ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຫວຽດນາມ ຄັ້ງທີ XIII ໄດ້ເປີດຂຶ້ນ ຢ່າງເປັນທາງການໃນເຊົ້າວັນທີ 26 ມັງກອນ 2021 ຢູ່ນະຄອນຫຼວງຮ່າໂນ່ຍສສຫວຽດນາມມີທ່ານຫງວຽນຟູຈ້ອງເລຂາທິການໃຫຍ່ຄະ ນະບໍລິຫານງານສູນກາງພັກຄອມມູນູນິດຫວຽດນາມ,ມີຜູ້ແທນເຂົ້າຮ່ວມ 1.587 ສະຫາຍ ຕາງໜ້າໃຫ້ແກ່ສະມາ ຊິກພັກທັງໝົດ 5ລ້ານ1ແສນກວ່າຄົນທົ່ວປະເທດ. ໃນນີ້ມີເພດຍິງກວມ13,99% ແລະຊົນ ເຜົ່າກວມ 11,03%.ມີອະດີດການນຳພັກລັດ, ທູຕານຸທູດແລະຕົວແທນນັກການ ທູດຕ່າງ ປະເທດ ແລະຜູ້ຕາງໜ້າອົງການຈັດຕັ້ງສາກົນຢູ່ນະຄອນຫຼວງຮ່າໂນ່ຍ, ຊາວໜຸ່ມ, ນັກຮຽນຮູ້ປັນຍາຊົນ ແລະ ຕົວ ແທນຈາກອົງການຈັດຕັ້ງທາງສາສະໜາ.
ສໍາລັບການດໍາເນີນກອງປະຊຸມໃຫຍ່ຜູ້ ແທນທົ່ວປະເທດຄັ້ງທີ13ຂອງພັກຄອມມູນນິດຫວຽດ ນາມໃນຄັ້ງນີ້ເປັນເຫດ ການການເມືອງທີ່ສໍາຄັນຂອງທົ່ວພັກ,ທົ່ວລັດ,ທົ່ວກໍາລັງປະກອບອາວຸດ ແລະປະ ຊາຊົນຫວຽດນາມ,ເປັນຂີດໝາຍແຫ່ງການພັດທະນາທີ່ເຂັ້ມແຂງຂອງການປະຕິວັດຫວຽດ ນາມໃນໄລຍະໃໝ່ຕາມທິດສາມັກຄີ, ປະຊາທິປະ ໄຕ,ເດັດດ່ຽວ,ປະດິດສ້າງ,ພັດທະນາດ້ວຍການສືບຕໍ່ ເພີ່ມທະວີການກໍ່ສ້າງ, ປັບປຸງພັກ ແລະ ລະບອບການເມືອງໃຫ້ປອດໃສ, ເຂັ້ມແຂງ,ຫນັກແຫນ້ນ ເສີມຂະຫຍາຍຄວາມມຸ້ງຫວັງໃນການພັດທະນາປະ ເທດຊາດ, ເສີມຂະຫຍາຍມານະຈິດປະຕິວັດ, ເຫງົ້າພະລັງແຫ່ງມະຫາສາມັກຄີທົ່ວປວງຊົນທັງຊາດໄປຄຽງຄູ່ກັບການສົມທົບແໜ້ນກັບກໍາລັງແຮງ ຂອງຍຸກສະໄໝ,ສືບຕໍ່ຊຸກຍູ້ພາລະກິດປ່ຽນແປງໃໝ່ຢ່າງຮອບດ້ານເປັນລະບົບ,ສ້າງສາແລະປົກປັກຮັກສາປະເທດຊາດໃຫ້ໜັກແໜ້ນເຂັ້ມແຂງ,ຮັກສາສະພາບແວດ ລ້ອມສັນຕິພາບ,ສະຖຽນລະພາບ,ສູ້ຊົນ ເພື່ອໃຫ້ປະເທດກາຍເປັນປະເທດພັດ ທະນາຕາມທິດສັງຄົມນິຍົມ ໃນກາງສະຕະວັດທີ 21 ເຊີ່ງກອງປະຊຸມໃຫຍ່ຄັ້ງນີ້ໄດ້ດໍາເນີນພາຍໃຕ້ຄໍາຂວັນ ຄວາມສາ ມັກຄີ ປະຊາທິປະໄຕ ມີວິໄນ ໃນການສ້າງສາພັດທະນາເຊີ່ງບັນດາຜູ້ແທນທີ່ເຂົ້າຮ່ວມກອງປະຊຸມຄັ້ງນີ້ຈະພ້ອມກັນສັງເກດຕີລາຄາ ຄືນຜົນຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XII ຂອງຄະນະບໍລິຫານງານສູນກາງພັກ ຄອມ ມູນິດຫວຽດນາມໃນໄລຍະຜ່ານມາ,ກວດກາຄືນກ່ຽວກັບການຈັດຕັ້ງປະ ຕິບັດວຽກງານດ້ານຕ່າງໆ ຕະຫລອດໄລ ຍະ35ປີແຫ່ງການວາງແນວທາງປ່ຽນແປງໃໝ່ຂອງຊາດ,ປຶກສາຫາລືແລະຮັບຮອງເອົາ ບົດລາຍງານການເມືອງຂອງຄະນະບໍລິຫານງານສູນກາງຊຸດທີXII,ທົບທວນຄືນການຈັດຕັ້ງປະຕິບັດຍຸດ ທະສາດການພັດທະນາເສດຖະກິດສັງຄົມໄລຍະ10ປີນັບແຕ່2011ຫາ2020,ສ້າງຍຸດທະສາດການພັດທະນາເສດຖະກິດສັງຄົມ10ປີໄລ ຍະ2021ຫາ 2030, ຕີລາຄາຜົນຂອງການຈັດຕັ້ງປະຕິບັດວຽກງານພັດທະນາ ເສດຖະກິດ – ສັງຄົມ 5 ປີ 2016-2020 ແລະທິດທາງແລະ ໜ້າ ວຽກພັດທະນາເສດຖະກິດ – ສັງຄົມໄລຍະ 5ປີ 2021 ຫາ2025ກວດກາການນຳພາແລະທິດ ທາງຂອງຄະນະບໍລິຫານງານສູນກາງ ຊຸດທີXIIຂອງພັກ,ສະຫລຸບວຽກງານກໍ່ສ້າງພັກແລະປະຕິບັດກົດລະບຽບຂອງພັກສຳລັບກອງປະຊຸມ ໃຫຍ່ຄັ້ງທີXIIພ້ອມທັງປ່ອນບັດເລືອກຕັ້ງເອົາຄະນະບໍລິຫານງານສູນກາງພັກສະໄໝທີXIIIຂອງພັກ ຄອມມູນນິດຫວຽດນາມເພື່ອເປັນຫລັກແຫລ່ງແກ່ນສານໃນການປົກປັກຮັກສາແລະສ້າງສາພັດທະນາປະເທດຊາດໃນຕໍ່ຫນ້າເຊີ່ງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ13ຂອງພັກຄອມມູນນິດ ຫວຽດຈະດໍາເນີນໄປຮອດວັນທີ 2 ກຸມພາຫນ້ານີ້ຈື່ງສໍາເລັດ.
ຂ່າວ: ເດດອາລຸນ ແກ້ວວິໄລ.
ພາບ:ໂອລໍາ ຈັນທະວິໄລ.
Loading...