ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພະແນກການເງິນແຂວງຈໍາປາສັກຈັດພິທີປູກຕົ້ນໄມ້ ສະເຫຼີມສະຫຼອງວັນປູກຕົ້ນໄມ້ແຫ່ງຊາດ.

ພະແນກການເງິນແຂວງຈໍາປາສັກໄດ້ຈັດພິທີປູກຕົ້ນໄມ້ ຢູ່ທີ່ວິທະຍາໄລການເງິນພາກໃຕ້ ໃນຕອນ ເຊົ້າວັນທີ 29 ພຶດສະພາ 2020  ໃຫ້ກຽດເຂົ້າຮ່ວມມີ ດ໋ອກເຕີ ວິໄລວົງ ບຸດດາຄໍາ ເຈົ້າແຂວງຈໍາປາສັກ, ທ່ານ ເມກສະຫວັນ ພົມພິທັກ ປະທານສະພາປາຊາຊົນແຂວງ, ບັນດາທ່ານການນໍາແຂວງ, ນະຄອນ,ເມືອງ, ພະແນກການກົມກອງອ້ອມຂ້າງແຂວງ, ພະນັກງານທະຫານຕໍາຫຼວດ, ຄູອາຈານນັກສຶກສາ,ຕະຫຼອດຫົວໜ່ວຍທຸລະກິດຕ່າງໆເຂົ້າຮ່ວມ.

ທ່ານ ສົມບູນ ເຮືອງວົງສາ ຫົວໜ້າພະແນກການເງິນແຂວງໄດ້ກ່າວວ່າ: ການຈັດພິທີປູກຕົ້ນໄມ້ໃນຄັ້ງນີ້,ເພື່ອເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ໃຫ້ມີບັນຍາກາດ ແລະມີເນື້ອໃນຄວາມໝາຍສໍາຄັນຢ່າງເລິກເຊິ່ງ, ເປັນການສ້າງສະພາບແວດລ້ອມທີ່ດີ ແລະ ພື້ນທີ່ສີຂຽວໃຫ້ແກ່ວິທະ ຍາໄລການເງິນພາກໃຕ້ ກໍຄືນະຄອນປາກເຊ ແຂວງຈໍາປາສັກໃຫ້ຫຼາຍຂຶ້ນ. ຕົ້ນໄມ້ທີ່ນໍາມາປູກໃນຄັ້ງນີ້ມີປະເພດໄມ້ດູ່,ໄມ້ແຄນ,ໄມ້ເກດສະໜາ,ໄມ້ໃຫ້ໝາກ ແລະ ໄມ້ປະດັບຊະນິດອື່ນໆລວມຈໍານວນ 197 ຕົ້ນ,ລວມມູນຄ່າທັງໝົດ 53 ລ້ານກີບ.ຊຶ່ງແມ່ນການປະກອບສ່ວນຂອງພະນັກງານ,ຫົວໜ່ວຍທຸລະກິດ ທັງພາກລັດ ແລະເອກະຊົນ.

ພາຍຫຼັງກ່າວໄຂພິທີປູກຕົ້ນໄມ້ຢ່າງເປັນທາງການ, ດ໋ອກເຕີ ວິໄລວົງ ບຸດດາຄໍາ ເຈົ້າແຂວງຈໍາປາສັກ,ທ່ານ ເມກສະຫວັນ ພົມພິທັກ ປະທານສະພາປາຊາຊົນແຂວງ ພ້ອມດ້ວຍບັນດາທ່ານການນໍາພະແນກ ການ, ກົມກອງ, ນະຄອນ, ເມືອງ, ຄູອາຈານ ແລະນັກສຶກສາທີ່ເຂົ້າຮ່ວມກໍໄດ້ພ້ອມກັນປູກຕົ້ນໄມ້ຢ່າງເປັນຂະບວນຟົດຟື້ນ.

 

ເກດສະໜາ ແກ້ວສຸວັນນະແສງ