ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພາກສ່ວນຕ່າງໆສືບຕໍ່ມອບເຄື່ອງ ແລະປັດໃຈສະໜັບສະໜູນບັນດາກິດຈະກຳຕ່າງໆໃນໂອກາດສະ ເຫລີມສະຫລອງວັນສື່ມວນຊົນ ແລະການພິມຈຳໜ່າຍລາວ ວັນທີ 13 ສິງຫາ ຄົບຮອບ 70 ປີ

ພາກສ່ວນຕ່າງໆສືບຕໍ່ມອບເຄື່ອງ ແລະປັດໃຈສະໜັບສະໜູນບັນດາກິດຈະກຳຕ່າງໆໃນໂອກາດສະ ເຫລີມສະຫລອງວັນສື່ມວນຊົນ ແລະການພິມຈຳໜ່າຍລາວ ວັນທີ 13 ສິງຫາ ຄົບຮອບ 70 ປີ ພິທີມອບຮັບຈັດຂື້ນໃນວັນທີ 6 ສິງຫານີ້, ທີ່ສຳນັກງານໜັງສືພິມພາສາຕ່າງປະເທດ ປະກອບມີບໍລິສັດນໍ້າດື່ມແຮ່ທຳມະຊາດພູໂຂງ, ສະມາຄົມຢຸນໜານທີ່ເຮັດເຂື່ອນໄຟຟ້າຢູ່ແຂວງຊຽງຂວາງ, ບໍລິສັດວ໋ອກແມນ ແລະບໍລິສັດຂຸຄົ້ນແຮ່ທອງຢູ່ແຂວງອຸດົມໄຊ ໂດຍການກ່າວຮັບຂອງທ່ານ ສະຫວັນຄອນ ຣາຊມົນຕີ, ຮອງລັດຖະມົນຕີກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ມີຄະນະຮັບຜິດຊອບງານສະເຫລີມສະຫລອງວັນສື່ມວນຊົນ ແລະການພິມຈຳໜ່າຍລາວ ຄົບ ຮອບ 70 ປີ ແລະພາກ ສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ອາດີນ່າ ມະຫາວົງ, ປະທານໂທລະພາບເອັມວີລາວ ທັງເປັນບັນນາທິການດ້ານສັງຄົມຂອງສະມາຄົມນັກຂ່າວແຫ່ງ ສປປລາວ ໃຫ້ສຳພາດວ່າ: ວັດຖຸປັດໃຈຕ່າງໆທີ່ໄດ້ຮັບການຊຸກຍູ້ສະໜັບສະໜູນໃນຄັ້ງນີ້ຈະນໍາໃຊ້ເຂົ້າໃນການຈັດກິດຈະກຳຕ່າງໆໃນໂອກາດສະເຫລີມສະຫລອງວັນສື່ມວນຊົນ ແລະການພິມຈຳໜ່າຍລາວ ຄົບຮອບ 70 ປີ, ສ້າງຜະລິດຕະພັນ, ຫ້ອງວາງສະແດງ ລວມເຖິງການ ເຄື່ອນໄຫວວຽກງານຂອງສະມາຄົມນັກຂ່າວແຫ່ງປະເທດລາວ ແລະອື່ນໆ ແນໃສ່ພັດທະນາຂົງເຂດສື່ມວນຊົນຂອງລາວໃຫ້ດີຂື້ນໃນຕໍ່ໜ້າ.
ໂອກາດນີ້ ປະທານໂທລະພາບເອັມວີລາວ ທັງເປັນບັນນາທິການດ້ານສັງຄົມຂອງສະມາຄົມນັກຂ່າວແຫ່ງ ສປປລາວ ໄດ້ສະແດງຄວາມຂອບໃຈມາຍັງພາກສ່ວນຕ່າງໆທັງພາກລັດ ແລະເອກະຊົນທີ່ໃຫ້ ການຊ່ວຍເຫລືອ ແລະປະກອບສ່ວນຊຸກຍູ້ປັດໃຈຕ່າງໆໃນໂອກາດສະເຫລີມສະຫລອງວັນສື່ມວນຊົນ ແລະການພິມຈຳໜ່າຍລາວ ຄົບຮອບ 70 ປີ ລວມທັງໝົດເກືອບ 10 ພາກສ່ວນ ແລະຢັ້ງຢືນວ່າຈະນໍາໃຊ້ວັດຖຸລວມເຖິງປັດໃຈຕ່າງໆໃຫ້ມີປະສິດທິຜົນສູງສຸດ.

ຂ່າວ;ພາບ: ຈັນທະສອນ ສີຫານາດ