ວິທະຍຸໂທລະພາບສູນກາງຈີນ CMG ລາຍງານວ່າ: ວັນທີ 18 ກໍລະກົດນີ້, ພັກຄອມມູນິດຈີນ ໄດ້ປະກາດແຈ້ງການກອງປະ ຊຸມຄົບຄະນະ ຄັ້ງທີ 3 ຂອງຄະນະກຳມະການສູນກາງພັກຄອມມູ ນິດຈີນ ສະໄໝທີ 20 ໂດຍຈັດວາງຍຸດທະສາດເພື່ອລົງເລິກການປະຕິຮູບຢ່າງຮອບດ້ານຕື່ມອີກ ແລະ ຊຸກຍູ້ຄວາມທັນສະໄໝແບບຈີນ.
ເນື້ອໃນຂອງແຈ້ງການລະບຸວ່າ: ກອງປະຊຸມຄົບຄະນະ ຄັ້ງທີ 3 ຂອງຄະນະ ກຳມະການສູນກາງພັກຄອມມູນິດຈີນ ສະໄໝທີ 20 ທີ່ຈັດຂຶ້ນຢູ່ ນະຄອນຫລວງປັກກິ່ງ ແຕ່ວັນທີ 15 ຫາ 18 ກໍລະ ກົດນີ້ ໄດ້ຕີລາຄາສູງ ຕໍ່ພຶດຕິກຳຕົວຈິງທີ່ສຳເລັດຜົນ ແລະ ຜົນ ງານອັນຍິ່ງໃຫຍ່ຂອງຈີນ ໃນການລົງເລິກການປະຕິຮູບຢ່າງຮອບດ້ານໃນຍຸກໃໝ່, ພ້ອມທັງເຫັນວ່າ ປັດຈຸບັນ ແລະ ໄລຍະຕໍ່ໄປຂ້າງໜ້າແມ່ນໄລຍະສຳຄັນເປັນຂໍກະແຈໃນການ ຊຸກຍູ້ການສ້າງປະເທດໃຫ້ເຂັ້ມແຂງຢ່າງຮອບດ້ານ ແລະ ພາລະກິດການ ຟື້ນຟູຄວາມຈະເລີນຮຸ່ງເຮືອງແຫ່ງຊາດອັນຍິ່ງໃຫຍດ້ວຍຄວາມທັນສະໄໝແບບຈີນ, ຕ້ອງວາງການປະຕິຮູບໃຫ້ຢູ່ຖານະທີ່ພົ້ນເດັ່ນກວ່າເກົ່າ, ລົງເລິກ ການປະຕິຮູບຢ່າງຮອບດ້ານຕື່ມອີກ ໂດຍປິ່ນອ້ອມຄວາມທັນສະໄໝແບບ ຈີນຢ່າງໜັກແໜ້ນ.
ແຈ້ງການລະບຸຕື່ມວ່າ: ກອງປະຊຸມຄົບຄະນະຄັ້ງນີ້ ໄດ້ມີການຈັດວາງຢ່າງ ເປັນລະບົບຕໍ່ການລົງເລິກການປະຕິຮູບຢ່າງຮອບດ້ານຕື່ມອີກ, ເນັ້ນໜັກ ການສ້າງໂຄງປະກອບເສດຖະກິດຕະຫລາດແບບສັງຄົມນິຍົມທີ່ມີລະດັບ ສູງ, ປັບປຸງໂຄງປະກອບກົນໄກທີ່ຊຸກຍູ້ການພັດທະນາເສດຖະກິດດ້ວຍ ຄຸນນະພາບສູງໃຫ້ສົມບູນຂຶ້ນ, ສ້າງໂຄງປະກອບກົນໄກທີ່ສະໜັບສະໜູນ ການປະດິດສ້າງຮອບດ້ານ, ປັບປຸງລະບົບການບໍລິການສດຖະກິດ ມະຫາພາກໃຫ້ສົມບູນຂຶ້ນ, ປັບປຸງໂຄງປະກອບກົນໄກການພັດ ທະນາແບບ ເຊື່ອມໂຍງ ລະຫວ່າງ ຕົວເມືອງ ກັບ ຊົນນະບົດ, ປັບປຸງໂຄງປະກອບກົນໄກ ການເປີດປະຕູສູ່ພາຍນອກຢ່າງມີລະ ດັບສູງໃຫ້ສົມບູນຂຶ້ນ, ປັບປຸງລະບົບ ລະບຽບການປະຊາທິປະໄຕປະຊາຊົນທົ່ວຂະບວນການໃຫ້ສົມບູນຂຶ້ນ, ປັບ ປຸງລະບົບການ ປົກຄອງດ້ວຍກົດໝາຍສັງຄົມນິຍົມທີ່ມີສີສັນພິເສດຂອງ ຈີນໃຫ້ສົມບູນຂຶ້ນ, ລົງເລິກການປະຕິຮູບໂຄງປະກອບກົນໄກວັດທະນະທຳ, ປັບປຸງລະບົບການຮັບປະກັນ ແລະ ແກ້ໄຂຊີວິດການເປັນຢູ່ຂອງ ປະຊາຊົນໃຫ້ສົມບູນຂຶ້ນ, ລົງເລິກການປະຕິຮູບໂຄງປະກອບຄວາມສີວິໄລ ທາງລະບົບນິເວດ, ຊຸກຍູ້ລະບົບ ແລະ ຄວາມສາມາດດ້ານຄວາມໝັ້ນຄົງ ແຫ່ງຊາດໃຫ້ຫັນເປັນແບບທັນສະໄໝ, ລົງເລິກການປະຕິຮູບດ້ານການ ປ້ອງກັນປະເທດ ແລະ ກອງທັບຢ່າງຕໍ່ເນື່ອງ, ຍົກສູງລະດັບການນຳພາຂອງ ພັກກຳອຳນາດໃນການລົງເລິກການປະຕິຮູບຢ່າງຮອບດ້ານຕື່ມອີກ ແລະ ຊຸກຍູ້ຄວາມທັນສະໄໝແບບຈີນ.
