ໃນຕອນບ່າຍວັນທີ 11 ສິງຫາ 2020 ນີ້ ພະແນກແຮງງານ ແລະ ສະຫວັດດີການສັງຄົມ ແຂວງໄຊຍະບູລີ ໄດ້ມອບເຄື່ອງຊ່ວຍເຫຼືອສົງເຄາະໃຫ້ ເມືອງໄຊຍະບູລີ. ໃຫ້ກຽດມອບຂອງທ່ານນາງ ແພງຈັນ ແກ້ວມະນີວົງ ກໍາມະການພັກແຂວງ ຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງໄຊຍະບູລີ ແລະ ກ່າວຮັບໂດຍທ່ານ ນາງ ພິລາວັນ ອົງແກ້ວ ຮອງເຈົ້າເມືອງໄຊຍະບລູີ. ຈຸດປະສົງກໍ່ເພື່ອນໍາໄປຊ່ວຍເຫຼືອຄອບຄົວທີ່ປະສົບໄພພິບັດນໍ້າຖ້ວມ ແລະ ຜູ່ດ້ອຍໂອກາດໃນສັງຄົມ ເຊິ່ງເຄື່ອງທີ່ນໍາມາມອບໃນຄັ້ງນີ້ປະກອບມີ: ເຄື່ອງນຸ່ງຫົ່ມ FILA, ຈໍານວນ 44 ແກັດ, ເຂົ້າກິນ, ຈໍານວນ 1,000 ກິໂລ, ເຄື່ອງນຸ່ງ ຈໍານວນ 22 ຖົງ, ຖັງດໍາບັນຈຸນ້ຳ ຈໍານວນ 9 ໜ່ວຍ, ໝໍ້ແຕ່ງກິນ, ຈໍານວນ 4 ໜ່ວຍ ແລະ ເຕັ້ນ ຈໍານວນ 1 ດາງ, ລວມມູນຄ່າທັງໝົດ 43,940,000 ກີບ.

ຂຽນ-ພາບ: ນາງ ອໍາມາລາ ໄຊຍະທັກ

Loading...