ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ພິທີປາຖະກະຖາວັນຊາດທີ 2 ທັນວາຄົບຮອບ 43 ປີ ແລະ ວັນຄ້າຍວັນເກີດປະທານໄກສອນພົມວິຫານຄົບຮອບ 98 ປີ.

ພິທີໄດ້ຈັດຂື້ນໃນຕອນເຊົ້າຂອງວັນທີ 5 ທັນວາ 2018 ທີສະໂມສອນເມືອງລ້ອງຊານ ແຂວງໄຊສົມບູນ.ເຂົ້າຮ່ວມເປັນປະທານໂດຍທ່ານ ບູນກອງ ຊົ່ງປ່າຢີ້ງ ເລຂາພັກເມືອງເຈົ້າເມືອງລ້ອງຊານ ພ້ອມດ້ວຍຄະນະ ມີບັນດາຫົວໜ້າ-ຄະນະຫ້ອງການກົມກອງ,ພະນັກງານລັດຖະກອນ,ລັດວິສາຫະກິດ,ພະນັກງານອະວຸໂສບໍານານ ແລະ ມີອໍານາດການປົກຄອງບ້ານເຂົ້າຮ່ວມທັງໝົດ 100 ກວ່າຄົນ.

ໃນພິທີຫຼັງຈາກທ່ານ ກອງພັນ ອຸໄລພອນ ກຳມະການພັກເມືອງຫົວໜ້າຫ້ອງການໂຄສະນາອົບຮົມເມືອງລ້ອງຊານຂື້ນກ່າວຈຸດປະສົງ ແລະ ທ່ານ ສົມພັນ ສີສົມບຼົ່ງ ຮອງເລຂາພັກເມືອງ ຮອງເຈົ້າເມືອງລ້ອງຊານ ແລະ ທ່ານ ບູນກອງ ຊົ່ງປ່າຢີ້ງ ເລຂາພັກເມືອງເຈົ້າເມືອງລ້ອງຊານໄດ້ຜັດປ່ຽນກັນຂື້ນເລົ່າປະຫວັດຄວາມເປັນມາຂອງວັນຄ້າຍວັນເກີດປະທານໄກສອນພົມວິຫານຄົບຮອບ 98 ປີ ກ່ຽວກັບການເຕີບໃຫຍ່ຂະຫຍາຍຕົວ,ການດໍາລົງຊີວິດ ແລະ ວັນຊາດທີ 2 ທັນວາ ຄົບຮອບ 43 ປີ ກ່ຽວກັບການຕໍ່ສູ້ກູ້ຊາດ ແລະ ການສ້າງສາພັດທະນາປະເທດຊາດໃນແຕ່ລະໄລຍະ ໃຫ້ຜູ້ເຂົ້າຮ່ວມໄດ້ລະນຶກເຖີງມູນເຊື້ອທີສໍາຄັນ ແລະ ຍາກມາໄດ້ນັ້ນ ນໍາໄປສືບຕໍ່ຈັດຕັ້ງປະຕິບັດຜັນຂະຫຍາຍ ແລະ ພັດທະນາບ້ານ-ເມືອງໃຫ້ດີຂື້ນເທື່ອລະກ້າວ ໃນເວລາດຽວກັນນັ້ນ ທ່ານ ຄໍາເພັດ ບົວລີຊົ່ງ ກຳມະການພັກເມືອງຫົວໜ້າຫ້ອງການພາຍໃນເມືອງລ້ອງຊານ ຂື້ນຜ່ານຂໍ້ຕົກລົງຂອງທ່ານເຈົ້າແຂວງໄຊສົມບູນ ສະບັບເລກທີ 539/ຈຂ.ຊບ ລົງວັນທີ 24 ພຶດສະພາ 2018 ວ່າດ້ວຍການຍ້ອງຍໍ ບຸກຄົນ ແລະ ກົມກອງ ທີມີຜົນງານດີເດັ່ນໃນການປົກປັກຮັກສາ ແລະ ສ້າງສາພັດທະນາແຂວງໄຊສົມບູນໃນໄລຍະ I ປີ 2017 ແລະ ຜ່ານລາຍຊື່ບຸກຄົນ ແລະ ກົມກອງລວມໝູ່ທີໄດ້ຮັບຍ້ອງຍໍ ຜົນງານດີເດັ່ນໃນຂະບວນການປະຕິບັດໜ້າທີປົກປັກຮັກສາ ແລະ ສ້າງສາພັດທະນາແຂວງໄຊສົມບູນຕະຫຼອດໄລຍະ 1 ປີ ປະຈໍາປີ2017ທົ່ວເມືອງລ້ອງຊານມີຈໍານວນ 730 ທ່ານ,ຍີງ 127 ທ່ານ ແລະ ມີ 11 ກົມກອງລວມໝູ່ ຫຼັງຈາກນັ້ນ ເຊີນບັນດາຫົວໜ້າ-ຄະນະຫ້ອງການທີມີລາຍຊື່ ແລະ ບຸກຄົນຫຼືຜູ້ຕ່າງໜ້າຂື້ນຮັບໃບຍ້ອງຍໍທ່ານເຈົ້າແຂວງໄຊສົມບູນປະຈໍາປີ2017 ແລະ ຂື້ນມອບໂດຍທ່ານ ບູນກອງຊົ່ງປ່າຢີ້ງ ເລຂາພັກເມືອງເຈົ້າເມືອງລ້ອງຊານ ແລະ ທ່ານ ສົມພັນ ສີສົມບຼົ່ງ ຮອງເລຂາພັກຮອງເຈົ້າເມືອງລ້ອງຊານ ແລະ ທ່ານ ເຈົ້າເມືອງລ້ອງຊານ ຍັງມອບ ຂອງຂ້ວນໃຫ້ບັນດາທ່ານອາດິດການໍາເມືອງຢ່າງເປັນທາງການ ຫຼັງຈາກ ພິທີປະຖະກະຖາສໍາເລັດແລ້ວ ໄດ້ສ້າງກິດຈະກຳຂະບວນການເຕະບານຕ້ອນຮັບວັນຊາດທີ2 ທັນວາ ຄົບຮອບ 43 ປີ ແລະ ວັນຄ້າຍວັນເກີດຂອງປະທານໄກສອນພົມວິຫານຄົບຮອບ 98 ປີ ຢູ່ທີເດີ່ນບານຂອງເມືອງຢ່າງຂະບວນຟົດຟື້ນ.