ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພະແນກສຶກສາທິການ ແລະກິລາແຂວງຫລວງນໍ້າທາ ເອົາໃຈໃສ່ກວດກາອາຄານ, ສະຖານທີ່, ບຸກຄະລະກອນ ທີ່ເປີດການສອນຄືນໃໝ່.

ພະແນກສຶກສາທິການ ແລະກິລາແຂວງຫລວງນໍ້າທາ ເອົາໃຈໃສ່ກວດກກາອາຄານ, ສະຖານທີ່, ຫ້ອງຮຽນ, ບຸກຄະລະກອນ ແຕ່ຊັ້ນອະນຸບານ, ປະຖົມ ແລະມັດທະຍົມ ທີ່ເປີດການສອນຄືນໃໝ່.

ທ່ານ ຄໍານ້ອຍ ແກ້ວຈັນສີ ຮອງຫົວໜ້າພະແນກສຶກສາທິການ ແລະກິລາແຂວງຫຼວງນໍ້າທາ ໃຫ້ຮູ້ວ່າ, ກ່ອນຈະເປີດຮຽນຄືນໃໝ່ວັນທີ 2 ມິຖຸນານີ້ ພະແນກສຶກສາທິການແລະກິລາ ໄດ້ປະຊຸມບັນດາຜູ້ອໍານວຍການໂຮງຮຽນອ້ອມຂ້າງແຂວງ, ເມືອງຕ່າງໆໃນການກຽມຄວາມພ້ອມເປີດການຮຽນຄືນໃໝ່ ໂດຍໃຫ້ໜ່ວຍງານອານາໄມສີດຢາຂ້າເຊື້ອ ແລະເນັ້ນໃຫ້ແຕ່ລະໂຮງຮຽນປະຕິບັດຕາມແຈ້ງການຂອງກະຊວງສຶກສາທິການ ແລະກິລາວາງອອກ. ໂດຍໄດ້ແນະນຳໃຫ້ບັນດາຫ້ອງການສຶກສາທິການ ແລະ ກິລາເມືອງ, ໂຮງຮຽນອ້ອມຂ້າງ, ແບ່ງຄວາມຮັບຜິດຊອບໃຫ້ລົງກວດກາ, ຕິດຕາມ ແນະນຳຜູ້ບໍລິຫານ, ຄູ – ອາຈານ ແລະນັກຮຽນເປັນຕົ້ນແມ່ນ ການຈັດຕັ້ງຫ້ອງຮຽນ, ແບ່ງຂັ້ນ, ຊັ້ນຮຽນ,ແບ່ງຫ້ອງຮຽນ, ຈັດບ່ອນນັ່ງ, ໂຕະ+ ຕັ່ງ ຫ່າງກັນ 1 ແມັດ ຂື້ນໄປ,  ເວລາຂຶ້ນຫ້ອງຮຽນຄູ – ອາຈານແລະ ນ້ອງນັກຮຽນ ແຕ່ລະຄົນຕ້ອງໄດ້ໃສ່ຜ້າອັດປາກ -ດັງ, , ລ້າງມືດ້ວຍນ້ຳສະອາດ, ໃສ່ສະບູ່ ຫຼື ເຈວລ້າງມື ທຸກຄັ້ງ, ແນະນໍາຄູ ບໍ່ໃຫ້ນັກຮຽນຈັດກຸ່ມກ້ອນ ຮ່ວມກັນ ໃນເວລາຜັກຜ່ອນ ຫຼື ຫຼີ້ນກິດຈະກຳຕ່າງໆ ຖ້າຈັດ ກໍ່ໃຫ້ເວັ້ນໄລຍະຫ່າງ.

ຮອງຫົວໜ້າພະແນກສຶກສາທິການ ແລະກິລາ ແຂວງຫລວງນໍ້າທາ ໃຫ້ຮູ້ເຖິງສິ່ງທ້າທາຍແລະຂໍ້ຫຍຸ້ງຍາກໃນການເປີດການສອນຄືນໃໝ່ວ່າ: ຢູ່ເຂດຫ່າງໄກສອກຫລີກຍັງຂາດເຂີນງົບປະມານໃນການຈັດຊື້ອຸປະກອນ ໃນການປອ້ງກັນພະຍາດໂຄວິດ19 ເຊັ່ນ: ເຄື່ອງກວດອຸນຫະພູມ, ຜ້າອັດປາກອັດດັງ, ເຈວລ້າງມື , ຕະຫລອດຮອດນໍ້າລ້າງມື, ນໍ້າຢາຂ້າເຊື້ອ ຈຶ່ງເປັນບັນຫາໃນການປະຕິບັດມາດຕະການຕ່າງໆ, ຈຶ່ງຢາກໃຫ້ການຈັດຕັ້ງທີ່ກ່ຽວຂ້ອງ ແລະທຸກພາກສ່ວນໃນສັງຄົມຊ່ວຍເຫລືອ ເຊິ່ງຜ່ານມາໄດ້ນໍາໃຊ້ເງິນຮ່ວງບໍລິຫານຂອງໂຮງຮຽນ ທີ່ກະຊວງສຶກສາ ແລະອົງການອຸຍນິເຊັບໃຫ້ການສະໜັບສະໜູນ ຊື້ອຸປະກອນຕ່າງໆ ລວມທັງແຜ່ນພັບໂຄສະນາໂຄວິດ-19, ນອກນັ້ນ ສປ ຈີນ, ບໍລິສັດຫ້າງຮ້ານຕ່າງໆ ໄດ້ໃຫ້ການຊ່ວຍເຫລືອອຸປະກອນຈໍານວນໜຶ່ງ ແຕ່ຍັງບໍ່ພຽງພໍກັບຄວາມຕ້ອງການໃນປະຈຸບັນ.