ວັນທີ 9 ກຸມພາ 2021 ທີ່ກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ ໄດ້ມີພິທີຖະແຫຼງຂ່າວກ່ຽວກັບ ງານແຂ່ງຂັນວິດີໂອສັ້ນລາວ-ຈີນ 2021, ໂດຍການເຂົ້າຮ່ວມຂອງທ່ານ ຄໍາເພົ້າ ວັນນະວົງ ຫົວໜ້າກົມຮູບເງົາ ກະຊວງ ຖວທ, ທ່ານນາງແສງແກ້ວ(ໂມ້ສຽວຫຼິງ) ຫົວໜ້າວິທະຍຸສາກົນແຫ່ງປະເທດຈີນ CRI ປະຈໍາລາວພ້ອມດ້ວຍບັນດາ ສື່ມວນຊົນລາວເຂົ້າຮ່ວມ.
ເນື່ອງໃນໂອກາດວັນສ້າງຕັ້ງສາຍພົວພັນທາງການທູດຈີນ-ລາວຄົບຮອບ 60 ປີ ແລະ ເປັນປີແຫ່ງມິດຕະພາບ ລາວ-ຈີນທີ່ທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ແລະ ທ່ານທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ຕົກລົງຮ່ວມກັນໃນຫວ່າງບໍ່ດົນນີ້, ສູນອາຊີອາຟຣິກາຂອງສະຖານີວິ ທະຍຸໂທລະພາບສູນກາງຈີນ ຈຶ່ງເປັນເຈົ້າພາບຮ່ວມກັບກະຊວງຖະແຫຼງຂ່າວ,ວັດທະນະທໍາແລະທ່ອງທ່ຽວລາວ ຈັດງານແຂ່ງຂັນວີດີໂອສັ້ນລາວ-ຈີນ 2021 ພາຍໃຕ້ຫົວຂໍ້ “ ຄຽງຂ້າງກັນ ”, ເພື່ອປະກອບເປັນກິດຈະກຳໜຶ່ງເຂົ້າໃນຖັນແຖວສະຫຼອງວັນສ້າງຕັ້ງສາຍພົວພັນທາງການທູດຈີນ-ລາວຄົບຮອບ 60 ປີ.
ງານແຂ່ງຂັນວິດີໂອສັ້ນລາວ-ຈີນຄັ້ງນີ້ໄດ້ເນັ້ນສ່ອງແສງ ເຖິງມິດຕະພາບອັນເປັນມູນເຊື້ອລະຫວ່າງສອງພັກ, ສອງລັດ ແລະ ປະຊາຊົນ ທັງສອງປະເທດ. ພ້ອມດຽວກັນນີ້, ຍັງເປັນການສ້າງໂອກາດໃຫ້ແກ່ຄົນລາວທີ່ມີຄວາມຮູ້ຄວາມສາມາດບໍ່ວ່າໃນວົງການ ຫຼື ນອກວົງການສື່ມວນຊົນ ໄດ້ພັດທະນາຂະແໜງການຜະລິດວິດີໂອສັ້ນໃຫ້ມີຄວາມອຸດົມສົມບູນກວ່າເກົ່າ ເພື່ອຍົກລະດັບວິຊາການ ຂອງຂະແໜງການທີ່ກ່ຽວຂ້ອງໃຫ້ສູງຂຶ້ນຕາມຍຸກສະໄໝໃໝ່
ງານແຂ່ງຂັນຄັ້ງນີ້ ຈະຮັບຜົນງານການປະກວດວີດີໂອ 5 ປະເພດໃນສັງຄົມລາວ ແລະ ຈີນ ຄື: ຮູບເງົາເລື່ອງສັ້ນ, Vlog, ການໂຄສະນາເພື່ອສາທາລະນະປະໂຫຍດ, MV ເພງມິດຕະພາບລາວ-ຈີນ ແລະ ວີດີໂອສັ້ນ ທີ່ຖ່າຍດ້ວຍໂທລະສັບມືຖື. ພ້ອມດຽວກັນນີ້, ທາງຄະນະຈັດງານຍັງໄດ້ຈັດລາງວັນຫຼາຍຮູບແບບ ເຊິ່ງຜູ້ເຂົ້າຮ່ວມການປະ ກວດຕ້ອງສົ່ງຜົນງານການປະກວດຂອງຕົນໃຫ້ແກ່ຄະນະຈັດງານກ່ອນວັນທີ 28 ມີນາ 2021. ຈາກນັ້ນ, ກຳມະການຂອງ ສອງປະເທດ ລາວ – ຈີນ ຈະຮ່ວມກັນຕັດສິນໃຫ້ຄະແນນ ແລະ ຄັດເລືອກເອົາຜູ້ທີ່ໄດ້ຮັບລາງວັນຕ່າງໆ, ສ່ວນຜົນການ ປະກວດຈະແຈ້ງຜ່ານສື່ມວນຊົນລາວ ແລະຈີນໃນເດືອນເມສາ 2021.
