ຫລັງຈາກນຳໃຊ້ງົບປະມານ 20 ລ້ານໂດລາສະຫະລັດ ຫຼື ປະມານ 184 ຕື້ກວ່າກີບ ເພື່ອກໍ່ສ້າງພັດຕະຄານເຊນພິລາ ຄອນເວັນຊັນຮໍ ເປັນເວລາ 2 ປີກັບ 1 ເດືອນ (ເລີ່ມລົງມືແຕ່ວັນທີ 15 ກັນຍາ 2018 ສໍາເລັດໃນວັນທີ 15 ຕຸລາ 2020). ມາຮອດຕອນຄໍ່າວັນທີ 15 ຕຸລາ 2020 ພັດຕະຄານດັ່ງກ່າວ ໄດ້ຈັດພິທີເປີດບໍລິການສັງຄົມຢ່າງເປັນທາງ ການແລ້ວ ໂດຍການໃຫ້ກຽດເຂົ້າຮ່ວມເປີດພິທີຂອງ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ບົວສອນ ບຸບຜາວັນ ອະດີດນາຍົກລັດຖະມົນຕີ, ພ້ອມດ້ວຍແຂກຮັບເຊີນຈຳນວນ ຫລາຍ.

ທ່ານ ສີສົມບັດ ພິລາວົງ ປະທານພັດຕະຄານເຊນພິລາ ຄອນເວັນຊັນຮໍ ໃຫ້ຮູ້ວ່າ: ຈຸດປະສົງໃນການສ້າງຕັ້ງພັດຕາ ຄານແຫ່ງນີ້ ເພື່ອນຳໃຊ້ເປັນສະຖານທີ່ຈັດງານດອງ, ງານສັງສັນ, ກອງປະຊຸມສຳມະນາ ຫຼື ງານສຳຄັນຕ່າງໆທົ່ວໄປ. ສຳລັບອາຄານຈັດ ງານ ມີເນື້ອທີ່ 2 ເຮັກຕາກວ່າ ແລະ ເນື້ອທີ່ຂອງທີ່ດິນລວມທັງໝົດ 7 ເຮັກຕາກວ່າ ສາມາດຈັດງານໄດ້ເຖິງ 4 ງານ ແຕ່ລະງານສາມາດຮອງຮັບແຂກເຂົ້າຮ່ວມໄດ້ 2.000 ກວ່າຄົນ, ເວົ້າລວມ ໃນຄືນໜຶ່ງສາມາດຮອງຮັບແຂກໄດ້ເຖິງ 8.000 ຄົນ, ພັດຕາຄານແຫ່ງນີ້ ມີພະນັກງານ 200 ຄົນ ເພື່ອຕອບສະໜອງຮັບໃຊ້ໃນການບໍລິ ການໃຫ້ແກ່ລູກຄ້າ ແລະ ໃຊ້ບໍລິການຈັດງານຕ່າງໆ ເຊີ່ງຖືເປັນອີກຫົວໜ່ວຍທຸລະ ກິດໜຶ່ງທີ່ຊ່ວຍສົ່ງເສີມໃຫ້ປະຊາຊົນມີວຽກເຮັດງານທຳຕື່ມອີກ.

ພັດຕະຄານເຊນພິລາ ຕັ້ງຢູ່ບ້ານດົງປາແຫຼບ, ເມືອງຈັນທະບູລີ, ນະຄອນຫຼວງວຽງຈັນ. ຖ້າສົນທ່ານໃດມີຄວາມສົນໃຈຈັດງານດອງ ແລະ ງານອື່ນໆ ສາມາດຕິດຕໍ່ໄດ້ທີ່ບໍລິສັດແອັດພີອະສັງຫາລິມມະຊັບ ເຊິ່ງຕັ້ງຢູ່ຊັ້ນລຸ່ມຂອງພັດຕະຄານດັ່ງກ່າວ ລາຄາເລີ່ມຕົ້ນ 180.000 ກີບຕໍ່ບັດ.

Loading...