ວັນທີ 23 ກັນຍາ 2022, ພະແນກອຸດສາຫະກໍາ ແລະ ການຄ້າ(ອຄ)ແຂວງຈໍາປາສັກ ສປປ ລາວ ແລະ ສະຫະພັນ ສະ ຫະກອນ ຫວຽດນາມ ສສ ຫວຽດ ນາມໄດ້ເຊັນບົດບັນທຶກ ເພື່ອການຮ່ວມມື ຂຶ້ນ ຢູ່ພະແນກ ອຄ ແຂວງ ໂດຍການເຂົ້າ ຮ່ວມຂອງ ທ່ານ ໂສມ ບຸດຕະກຸນ ຄະນະປະຈໍາພັກແຂວງ ຮອງເຈົ້າແຂວງຈໍາປາ ສັກ. ມີການນໍາພະແນກການກົມກອງທີ່ກ່ຽວຂ້ອງຂອງແຂວງ, ການນໍາທີ່ກ່ຽວ ຂ້ອງທັງສອງຝ່າຍເຂົ້າຮ່ວມ.
ເນື້ອໃນບົດບັນທຶກທີ່ເຊັນກັນ ໄດ້ລະບຸໃນການຮ່ວມມືລົງທຶນພັດທະນາຕະ ຫຼາດ, ສູນການຄ້າ, ພັດທະນາການຈຳໜ່າຍຜະລິດຕະພັນ ODOP/CCCP ໃນໄລຍະ 2022 – 2026 ຢູ່ແຂວງຈຳປາ ສັກ, ຊຶ່ງທັງສອງຝ່າຍໄດ້ເຫັນດີເປັນເອກະພາບລົງນາມເຊັນບົດບັນທຶກຊ່ວຍຈຳການຮ່ວມມືຕາມເນື້ອໃນລະອຽດມີດັ່ງນີ້:
1. ພະແນກອຸດສາຫະກຳ ແລະ ການຄ້າແນະນຳກ່ຽວກັບເນື້ອທີ່ດິນໃໝ່, ເປັນດິນຂອງລັດທີ່ຍັງບໍ່ທັນໄດ້ ມອບ ຫຼື ໃຫ້ເຊົ່າເພື່ອກໍ່ສ້າງເປັນສູນວາງສະແດງ, ຈັດງານຕະຫຼາດນັດ ແລະ ຈັດງານຕ່າງໆ ເນື້ອທີ່ 03 – 05 ເຮັກຕາ (ha) ແລະ ສະໜອງບັນດາຂໍ້ມູນ, ບັນດາເອກະສານທີ່ກ່ຽວ ຂ້ອງກັບເນື້ອທີ່ດິນຕອນໃໝ່ດັ່ງກ່າວ; ນຳພາດ້ານ ບັນດາເອກະສານໃນການກໍ່ສ້າງສູນຊ່ວຍສະຫະພັນ ສະຫະກອນ ຫວຽດນາມ.
2. ພະແນກອຸດສາຫະກຳ ແລະ ການຄ້າ ຊ່ວຍສະຫະພັນ ສະຫະກອນ OCOP ຫວຽດນາມ ຈັດຕັ້ງຜັນ ຂະຫຍາຍສະ ຖານທີ່ ຢ່າງນ້ອຍ 01 (ໜຶ່ງ) ສະຖານທີ່ເພື່ອວາງສະແດງ ແລະ ຂາຍຜະລິດ ຕະພັນ OCOP ຫວຽດນາມ ເນື້ອທີ່ປະມານ 100m (ໜຶ່ງຮ້ອຍຕາແມັດ) ແລະ ສະ ໜອງບັນດານິຕິກຳກ່ຽວກັບການຈັດຕັ້ງຜັນ ຂະຫຍາຍ ການວາງສະແດງ ແລະ ຂາຍຜະລິດຕະພັນທີ່ໄດ້ກໍານົດຂ້າງເທິງ.
3. ພະແນກອຸດສາຫະກຳ ແລະ ການຄ້າສະໜອງຂໍ້ມູນກ່ຽວກັບ 33 ຫົວໜ່ວຍ ODOP ໃນຈໍານວນ 94 ລາຍການຜະ ລິດຕະພັນຢູ່ແຂວງຈຳຝາສັກ ໃຫ້ສະຫະພັນ ສະຫະກອນ (COP ຫວຽດນາມ ເພື່ອສະຫະພັນ ສະຫະກອນ CCOP ຫວຽດ ນາມ ໄດ້ນຳສະເໜີ ແລະ ຈຳໜ່າຍຜະ ລິດຕະພັນທີ່ໄດ້ກ່າວມາຂ້າງເທິງຢູ່ຫວຽດ ນາມ.
4. ສະຫະພັນ ສະຫະກອນ OCOP ຫວຽດນາມ ສະຫອງຂໍ້ມູນ 200 ກວ່າລາຍການຜະລິດຕະພັນ OCOP ຂອງຫວຽດນາມ ໃຫ້ພະແນກອຸດສາຫະກຳ ແລະ ການຄ້າແຂວງຈຳປາສັກ ເພື່ອພະແນກອຸດສາຫະກຳ ແລະ ການຄ້າແຂວງຈຳປາສັກ ໄດ້ແນະນຳ, ສຶກສາຕະຫຼາດ ແລະ ຮ່ວມກັນຈັດຕັ້ງສະໜອງສິນຄ້າ OCOP ທີ່ໄດ້ ກ່າວມາຂ້າງເທິງໃຫ້ຜູ້ຊົມໃຊ້,
5. ສະຫະພັນ ສະຫະກອນ ຫວຽດນາມ ຊ່ວຍໃຫ້ຄຳປຶກສາ, ຝຶກອົບຮົມໃນການພັດທະນາສິນຄ້າ ODOP ຂອງແຂວງຈຳປາສັກ.
ລົງນາມໃນບົດບັນທຶກຝ່າຍສະຫະພັນ ສະຫະກອນ ຫວຽດນາມ, ໂດຍ ທ່ານ ນາງ ຫງວຽນ ວັນ ເລ ຮອງປະທານສະພາທີ່ປຶກສາ ສະຫະພັນ ສະຫະກອນ ຫວຽດນາມ OCOP
ຝ່າຍພະແນກອຸດສາຫະກໍາ ແລະ ການຄ້າແຂວງຈຳປາສັກ, ສປປ ລາວໂດຍ:ທ່ານ ບຸນຍະເດດ ທອງສະຫວັນ ຫົວໜ້າພະແນກອຸດສະຫະກຳ ແລະ ການຄ້າແຂວງຈໍາປາສັກ.
ເກດສະໜາ
