເລຂາຄະນະພັກ ຫົວໜ້າການເມືອງ ກອງບັນຊາການ ທະຫານແຂວງອຸດົມໄຊ, ມີຄະນະພັກ-ຄະນະບັນຊາ ຕະຫຼອດຮອດ ພະນັກງານທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ. ເຊິ່ງກ່ອນອື່ນສະຫາຍພັນເອກ ຄຳຍີນ ແສງສຸລີ ເລຂາຄະນະພັກຮາກຖານ ຫົວໜ້າການເມືອງ ກອງບັນຊາການ ທະຫານແຂວງອຸດົມໄຊ ໄດ້ກ່າວສະແດງຄວາມຮູ້ບຸນຄຸນ ແລະ ຂອບອົກຂອບໃຈຢ່າງສູງ ມາຍັງພະແນກກະສິກຳ ແລະ ປ່າໄມ້ແຂວງ ທີ່ມີນໍ້າໃຈເອື້ອເຟື້ອເພື່ອແຜ່ ນຳເອົາວັດຖຸປັດໃຈ  ໃຫ້ການຊຸກຍູ້ ແລະຊ່ວຍເຫຼືອພວກເຮົາໃນຄັ້ງນີ້ ພ້ອມທັງໃຫ້ຄຳໝັ້ນສັນຍາວ່າຈະນຳເອົາວັດຖຸດັ່ງກ່າວນີ້ ໄປແຈກຍາຍໃຫ້ອ້າຍນ້ອງຢູ່ກົມໃຫ້ທົ່ວເຖິງກັນ.

ຂ່າວ: ນາງ ວິໄລພອນ