ແຈ້ງການຍັງລະບຸຕື່ມອີກວ່າ: ກອງປະຊຸມຄົບຄະນະຄັ້ງນີ້ ຍັງມີການຈັດ ວາງຢ່າງເປັນຮູບປະທຳກ່ຽວກັບການລົງເລິກການປະຕິຮູບຢ່າງຮອບດ້ານ ຕື່ມອີກໂດຍແນໃສ່ລັກສະນະພິເສດ ແລະ ຄວາມຮຽກຮ້ອງຕ້ອງການ ພາຍໃນຂອງຄວາມທັນສະໄໝແບບຈີນ. ກອງປະຊຸມເຫັນວ່າ ການເປີດ ປະຕູສູ່ພາຍນອກໄດ້ເປັນຂີດໝາຍຢ່າງຈະແຈ້ງຂອງຄວາມທັນສະໄໝແບບຈີນ. ຕ້ອງຍຶດໝັ້ນນະໂຍບາຍພື້ນຖານແຫ່ງຊາດທີ່ເປີດປະຕູ່ສູ່ພາຍນອກ, ຍຶດໝັ້ນຊຸກຍູ້ການປະຕິຮູບໂດຍຜ່ານການເປີດປະຕູສູ່ພາຍນອກ, ອີງໃສ່ ທ່າແຮງທີ່ປະເທດຈີນ ເປັນຕະຫລາດຂະໜາດໃຫຍ່, ຍົກສູງຄວາມສາມາດ ການປະເປີດປະຕູສູ່ພາຍນອກໃນການຮ່ວມມືສາກົນ, ສ້າງເປັນລະບົບ ເສດຖະກິດໃໝ່ແບບເປີດປະຕູສູ່ພາຍ ນອກທີ່ມີລະດັບສູງກວ່າເກົ່າ. ຕ້ອງເປີດກວ້າງການເປີດປະຕູສູ່ພາຍນອກດ້ານລະບຽບການຢ່າງໝັ້ນທ່ຽງ, ລົງເລິກການປະຕິ ຮູບລະບົບການຄ້າກັບຕ່າງປະເທດ, ລົງເລິກການປະຕິ ຮູບລະບົບການຄຸ້ມຄອງການລົງທຶນຂອງນັກທຸລະກິດຕ່າງປະເທດ ແລະ ການລົງທຶນຕໍ່ຕ່າງປະເທດ, ປັບປຸງການຈັດສັນການເປີດປະຕູສູ່ພາຍນອກ ຂອງເຂດແຄວ້ນໃຫ້ດີຂຶ້ນ, ປັບປຸງກົນໄກການຊຸກຍູ້ຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ດ້ວຍຄຸນນະພາບສູງ.
ການປະຕິຮູບ ແລະ ເປີດປະຕູສູ່ພາຍນອກ ແມ່ນນະໂຍບາຍພື້ນຖານ ແຫ່ງຊາດຂອງຈີນ, ທ່ານ ສີຈິ້ນຜິງ ເອີ້ນວ່າ ນີ້ເປັນສິ່ງວິເສດສຳລັບ ຈີນຍຸກປັດຈຸບັນ ທີ່ຢ່ວງບາດກ້າວໃຫຍ່ເພື່ອທ່ວງທັນກັບຍຸກສະໄໝ ແລະ ເປັນເຄັດລັບສຳຄັນທີ່ຕັດສິນຄວາມທັນສະໄໝແບບຈີນ ຈະສຳເລັດ ຫລື ລົ້ມແຫລວ. ວົງນອກໄດ້ຕີລາຄາວ່າ: ກອງປະຊຸມຄົບຄະນະຄັ້ງນີ້ ຍ່ອມຈະ ກາຍເປັນຫລັກໝາຍໃໝ່ ເພື່ອຊີ້ທິດເຍືອງທາງໃຫ້ແກ່ການພັດທະນາ ປະເທດຂອງຈີນ ໃນໄລຍະຍາວ.