ລາຍລະອຽດກ່ຽວກັບງານແຂ່ງຂັນຄັ້ງນີ້, ສາມາດຕິດຕາມໃນເວບໄຊ http://laos.cri.cn/clvideo ແລະ “ Laos Grip”APP. ເຊີນຊວນທຸກທ່ານທີ່ມີພອນສະຫວັນ ແລະ ມີຈຸດປະສົງຢາກເຂົ້າຮ່ວມໃນງານນີ້ໄດ້ ໂດຍບໍ່ຈໍາກັດເພດ, ສາຂາອາຊີບ, ຜູ້ຢູ່ຊົນນະບົດ ຫຼື ຕົວເມືອງໂດຍບໍ່ເສຍຄ່າສະໝັກໃດໆ.
I. ປະເພດຮູບເງົາແລະວີດີໂອທີ່ຈະເຂົ້າແຂ່ງຂັນລວມມີ 5 ປະເພດຄື:
1. ຮູບເງົາເລື່ອງສັ້ນ: ໃຫ້ຖ່າຍເປັນເລື່ອງທີ່ມີເນື້ອໃນຄົບຖ້ວນ, ຄວາມຍາວບໍ່ໃຫ້ເກີນ 7 ນາທີ.
2. VLOG: ໃຫ້ມີເນື້ອໃນກ່ຽວກັບຊີວິດຕົວຈິງ, ເປັນເລື່ອງທີ່ມີໂຄງສ້າງທີ່ຄົບຖ້ວນ ແລະ
ມີເນື້ອໃນຈິດໃຈທີ່ຊັດເຈນ, ຄວາມຍາວບໍ່ເກີນ 15 ນາທີ.
3. ການໂຄສະນາເພື່ອສາທາລະນະປະໂຫຍດ: ໃຫ້ມີເນື້ອຫາທີ່ສ້າງສັນທາງດ້ານແນວຄິດຈິດໃຈ, ເປັນການສ່ອງແສງເຖິງ ຄວາມເປັນທຳໃນສັງຄົມມະນຸດ,ຄວາມຍາວບໍ່ເກີນ 3 ນາທີ.
4. MVເພງມິດຕະພາບລາວ-ຈີນ: ຕ້ອງເປັນບົດເພງແລະທຳນອງເພງສ້າງຂຶ້ນເອງທີ່ມີເນື້ອໃນສະທ້ອນໃຫ້ເຫັນເຖິງມິດຕະ ພາບລາວ-ຈີນ, ຄວາມຍາວຂອງ MV ບໍ່ໃຫ້ເກີນ 6 ນາທີ.
5. ວິດີໂອສັ້ນທີ່ຖ່າຍດ້ວຍໂທລະສັບມືຖື,ຄວາມຍາວບໍ່ເກີນ 1 ນາທີ, ບໍ່ຈໍາກັດເນື້ອໃນ, ແຕ່ໃຫ້ເໝາະສົມກັບຫົວຂໍ້ “ຄຽງຂ້າງກັນ ”
II. ກ່ຽວກັບລາງວັນ:
1. ລາງວັນພິເສດຈາກກໍາມະການ (2 ລາງວັນ) ລາງວັນລະ10.000.000ກີບພ້ອມຂັນລາງວັນ
2. ລາງວັນຮູບເງົາເລື່ອງສັ້ນທີ່ດີເດັ່ນ (1 ລາງວັນ) ລາງວັນລະ5.000.000ກີບ ພ້ອມມືຖືຮົວເຫວີຍໜຶ່ງເຄື່ອງ ແລະ ຂັນລາງວັນ
3. ລາງວັນ VLOG ທີ່ດີເດັ່ນ (1 ລາງວັນ) ລາງວັນລະ5.000.000ກີບ ພ້ອມມືຖືຮົວເຫວີຍໜຶ່ງເຄື່ອງ ແລະຂັນລາງວັນ
4. ລາງວັນການໂຄສະນາເພື່ອສາທາລະນະປະໂຫຍດທີ່ດີເດັ່ນ(1ລາງວັນ)ລາງວັນລະ5.000.000ກີບ ພ້ອມມືຖືຮົວເຫວີຍໜຶ່ງເຄື່ອງ ແລະຂັນລາງວັນ
5. ລາງວັນຂວັນໃຈຜູ້ຊົມໃຊ້ທີ່ໂຫວດຜ່ານ APP LAOS GRIP (1 ລາງວັນ)
ລາງວັນລະ5.000.000ກີບ ພ້ອມມືຖືຮົວເຫວີຍໜຶ່ງເຄື່ອງ ແລະຂັນລາງວັນ
6. ລາງວັນຜູ້ກຳກັບດີເດັ່ນ (2 ລາງວັນ) ລາງວັນລະ5.000.000ກີບ ພ້ອມຂັນລາງວັນ
7. ລາງວັນເນື້ອຫາດີເດັ່ນ (2 ລາງວັນ) ລາງວັນລະ5.000.000ກີບ ພ້ອມຂັນລາງວັນ
8. ລາງວັນພາບ ແລະສຽງດີເດັ່ນ (2 ລາງວັນ) ລາງວັນລະ5.000.000ກີບ ພ້ອມຂັນລາງວັນ
9. ລາງວັນຕັດຕໍ່ດີເດັ່ນ (2 ລາງວັນ) ລາງວັນລະ5.000.000ກີບ ພ້ອມຂັນລາງວັນ
10. ລາງວັນ MV ເພງດີເດັ່ນ (2 ລາງວັນ) ລາງວັນລະ5.000.000ກີບ ພ້ອມຂັນລາງວັນ
11.ລາງວັນຊົມເຊີຍຄລິບສັ້ນ(CLIP)ທີ່ຖ່າຍດ້ວຍໂທລະສັບມືຖື(2 ລາງວັນ)
ລາງວັນລະ3.000.000ກີບ
ສຳລັບວິດີໂອທີ່ໄດ້ຮັບການຄັດເລືອກນັ້ນ,ຜູ້ຈັດງານມີສິດນໍາໃຊ້ເຂົ້າໃນການເຄື່ອນໄຫວກິດຈະກຳທີ່ກ່ຽວຂ້ອງໂດຍຊອບທຳ.
5. ຜົນງານທີ່ໄດ້ຮັບລາງວັນຈະປະກາດຜ່ານສື່ອອນລາຍ. ຫາກຜົນງານໃດທີ່ເປັນຜົນງານທີ່ລັກລອກແບບຜົນງານຂອງ ຜູ້ອື່ນ ແລະ ໄດ້ທຳລາຍເຖິງສິດທິຜົນປະໂຫຍດຂອງຝ່າຍທີ3, ຜູ້ຖືຜົນງານເຂົ້າຮ່ວມງານປະກວດຄັ້ງນີ້ຈະຕ້ອງຮັບຜິດຊອບທາງ ກົດໝາຍທັງໝົດແລະຕ້ອງຮັບຜິດຊອບຕໍ່ຄວາມເສຍຫາຍຂອງຄະນະຈັດງານປະກວດອີກດ້ວຍ.
6. ຄະນະຈັດງານປະກວດມີສິດໃນການຕີຄວາມໝາຍຕໍ່ລະບຽບການຂອງງານປະກວດຄັ້ງນີ້.
IV. ເວລາກຳນົດການສົ່ງຜົນງານ:ວັນທີ 1 ກຸມພາ – ວັນທີ 28 ມີນາ 2021
V.ວິທີເຂົ້າຮ່ວມ:ໃຫ້ທ່ານດາວໂຫຼດແບບຟອມລົງສະໝັກໜ້າຫຼັກເວັບໄຊ laos.cri.cn/clvideo-la. ຈາກນັ້ນສົ່ງຜົນ ງານວິດີໂອພ້ອມກັບແບບຟອມມາທີ່ອີເມວcliff425@163.com. ຖ້າທ່ານມີບັນຫາສາມາດສອບຖາມທາງອີເມວ ແລະ ເບີໂທຕິດຕໍ່ຂອງພວກເຮົາ: 021 454515
ໝາຍເຫດ: ຄະນະຈັດງານແຂ່ງຂັນວິດີໂອສັ້ນລາວ-ຈີນມີສິດໃນການຈັດການເຫດການທີ່ ເກີດຂຶ້ນກະທັນຫັນທີ່ບໍ່ໄດ້ລະບຸ ໄວ້ໃນບົດນີ້,ໂດຍຖືວ່າຜູ້ເຂົ້າຮ່ວມ “ ງານແຂ່ງຂັນວິດີໂອສັ້ນລາວ-ຈີນ ” ແມ່ນໄດ້ຍອມຮັບ ແລະ ເຄົາລົບເງື່ອນໄຂໃນກົດ ລະບຽບການແຂ່ງຂັນໃນຄັ້ງນີ້. ຫາກມີຄວາມເຂົ້າໃຈທີ່ຕ່າງກັນຕໍ່ລະບຽບການຂອງກິດຈະກຳຄັ້ງນີ້, ແມ່ນຈະອີງຕາມການ ອະທິບາຍທີ່ໄດ້ລະບຸໄວ້ໃນເວັບໄຊທ໌ທາງການຂອງຄະນະຈັດງານເປັນຫຼັກ. ກົດລະບຽບນີ້ແມ່ນ ນຳໃຊ້ກັບທຸກໜ່ວຍງານ ຂອງກິດຈະກຳຄັ້ງນີ້. ການອະທິບາຍກົດລະບຽບການແຂ່ງຂັນໃນຄັ້ງນີ້ແມ່ນເປັນສິດຂອງຜູ້ຈັດງານທັງໝົດ.
Loading...